شركة المخازن العمومية ش.م.ك ( أجيليتي ) 2

[سهم استثماري]

نصيحة من ذهب إشتر مع الإشاعة وبيع مع الخبر ...

 

[NBK]

هم مبروكين ملاك المخازن

هم علا شنوووووووووو
و لا ما كوووووو شغل​

 

[abu.omar]

هم مبروكين ملاك المخازن

الظاهر السالفه لعب بلعب

 

[الهاشمى 1]

ههههههههههههههههههههههههههه

طاش ماطاش

 

[وردة اليرموك]

هم مبروكين ياملاك المخازن

اخبار قويه جدا واصلتني عن عقد المخازن خلال الاسبوع القادم او اللي بعده على ابعد تقدير واذا طلع كلامي مو في محله ماراح ادش المؤشر مره ثانيه وشوفوا عملية التجميع على نار هاديه بس يوم الانفجار والله ماتلحقون تطلبون الطلب بالملايين والعرض ماميش المخازن لما وصلت 7 من قدر ياخذها انا كنت اطلبها اول الناس وماكو شي انتظروا يوم الانفجار المدمر للمخازن و الايام بينا

 

[وردة اليرموك]

وما اقول الا

مبروكين ياملاك المخازن واختصار الجمله م ي م

 

[abu.omar]

مبروكين ياملاك المخازن واختصار الجمله م ي م

اقول000 خير انشاء الله

 

[NBK]

الخبر اليوم
بفلووووووووس
وبكره ببلااااااااااااااش
و مشكووووووووووره على كل حاااااااااااال​

 

[بو موسى]

يعطيكم العافيه ياجماعه على هذي الاخبار بس ترى والله

هالمجموعه اذبحتنا ونشفتنا والحين الجماعه ردو ثاني مره يوصون

ويقولون ان العقد خلاص تقريبا انتهى ........ونتمى هذا طبعا

ويقولون ان السهم الاسبوع الياي بالكثير راح ينطلق ويشلع نفس ماصار

السنه اللي طافت .........ونتمى يصير هالشي

وطبعا الكل قاعد يشوف تداولات المخازن وربعها الاسبوعين اللي

اللي طافو ...... امور غريبه وكميات اكبيره وجميع اسهم المجموعه

قاعده تداول عند مقاومتها ...... على العموم بدام الاسعار الحين تعتبر

حيل مغريه وخاصه المخازن لانه سعره الحين اقل من سعر الاكتتاب

مال زياده راس المال والاخوان يقولون خلاص السهم بطير والعقود

ابد جاهزه وبتوقع وانا والله اتمنى انها تتوقع .......

انزين ليش كبار الملاك بالسهم مايزيدون ملكيتهم بالمخازن

اللي هم التامينات وشؤون القصر وغيرهم .....؟؟؟؟؟؟؟

يعني معقوله احنا درينا بالخبر واهم مادرو مثلا

ولا تقولون هذولي مستثمرين وقاعدين ياخذون ارباحهم وكمياتهم كبيره

لا ياجما عه السعر الحين مغري بس ليش هذوله مايزيدون كمياتهم

على هالاسعار اكيد لهم نظره خاصه بالسهم وبالسوق عامه

واسف على الاطاله ومشكورين والله يوفقنا وياكم ان شاء الله

 

[الراقي]

ياشباب لاتربطون حركة المخازن بأي عقد ترى سهم زين بس محتاج كمية تداول مرتفعه وان شاء الله السوق يتعدل واول مجموعة راح تتحرك هي مجموعة المخازن

 

[Moshaks_777]

ياجماعه عقد المخازن انتشر بالدواووين بطريقه رهيبه

 

[ChuCky]

بسكم تطبيل و نشر اشاعات !
التطبيل ماينفع مو احنا اللي نرفع السهم .. كل واحد عنده 10 الاف او 100 الف قال برفع المخازن !!
السهم ثقيل وسعره عالي يبيله محافظ وصناديق ترفعه وتصرف علينا
اللي يبي يشتري كيفه و باقتناعه
واللي ما يبي لا تأثرون عليه بحجي بطالي وماله دليل
ملينا من هالسيناريو كل اسبوعين اشاعات بالويك اند وبعد التداول مانشوف الا النزول :\

 

[alemperator]

ان كان تحليلى فى مكانه فسهم المخازن يتجه الى 2060 تقريبا مع الاخذ بعين الاعتبار بعض المقاومات قبل الوصول الى هذا الهدف !
المقاومات اللى انا اشوفها 1860-1900
اترك لكم التعليق

 

[Moshaks_777]

الأحد حد أعلى والأثنين حد أعلى والثلاثاء حد أعلى وعليكم الحسبه

 

[راعيها]

chucky تفاءل بالخير وقول انشاءالله يكون العقد حق المخازن ​

 

[ChuCky]

مانبي عقود نبي السهم فوق ال 2.5 بس
وخل ياسس عليه بعدين نبيه 3 دنانير
اتوقع على شهر 10 بنشوف المخازن بين 2200 و 2300

 

[العوضى]

مانبي عقود نبي السهم فوق ال 2.5 بس
وخل ياسس عليه بعدين نبيه 3 دنانير
اتوقع على شهر 10 بنشوف المخازن بين 2200 و 2300

ان شاء الله , السوق يبيله أمل و تفائل , والحمد لله الكل متفائل وعنده امل ان الوضع راح يتحسن , وبحسبه بسيطه المخازن شركه قويه وارباحها زينه .
حتى لو ما تم العقد الإسبوع القادم , كثيرين من المترددين يتمنون هالشى عشان يلمون بالسهم , بالأسعار الحاليه 1760 الى 1800 لثقتهم بأن هذا السعر جيد للشراء بدون العقد القادم , وفوق الممتاز اذا تم العقد (خير وبركه من الناحيتين) والله اعلم

 

[العوضى]

الأحد حد أعلى والأثنين حد أعلى والثلاثاء حد أعلى وعليكم الحسبه

نسيت أخى الكريم , تذكر ان شاء الله تعالى , والكل متفائل خير , وآنه أولهم , والحين مالنا غير الصبر / الصبر /الصبر

 

[Moshaks_777]

نسيت أخى الكريم , تذكر ان شاء الله تعالى , والكل متفائل خير , وآنه أولهم , والحين مالنا غير الصبر / الصبر /الصبر

إن شاء الله

 

[Director]

الأحد حد أعلى والأثنين حد أعلى والثلاثاء حد أعلى وعليكم الحسبه

اخوي العزيز مشاكس
ليش مو السبت بعد حد اعلى
شمعنا من الاحد
تتوقع علشان يمدينا نشتري
حنا صغار المستثمرين كاسرين خاطر المحافظ
مثلا ..

ومشكور على المشاركة الطيبة حبيبي ..