خسارة الصناديق

[monza06]

يا جماعه انا داش بصندوقين وصراحه كل واحد خسارته مو اقل من 15% حاليا ومايندرى الشهر الياي جم يووصل الي يفهم بالصناديق تنصحوون اطلع منها بهالخساره ولا انطر يمكن يتعدل السوق

 

[أوتاد]

لو تقول شنو الصناديق اللي داش فيهم..؟؟

وانا اول مره اشارك في صناديق استثماريه ...وعلشان جذي
ما اقدر اقولك اطلع او لا ... بس فيه كذا رد في موضوع ثاني
((احس)) ردود مقنعه ومنطقيه ...

معظم الصناديق لازم تعلن خسائر بسيطة في بداية نشاط الصناديق والسبب هو منع سحب المستثمرين فلوسهم بسرعه من الصندوق مما بلا شك لو تم ذلك لأثر على أداء الصندوق , مثلها مثل اللي بالسفينه وأراد أن يخرقها وبالتالي النتيجة هي إغراق الجميع ... النصيحة لي أولا وللآخرين هو الصبر ثم الصبر ثم الصبر وإن شاء الله راح نشوف خير والله أعلم .

أنا بصراحة أثق تمام الثقة بالخزام والسلمي ... شخصيات ثقه ومحترفين والله يكفينا شرهم ويسخرهم لنا ويعطينا من خيرهم .... آمين.

يا جماعة انتوا تدرون ان السوق نازل
يعني شئ طبيعي ان سعر الوحدة تنزل

انتظروا شوية لما يصعد السوق

والله يوفق الجميع

وانت شوف ظروفك وقرر ...والاهم شنو اهدافك قبل لاتدخل الصناديق الاستثماريه..؟؟

اكيد الربح... بس الربح مو شرط يتحقق باسرع وقت يمكن تربح بس بعد فترة سنه او سنتين مثلا او اكثر... ((بس النهايه تحقق هدفك او لا.؟ ))

وبالتوفيق

 

[rafat222]

الشون الواحد يدش في الصناديق؟اكو احد عنده فكره.

 

[أوتاد]

قصدك ...شلون تعرف الصناديق اللي بتنزل...؟؟؟

اذا جذي سهل ان شاءالله...

خلك متابع لقسم الناسجت ومواقع الشركات والبنوك ....
تلقى فيهم معلومات عن الاكتتاب ...

بعد ماتعرف الصندوق والمعلومات عنه ...
تقدر تكتتب اذا بنوك يستلمون منك كاش ..
اذا شركه تحولهم المبلغ ((ولاتنسى توديلهم الوصل ))
او تقدر تعطيهم شيك...
((الشركات مايستلمون كاش )) .

المطلوب منك بطاقتك المدنيه.

 

[أحمد بورصة]

واحد من اثنين

يا الصناديق بوووق بوووق

أو لا حول و لا قوة الا بالله

انا ما أقوول الا كما في المثل الكويتي

نواخذة طبعوا سفنهم

 

[monza06]

والله داش بصندوق الدار للصناديق تبع شركة ادم والثاني صندوق ايفا الاسلامي وكلهم داش فيهم بسعر الاكتتاب وماشفنا خير منهم

 

[دليل البورصة]

يا جماعه انا داش بصندوقين وصراحه كل واحد خسارته مو اقل من 15% حاليا ومايندرى الشهر الياي جم يووصل الي يفهم بالصناديق تنصحوون اطلع منها بهالخساره ولا انطر يمكن يتعدل السوق

ان شاء الله تعوض الخساره

 

[وردة اليرموك]

الورده والصناديق

[/كل الناس خسرانه ومو غاثني الا النصبجد (العسجد) مادام السوق نازل ليش اللقافه وشريتوا والله لو تجيب هندي من المرقاب وتقوله دش السوق بالوقت هذا مادش بس مشكلة الكويتين اللي هي(الفهاميه الزايده)SIZE]

 

[وردة اليرموك]

تغير الاسم

]تغير الاسم من وردة اليرموك الي ام الفهاميه

 

[أوتاد]

ان شاءالله لما يتعدل السوق راح ترتفع سعر الوحده.

وشي طبيعي ان التجاره تحقق منفعه للطرفين..
اما انها تشغلك فلوسك وماتربح فهذا مو عدل .

وانت استشرت الحمدلله .بس استخير وتوكل على الله .
وان شاءالله ماراح يصير الا كل خير .