سؤال ان سمحت

[لندكروزر]

السلام عليكم ورحمت الله وبركته

يا أخوان انا محتار في موضوع شرعيت التعامل بالعملات

هل انتم مطمأنين من شرعيته ؟

يعني اللي بقوله بتفتح بيت ومصاريف رزقك ورزق عيالك هل أنتم مطمأنين من هذا الناحي؟؟؟؟؟

أدري مو مفتين بس شعوركم أحساسكم رايكم

أخوكم الصغير وأبي منكم الرد

 

[أوتاد]

وعليكم السلام ورحمة الله وبركاته ....


الامور المهمه واللي تختص بالدين الاسلامي والشريعه..
مانسأل احساسنا لا نسأل شيوخ دين ومفتين ...

واللي اعرفه بعد ماسألت ان نظام الهامش ((المارجن))اهوا المحرم ...

اظن فيه فوائد..؟؟
والله اعلم ..

 

[fesalll]

http://www.moneyexpertsclub.net/forum/showthread.php?t=2823

انشالله راح تلقا اجابه لسؤالك


وحبيت اضيف انه فى شركات لديها حساب اسلامى بدون فوائد

 

[لندكروزر]

أخي أوتاد بارك الله فيك
أنا عارف أنه نسأل شيوخ الدين والمفتين ولاكن هناك من أحله ومن حرمه...
ولاكن أنا أسأل بنسبه لأطمأنان القلب أهناك تيقن من أنه مباحه أم لا بنسبه للحساب الاسلامي.




أخيfesal
بارك الله فيك شفت الرابط فيه تداخل وتضارب بالفتاوي فتوه تلغي الثانيه أحترت.


للأطمأنان

تقبلو شكري و أحترامي

 

[أوتاد]

صراحه والحمدلله مطمئنه ...

خصوصا مثل ماذكر الاخ فيصل ان فيه شركات حساباتهم اسلاميه ...

 

[لندكروزر]

أخواني

أن سمحتو تعطوني اسماء شركات عندنا بالكويت او بدول الخليج ممكن اروح لهم افتح حساب اسلامي نقي غير مشوب باي شي من المحضورات
والعموله تكون قليله ...

تقبلو شكري وأحترامي

 

[أوتاد]

شوف هالرابط ...
http://www.indexsignal.com/vb/showthread.php?t=37449

الكويت اعرف الشركه السويسريه ..وفيه شركة الوفره ..
ولكن الثانيه ما ادري اذا حسابها شرعي اولا .

عمولة السويسريه 25 دولار ..تقريبا 4.500 دك
موقعهم ..
http://www.swissfs.com/

 

[khalid592]

25 على كل عمليه غير السبريد !!!! ؟؟؟؟

ياجماعه ديروا بالكم ترى هذيل قاصين العالم قص على شنو كل هالعموله !!

 

[fesalll]

اذا انت سعودى اعتقد هالموقع ايفيدك
http://www.bsb.com.bh/arabic/index.asp


حساب اسلامى ويمك
يعنى اذا صارتلك مشكله تدق عليهم او تروحلهم

 

[fesalll]

شوف هالرابط ...
http://www.indexsignal.com/vb/showthread.php?t=37449

الكويت اعرف الشركه السويسريه ..وفيه شركة الوفره ..
ولكن الثانيه ما ادري اذا حسابها شرعي اولا .

عمولة السويسريه 25 دولار ..تقريبا 4.500 دك
موقعهم ..
http://www.swissfs.com/

الشركه السويسريه مبطلين 24 ساعه تقعد مع الشباب وتعلم منهم
والزين بالشركه
حاطين تامين عند المركزى ورخصتهم تداول
وعندهم شاشه وحده اسمه سوق الفيوتتشر
بشاشه وحده تتداول بالامريكي والاوبشن والعملات والعادن والنفط

اما شركه الوفره سمعت انه عندهم شغله وايد ممتازه
انك تقدر اتداول عن طريق الآي ميت

بس العموله والرخصه نفسها شنو
الله اعلم

 

[لندكروزر]

يعطيكم العافيه أخواني

بشوف السعودي البحريني شكله حلو التعامل وياهم خاصتن موضوع السحب في نفس اليوم
للحين زين بتصل وبشوف
بنك علي الاقل

أخ khalid592
عندك نصيحه شي بتقوله عن العموله عطرايك


تقبلو شكري وأحترامي

 

[khalid592]

هلا اخوي لاند كروزر ..

انا اقصد انك ليش تخلي وسيط بينك وبين الشركه الام؟؟

يعني انت تقدر تبطل حساب تداول اهني بالنت او عن طريق الاخ تركي 2000 وهو يساعدك بفتح الحساب وتكون عمولتك عاديه .. ثلاث نقاط سبريد على زوج اليورو دولار واربع على الباوند والين .. يعني مجرد سبريد نقاط ..
اما هذيل ياخذون 25 دولا ر على الصفقه ويزيدون عليك سبريد عالي ..

فليش تفتح معاهم وتخليهم وسيط بينك وبين الشركه الام ..

افتح دايركت ريح نفسك اما اذا فتحت معاهم اعتقد راح تكون خسران وايد

وشكرا

 

[لندكروزر]

الله يعطيك العافيه علي النصيحه الطيبه

والاخ تركي 2000 ماشوفه مختفي براسله ان جهزت نفسي بستراتيجيه طيبه ان شاء الله
و بفتح حساب الخير ان شاء الله



تقبلو شكري وأحترامي

 

[ابن النصير]

اذا من بالكويت


اعتقد راح يفيدك هالموقع وكلم الريال واهو ماراح يقصر وياك

اهي مو دعايه بس انا جربت التعامل معاهم وايد ممتاز

http://fx-int.com/

 

[أوتاد]

جم عمولتهم ..؟؟وعادي مثلا تفتح حساب عندهم وهم يضاربون بدالك..؟

ولاتحط ببالك ان نعتبرها دعايه ..
المنتدى لتبادل المعلومات ..

 

[ابن النصير]

يزاك الله خير على حسن الظن :d

اخوي انت دق عليهم واتعرف كل شي انت تبيه علشان ما ابي انقلك معلومه غلط وانت تحكم

لك القرار الاول والاخير بالتوفيق انشالله :d

 

[لندكروزر]

أخي ابن النصير مشكور وجزاك الله خير