ان كيدهن عظيم

الموضوع في 'إستراحة المنتدى' بواسطة قاروه, بتاريخ ‏17 أغسطس 2006.

  1. قاروه

    قاروه بوعبدالعزيز

    التسجيل:
    ‏22 نوفمبر 2005
    المشاركات:
    7,976
    عدد الإعجابات:
    3,656
    كان يا ما كان في قديم الزمان ………كان فيه أمراة عجوز قاعدة

    بروحها
    وفجأة طلع لها ابليس ………(يبى يتحرش ) العجوز خافت وسمت بالرحمن …قالها ابليس :أنتي يا عجوز هل تعتبرين نفسك داهيه؟؟؟؟
    العجوز: نعم أنا داهيه ……….. والنساء عموما كيدهم عظيم
    أبليس: أنا أتحداك……..وبنشوف مين كيده أعظم …..المرأة ولا أبليس
    العجوز :خلاص أنا اسوي مشكله وأنت راح تحلها واذا ما قدرت أنا راح أحلها
    وراح أفوز برهان.
    أبليس:Ok
    راحت العجوز حق واحد من هالبطاليه اللي ما عندهم شغل ويا كثرهم
    وقالت أنا بشغلك عندي فترة معينه بس……. اذا تبي فلوس لا تتدخل ولا
    تتكلم .(وافق الشاب لأنه طفش من البطاله ويبي فلوس ).
    راحت العجوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش
    العجوز: رخص يا بن الحلال …
    التاجر :اذا أنتي ما عندك فلوس أخذي شيء أرخص
    العجوز : ما أقدر ….لازم ولا يصير شيء ما صار
    التاجر :ليش ؟؟ …..لهالدرجه …..شسالفه؟؟
    العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها …ولدي بيتزوجها
    وهو قالي أن عارضتي الزواج بأطردك من البيت وأمرني أني أشتري قماش
    غالي عشان يعطيها حبيبته ولا راح يطردني من البيت مع أن البيت بالأساس
    بيتي ولكني غلطت وكتبته بأسمه(العجوز تبكي)
    التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يواجرني
    العجوز طلعت مستانسه وقالت حق الشاب روح البيت
    بعدها راحت العجوز لبيت زوجة تاجر القماش وطقت الباب وطلعت الزوجة
    العجوز:آه بابنيتي أنا تعبت بالطريق و ما أقدر أكمل ممكن أقعد عندك أرتاح
    خمس دقايق .
    رحبت الزوجة ودخلتها وأكرمتها وجابتلها شاي
    العجوز:مشكوووووورة ما تقصرين ان شاءالله أردها لك (تعمدت تنسى القماش ) وطلعت.
    الزوجة:حرام نست قطعة القماش …أكيد بترجع بعد شوي وتاخذها
    بروح أحطها بالدولاب..
    تاجر القماش رد لبيته وتغدى ذاك الغدا السنع ونام شوي .قام العصر وفتح الدولاب بغير ملابسه عشان يروح محله ……مفاجأة قطعة القماش
    وعرف أن المرأة اللي يبيها ولد العجوز هي زوجته يعني تخونه
    قام عليها وطقها وطردها بالشارع بالهدوم اللي عليها.
    العجوز كانت تنتظر هاللحظه في أخر الشارع فراحت لها تركض
    العجوز: وش فيك يا بنيتي ليش تبكين؟؟؟
    الزوجه : زوجي طردني …وما عطاني فرصه أتكلم .
    العجوز: خلاص أنا بأوديك بيتي وأنا بروح أحل المشكله
    راحت العجوز لبيتها ودخلت الزوجه في غرفة بينما الشاب كان في غرفه ثانيه وأمرته أنه ما يطلع منها .
    راحت العجوز للشرطه تبكي وتقول :كنت قاعدة في بيتي وفجأة دخل
    رجل ومعه مرأة وقعدوا ببيتي حاولت أطلعهم ما قدرت (أحتلوا بيتي )
    ذهبت الشرطه وقبضت على الشاب والزوجه ….وقطوهم بالسجن.
    العجوز: ها ها وش رايك يا أبليس ؟؟ دورك اللحين حل المشكله
    أبليس : لا لا ما أقدر أحلها السالفه تشربكت مرررررررة
    العجوز: أنا راح أحلها وكأن شيء لم يكن . وراح أربح الرهان
    راحت العجوز تزور الزوجه بالسجن وقالت لها :أنتي ساعدتي مرة
    وأنا اللحين بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد مكانك.
    الزوجة:مشكووورة ….لكن أنتي ؟؟؟
    العجوز: مالك شغل مثل ما طلعتك بطلع نفسي.
    تمت عملية الهروب بنجاح….
    الوالي أمر الحراس يحضرون المسجونين عشان يحكم عليهم
    حضرت العجوز والشاب وقال لهم الوالي :ليش قابضين عليكم وشو مسوين؟؟
    ردت العجوز:احنا ما سوينا شيء كنا قاعدين ببيتنا أنا وولدي ولا الشرطه
    طابه علينا وماخذينا السجن .
    عصب الوالي وهزأ الشرطه وما عطاهم فرصه يتكلمون ويقول:غلطانين وتبون تتكلمون.شين و قوات عين
    طلعت العجوز من الوالي مستانسه وعطت الشاب فلوس وأنهت خدمته عندها.
    راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته بريئه
    وقالت خذ قماشتك لأن ولدي سافر هو و زوجته الجديدة.
    رجع التاجر زوجته وتأسف منها و راضاها بعد.
    العجوز : وش رايك يا أبليس أنا فككت السالفه سهله
    أبليس :أنتي ربحتي ….يما…يما……يما أن كيدهن عظيم


    منقول

     
  2. NBK

    NBK عضو نشط

    التسجيل:
    ‏29 مارس 2006
    المشاركات:
    5,313
    عدد الإعجابات:
    38
    مكان الإقامة:
    الكويت الحبيبه
    ههههههههههههههههههههههههه
     
  3. al_buloshi_32

    al_buloshi_32 عضو نشط

    التسجيل:
    ‏28 ابريل 2006
    المشاركات:
    637
    عدد الإعجابات:
    0
    مكان الإقامة:
    كويت يا كويت
    ههههههههههههههههههههههههههههه
     
  4. white soul

    white soul عضو جديد

    التسجيل:
    ‏6 ديسمبر 2005
    المشاركات:
    1,213
    عدد الإعجابات:
    0

    لوووووووووول

    العيوز هذي مال تييببها عندنا البورصه وتخليها تربط عصاعص بين المحافظ:d ​
     
  5. قاروه

    قاروه بوعبدالعزيز

    التسجيل:
    ‏22 نوفمبر 2005
    المشاركات:
    7,976
    عدد الإعجابات:
    3,656
    :p

    .
     
  6. يا باغي الخير

    يا باغي الخير عضو جديد

    التسجيل:
    ‏2 يناير 2006
    المشاركات:
    494
    عدد الإعجابات:
    0
    مكان الإقامة:
    الكويت
    لووووووووول خوش قصه
    فلم هندي اقصد نسائي:)
     
  7. الامبراطور

    الامبراطور عضو جديد

    التسجيل:
    ‏18 ديسمبر 2003
    المشاركات:
    407
    عدد الإعجابات:
    0
    مكان الإقامة:
    الكويت
    العجوز هذي الخبرة لعبت معاها ولا وايد حريم وآنا منهم ماأقدر أسوي ربع اللي سوته لان بالعربي ماكو مخ:D ياجماعة هذي أبيها بشغلة وين نحصلها:p
     
  8. rashed 22

    rashed 22 عضو جديد

    التسجيل:
    ‏16 أكتوبر 2005
    المشاركات:
    177
    عدد الإعجابات:
    0
    مكان الإقامة:
    الكويت

    :D :D
     
  9. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0

    [​IMG]
     
  10. نوكيا

    نوكيا عضو مبدع

    التسجيل:
    ‏1 ديسمبر 2004
    المشاركات:
    3,275
    عدد الإعجابات:
    138
    مكان الإقامة:
    الكويت

    فى حاجه غلط بالموضوع
    الامبراطور اسم مذكر ؟؟
     
  11. فارس العنزي

    فارس العنزي عضو جديد

    التسجيل:
    ‏15 سبتمبر 2004
    المشاركات:
    1,240
    عدد الإعجابات:
    0
    مكان الإقامة:
    الكويت
    لا تدقق عادي يا إبن الحلال ذكور داخلين بنك إناث ، وإناث داخلين بنك ذكور ، وتروح المجمعات تشوف شباب معضليين ( مجسمين ) وحاط ترجيه بأذونه :eek: ، وبنات لبسهم بوي ، خلها على الله يا موتورولا آسف نوكيا ​
     
  12. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    انا سمعت ان البورصه ليم انزلت بنهايه شهر 11-2005 كانت بسبة عيوز

    لا يكون الحين عندها تحدى ثاني ..

    ويطلع تحديها مع هالمره البحر :) ومن شاكله بعد ما فازت على الشيطان بالمره الاولى .. المرحله هذي الاصعب
     
  13. dcnaq

    dcnaq عضو نشط

    التسجيل:
    ‏9 يونيو 2006
    المشاركات:
    882
    عدد الإعجابات:
    0
    العجوز شنو جنسيتها

    ياجماعة ودي مرة امدح المرأة بس اعض لساني واقول اسف

    كل مرة ابي اسوي شي زين علشان زوجتى تطلع اب سالفة اتخليني اهون

    مع ان المرأة مث ل الوردة والعسل وكل شيءجميل
    بس مع الاسف امثال تصرفات هذه العجوز

    جعلت المرأة في القائمة السوداء لحياة الرجل
     
  14. خلك شقردي

    خلك شقردي عضو جديد

    التسجيل:
    ‏17 مايو 2006
    المشاركات:
    732
    عدد الإعجابات:
    0
    مكان الإقامة:
    الكويت
    بمناسبة الحديث عن كيد النساء
    بودي اوصل لكم هالفايدة:

    قول الله تعالى على لسان عزيز مصر لما تأكد من خيانة زوجته وأنها هي التي راودت يوسف عليه السلام عن نفسه، فقال العزيز (أو قد يكون قريب المزوجة):
    (إنه من كيدكن إن كيدكن عظيم) آية 28 من سورة يوسف
    الفائدة: هذه الآية رغم وردودها في القرآن الكريم، لا ينبغي أن نفهمها على أنها حكم من الله تعالى في المرأة بصورة عامة، فالواضح من سياق الآيات أنها تعبر عن رأي وزير فرعون في امرأته.
    لذا لا يجب أن نقول أن الله تعالى استعظم كيد المرآة!!
     
  15. Moshaks_777

    Moshaks_777 موقوف

    التسجيل:
    ‏26 أكتوبر 2005
    المشاركات:
    3,518
    عدد الإعجابات:
    0
    مكان الإقامة:
    الكويت
    ههههههههههههههه
     
  16. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    :) :) :)

    حلوه
     
  17. امل2007

    امل2007 عضو جديد

    التسجيل:
    ‏25 مايو 2008
    المشاركات:
    99
    عدد الإعجابات:
    0
    صج كيد النساء عظيم

    لكن


    حيلة الرجل تغلب كيد المرأه
     
  18. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    داهيه هالعيوووز :D
    شكرا قــاروه