عيون القصايـــــــــــــــــــــــــــد

[" قاصد خير "]

ستّل جناحه ثم حام

يرقى على متن الهوى

يزفّه بعيـــد وانا

محدود في حد النظر…

له بـالهوا شف ومرام

يلعب مع الغيمة سوا

ولا جناح لي وطيــر

والأرض صارت لي مقر

طيري ، ضرب جو الهيام

ولو دعيـته ما التوى

عزي لمن طيـره غدا

ولا له من امره مفر…

فكري تغشاه العسـام

أمسيت وفكري ما ضوى

الأرض قفر من الونس

والليل من فرحي قفر…

شبّـيت ضوي بالظلام

في صحصحٍ ذيـبه عوى

ما لي أنيس إلا النجوم

أو نور وضاح القـمر…

خالي وكني في زحـام

قلبي تلهب وانشـوى

ما عاد أميز بالحشـا

وإلا على الضـو الجمر…

وين انت يا داعي سلام

وين انت يا بايع دوا

ردوا لي النومـه ترى

بالعين جلاد السـهر…

دورت بالشدة حزام

ولا لقيت اللي قوى

يا لله دخـيلك ما لقيت

اللي ينشد به الظهر…


خالد الفيصل ..​

 

[ارحبو]

الامير الشاعر محمد الاحمد السديري

يقول من عدا على راس عالي
رجم طويل يدهله كل قرناس
في راس مرجوم عسير المنالي
تلعب به الارياح مع كل نسناس
في مهمة قفر من الناس خالي
يشتاق له من حس بالقلب هوجاس
قعدت في راسه وحيد لحالي
براس الطويل ملابقه تقل حراس
متذكر في مرقبي وش غدالي
وضعقت بالكفين ياس على ياس
اخذت اعد ايامها والليالي
دنيا تقلب ما عرفنا لها قياس
كم فرقت ما بين غالي وغالي
لوشفت منها ربح ترجع للافلاس
يقطعك دنيا ما لها اول وتالي
لو اضحكت للغبن تقرع بالاجراس
المستريح اللي من العقل خالي
ما هو بلجات الهواجيس عطاس
ماهوب مثلي مشكلاته جلالي
ازريت اسجلهن بحبر وقرطاس
حملي ثقيل وشايلة باحتمالي
واصبر على مر الليالي والاتعاس
وارسي كما ترسي رواس الجبالي
ولا يشتكي ضلع عليه القدم داس
يابجاد شب النار وادن الدلالي
واحمس لنا يابجاد ما يقعد الراس
ودقه بنجر ياظريف العيالي
يجذب لنا ربع على اكوار جلاس
وزله الى منه رقد كل سالي
وخله يفوح وقنن الهيل بقياس
وصبه ومده ياكريم السبالي
يبعد همومي يوم اشمه بالانفاس
فنجال يغدي ما تصور ببالي
وروابع تضرب بها اخماس واسداس
لاخاب ظني بالرفيق الموالي
مالي مشاريه على نايد الناس
لعل قصر ما يجيله ظلالي
ينهد من عال مبانيه للساس
لاصار ما هو مدهل للرجالي
وملجا لمن هو يشكي الضيم والباس
بحسناك يامنشي حقوق الخيالي
ياخالق اجناس ويامغني اجناس
تجعل مقره دارس العهد بالي
صحصاح دوِّ دارس مابه اوناس
البوم في تالي هدامه يلالي
جزاك ياقصر الخنا وكر الادناس
متى تربع دارنا والمغالي
وتخضر فياض عقب ما هيب يباس
نشوف فيها الديدحان متوالي
مثل الرعاف بخصر مدقوق الالعاس
ونثير على البيدا سوات الزوالي
يشرق حماره شرقة الصبغ بالكاس
وتكبر دفوف معبسات الشمارلي
ويبني عليهن الشحم مثل الاطعاس​

 

[Bent_alq8]

مهما يقولون ,,,,,, مهما صار,,,,,,, مهما تم,,,,,
إنتــــــــــــــا البدايات وآخر ساحل ومينـــــــــــــــــا,,,,,,,
من هرجة الناس بالعذال لا تهتم ,,,,,,,لو هم يحسون فينا ماحكوا فينا.........
ماعقب شرب الصبر والمر والعلقم,,,,,, شي (ن) على طاري الفرقا يودينا........
حنا إجتمعنا وشمل العاشقين إلتم,,,,,,,,,, خضنا حروب الهوى فزنا وردينا.....
أهواك ماهي مواويل(ن) بها أترنم,,,,,,, ترا المواويل هي اللي تغنينا.........
منا الوفا ياوفي الروح يتعلم,,,,,,,,,, كل التعابير تبحر من شواطينا........
حبيب عمري حياة القلب خل الهم,,,,,,,, تقسى الليالي لكن ما تقسينا.........
وإن كان جدت جدايد حبنا أقدم ,,,,,,,,,,ولا عاش راس على الدنيا يبكينا.....​

 

[بوسعود66666]

ليش تزعل وانت ماتعرف ظروفي

ليش ما تسمع كلامي للنهاية

اقتنع بالعذر ترضيكم حلوفي

والله ان اللي حصل ماهو برضاية

من وعدني بلتزم بالوعد يوفي

ليش تلعب بي وتلعب في هواية

وكان خنت العهد فالحكم معروفي

الخيانة بالعهود أكبر جناية

كان قلبك يرحم الحال ويروفي

والله إنا ما لنا بالغير غاية

لا تحسب اني بطير مع الدفوفي

ما اشتري السلعة على سبة دعاية

لا طرت لي كلمتك يزيد خوفي

واتعذب من خلاية في خلاية

احسب ان الحب وياك مخلوفي

يوم انا اخصك بحبي مع غلاية

ما هقيتك تجرح القلب العطوفي

لا يا بو وجهين ما هذا جزاية​

 

[بو راس يابس]

رائعة يزيد بن معاوية :​

 

[سيده اعمال 2008]

ودى اموت اليوم واعيش باكر

واشوف منهو بعد موتى فقدنى ..!!

ومنهو حملنى ليين ذيك المقابر

واشكر كل من كرمنى ودفنى ..!!

شخصا تعنالى مع انه مسافر

!!وشخصا قريب للاسف ماذكرنى

ومنهو يرتب غرفتى والدفاتر

وان شاف صورة(ن) لى صاح وحضنى .!!​

 

[بوسعود66666]

شخصا تعنالى مع انه مسافر

!!وشخصا قريب للاسف ماذكرنى
الصراحه عجبنى هالبيت
ومشكوره ياسيده على القصيده الجميله والى المزيد ان شاء الله​

 

[khaled3030]

أغار عليك من نفسي ومني ...... ومنك ومن زمانك والمكان
ولو أني خباتك في عيوني ........ وفي الأحداق عمري ما كفاني

 

[ارحبو]

قِلٌ لِلٌعِيُوًٍنَ آلٌلِيً شِكَتٌ بُعِدَ آلُأحَبَآب
وًٍقٌلَ لِلُدُمُوًٍع آلُلِيً مِنَ آلُشُوًٍقِ هَلَتٌ
وًٍقٌلَ لِلُشُعُوًٍرًٍ آلَلِيً مِنَ آلٌهَمِ مِنٌصَآبِ
وٍقِلً لِلٌجٌرًٍوًٍحِ آلَلِيً بَآلُإحسَآسِ حَلٌتِ
وًٍقِلٌ لِلٌخَفُوًٍقَ آلٌلِيَ عَجَزًٍ عَنٌهٌ آلَأطًبَآبِ
تَرًٍىَ آلٌمِشَآعِرًٍ مِنٌ عَنَآ آلٌبُعُدُ مَلٌلَتِ

 

[Bent_alq8]

بيتين من الشعر...من لا يعرفهم أو لا يحفظهم؟؟؟...حبيت أشارككم فيه..والسموحة...

أمر على الديار ديار ليلى-- أقبل ذا الجدار وذا الجدارا

وما حب الديار شغفن قلبي -- ولكن حب من سكن الديارا​

 

[بو راس يابس]

بيتين من الشعر...من لا يعرفهم أو لا يحفظهم؟؟؟...حبيت أشارككم فيه..والسموحة...

أمر على الديار ديار ليلى-- أقبل ذا الجدار وذا الجدارا

وما حب الديار شغفن قلبي -- ولكن حب من سكن الديارا​

للتوضيح

 

[ارحبو]

سيد البال عطني من هواك ابردي.........وش نبي بالرشاش دام مابه غدير

كان برق المشاعر صاحبته ارعدي.......هات فيض المشاعر دام لسر بير​

 

[Bent_alq8]

نص مساء الخير كما كتبه الشاعر الكبير الامير عبدالرحمن بن مساعد,,,وهو....

مساء الخير والإحساس والطيبه
مساءٍ مايليق إلا بأحبابي
مساءٍ غير غصن لطير يحكي به
عن اللي مسكنه جفني وأهدابي
هلا باللي أحبه كثر تعذيبه
وكثر ماهو يغيب وكثر ترحابي
حبيبي هو ولو ماقصّر الغيبه
ولو عن بسمتي قد طوّل غيابي
أعَرفَه زين واعيتني أساليبه
عدوّي يوم ويوم أقرب من اصاحبي
ملكني بين ترغيبه وترهيبه
يفارقني وهو واقف على بابي
به الصادق به الغارق بأكاذيبه
يبي بعدي ودمعه بلّل ثيابي
به القسوة به الرّقة به الهيبة
به الضعف القوي به نشوة إغضابي
هلا باللي يصيب العطر بالريبة
يقول العطر أنا زايل ويبقى بي
هلا باللي يقول الورد وش لي به
من المُهدى أنا أوهو لأ طيبابي
هلا باللي علي يقسى واماري به
هلا باللي أبد مالان لعتابي
هلا باللي عجِزت ألقى عذاريبه
هلا باللي تحبّه كل أسبابي
مساءٍ فاق كل الشعر ترحيبه
بجيّه من سكن جفني وأهدابي
مساءٍ فاض بالإحساس والطيبه
مساءٍ مايليق إلا بأحبابي​

 

[sa3od29]

ياسعد وش شاف مجنون ليلى بالغرام....اشهد انه وان بلى بلوته ياهونها

ياسعد ليلاه وان مات فيها ما استهام....تدري انه بلهوى يا سعد مجنونها

المصيبه من غدى ميت له كم عام...عشقته ماتدري انه قتيل عيونها

جرهدت نفسه عليها ومر الجبد زام...ودوك قلبه ياسعد مزعته طعونها

وياسعد والله لولا الولي واخشى الملام....والقرابه والحيا والهوا وجفونها

لانهبه وانحاش واجلى جنوب ديار يام.....مايرده لوقف جيش هتلر دونها

وياسعد راعى الهوا بالهوى لا ضيم شام.....مايرده طول بيبانها وحصونها

وان غوى راعى الهوى في هواها ما يلام.....لاجتمع غبن الزمن ياسعد وغبونها

وياسعد فلا انسى هواها لاحرام.....لو يلوح الشيب في لحيتي وقرونها

وخذ وصاتي ياسعد وصله بنت الحشام,,,,ذي وصاتي جان غيري غدى مضنونها

لاشترت ثوب الفرح تشتريلي باع خام...يدفنوني ليلة العرس ويزفونها

 

[بو راس يابس]

لاشترت ثوب الفرح تشتريلي باع خام...يدفنوني ليلة العرس ويزفونها

كبييير .. يا سعد​

 

[INFINITI]

رغم كل العيون اللي معي وادري يحبوني . احس بغيبتك كني وحيد ولا معاي انسان


عـــــاشــــو المسجـــــات

 

[ارحبو]

قصيدة جميله للشاعر مدغم بوشيبه
( دقـــــــــه وتــســكيــــــــــره )

يوصف حبيبته ويميزها عن باقي البنات في كرمها وجمالها

ومن الابيات اللي ميزت القصيده وعجبنيييييي حييييييل

ماهي من قوم ابو دقه وتسكيره && من قوم لاحاسبت ماتاخذ الباقي

وانت ياللي في بالي تراكـ منت مقصووود




اخليـــــــــــكم مع القصيده
اضغطني واسمع

والا اقراهااا فديــــــــــتكـ

رجم الهوى اللي لعن كوثـر جماهيـره
عز الله أنّـه مايستاهـل تعـب ساقـي
أتعبتهـا فـي مراقـيـه ومشـاويـره
ذي جرتي نازل .. وذي جرتـي راقـي
لبيه يا (ساره) .. ولبيـه يـا (منيـره)
في مهبل الناس مدري ويش أنا لاقي !!
صدر الشمالي عليهـن فـك أزاريـره
اللي مـن آدم وحـوّا مابعـد ضاقـي
جن المدينه علـى غفلـه مـن الديـره
وتورّطـن بالرومنسيّـه والأشـواقـي
مايكتبـنّ أساميـهـن بالطباشـيـره
بيعلمنّك عـن الموضـه والأذواقـي !!
وجيههـن طالعـات مـن الكوافيـره
من كثر الألوان كنْها (سبحة عراقـي)
مافيـه داعـي أجاملهـن بتكشـيـره
وأقول مشتاق .. لو مانيـب مشتاقـي
ماهن بكفو السهر .. والحزن .. والغيره
ودموعي .. وشعري الموزون .. وأوراقي
(كرت أحمر) و (باب طيّاره) و (تسفيره)
في (قلعة الوادرين) و (بألـف طقّاقـي)
الهندي و وايتـه !! والعـود وبعيـره
هذا مـدوّر ذهيـب !! وذاك سوّاقـي
لو ما أنصفتني سنيـن العمـر الآخيـره
ماطبّقت عيني أحداقي علـى أحداقـي
قفلت سيرة علاقات .. وبـدت سيـره
اللي عليهـا الكـلام وهقـوة الهاقـي
أبرك ضيوف الهوى !! وأغلى مساييـره
ريحانةٍ تقطـف اللهفـه مـن أعماقـي
ماهيب من قوم : (ابو دقّه وتسكيـره)
من قوم : (لاحاسبت ماتاخـذ الباقـي)
لهـا علـى الزيـن تهليلـه وتكبيـره
أنعم من الورده اللـي فـأوّل الساقـي
مهيب أميـره لكنْهـا جنـب الآميـره
ذات الحسب والنسب والمستوى الراقي
من (أغنياء الرياض) ومـن (هواميـره)
شركات أبوها بضايعها فالأسواقـي !!
يومي لهـا الغصـن وتغنّـي عصافيـره
والأمـر ينقـاد لرضاهـا وينساقـي
غيداءٍ سهم عينهـا مـن قـوّ تأثيـره
مخسرٍ سوق الأسهـم عنـد الإغلاقـي
البدي والهيكـل اللـي ماتبـي غيـره
(أصطب) و (أستبنتين) و (قير علاقي) !!
مازيّـن أخلاقـي الطـب بعقاقـيـره
لـولا عقاقيرهـا مازانـت أخـلاقـي
من قبلها الحظ مـن جفـره لدحديـره
لين أوعزت للزمـان وحـرر وثاقـي
وأعتضت عن قوم : (ابو دقّه وتسكيره)
باللي : (ليا حاسبت ماتاخـذ الباقـي)


اتمنى ان تحوز على رضاكم​

 

[fawaz69]

قصيدة اللقب للشاعر الامير طلال الرشيد الله يرحمه
ياصغيـر مـا يكبـرني لقـــب
ومايصغرنـي اذا انكرنـي صغيـر

ما خذينا الصيت من جمع الذهب
و لا نسابة شيخ أو قربة وزيـر

كاسبينه مـن هل السيف الحدب
الجنايز كان مـا جاك الـنذيـر

صيتهم نـجـم على راسه لهب
سمعوا الصقهان به واجهر ضرير

بالـوفـا تـاريـخ ابيـض ينتصب
لاحكم بالـحق حيـين الضمـيـر

ضيغمي(ن) للسناعيـــس انـتسب
لابة (ن) طلنا بها عـرش(ن) كبيـر

عنـد حدك يـا كثـيـر الـهـرج تـب
ولا تمـر النـار وثوبـك مـن حـريـر

كــان لك عــز(ن) بذلي فتعـقب
والله إلا تبـطـي وحبلـك قـصير

احسب انـك مـن صناديد العـرب
وأثر ساترتك عباتـك يا غريــر

مـا حسب لسّوس زراع القصـب
والـقراده مـادرى عنهـا البعيـر

ولــو حسبـنـا للحـسايـف والـتعب
مـابذرنـا يالعـصـافـيـر الشعـيـر

عــن هلك أبـــراي لله احـتـسب
الـرجـال الـلـي مجاراهـم عسيـر

من قريش المصطفـى وابو لهب
والدغالب ما غشت عذب الغديـر

للـرجـال مــن رجاجـيـل العـتـب
والزكـاة اتحـل فــي حــال الفقيـر

لعـن ابـو وقـت(ن) غدينـا بــه حـطـب
تحـرقـه نــار(ن)... يثـورهـا أجـيــر

مـا ألومـك الـزمـن ســوا العـجـب
هـو بقـى غيـر الكـرامـه بالجفـيـر ..؟

مـــا أذل وراسي يــشــم المهب
لو بقى من شمـر (ن) طفل (ن) غرير

ومـا أهــاب ولا يزلزلـني غضــب
الشجـاعـة ورث والعـاقـل غـزيـر

يـاصغـيّـر مـا يـكـبـر باللـقـب
غير منهـو كـان مـن دونـه صغيـر

 

[السوق توافيق]

الزمن

http://alqsed.com//download.php?action=lsn&id=5576

يا ليل ما دامك ضويت

http://alqsed.com//download.php?action=lsn&id=5577

صالح آل مانعه​

 

[قنوع ؟]

ياللى غرامك جاري (ن) فى وريدى 000000 لا وش غرامك جاري (ن) فى وريدى
استغفر الله لو بقول ان غرامك 000000000 ما باقى الا اسمك يطبع على ايدى