قصيدة شاب رثى نفسه بها وتوفي بعدها بيومين في حادث !!

الصريح777

عضو نشط
التسجيل
21 يناير 2006
المشاركات
153

قصيدة شاب رثى نفسه بها وتوفي بعدها بيومين في حادث


اللهم يسّرني لكل مايحسن خاتمتي.. قصيده غريبه من نوعها ... ليست الى رثاء النفس ...



قيل انه كتبها احد الشباب رأى في منامه انه توفى ورثى نفسه فيها ...


جاني وانا في وسط ربعي وناسي " " جاني نشلني مثل ما ينشل النـــاس

مني نشل روح تشيل المآســـــــي " " تشكي من ايام الشقى تشكي اليـاس

اثر الالم في سكره المـــوت قاسي " " ماهالني مثله وانا انسان حـــساس

جابوا كفن ابيض مقاسه مقاســــي " " ولفوا به الجسم المحنط مع الـراس

وشالوني اربع بالنعش ومتواســي " " عليه ومغطى على جسمي البـــاس

وصلوا علي وكلــــــهم في مــآسي " " ربعي ومعهم ناس من كل الاجناس

ياكيف سوا عقبنا تاج راســــــــي " " وامي الحبيبه وش سوى بها الياس

اسمع صدى صوت يهز الرواسي " " قولو لها لاتلطم الخــد يانـــــاس

قولولها حق وتجرعت كاســـــــي " " لاتحترق كل يبي يجرع الكـــــاس

اصبحت في قبري ولابه مواسي " " واسمع قريع نعولهم يوم تـــــنداس

من يوم قــــــفوا حل موثق لباسي " " وعلى رد الروح صوت بالاجراس

هـيكل غريب وقال ليه التــناسي " " صوته رهيب وخلفه اثنين حـــراس

وقف وقال ان كنــت يانـمر نـاسي " " هاذي هي اعمالك تقدم بكــــــراس

ومن هول ماشفته وقف شعر راسـي " " وانهارت اعصابي ولاارد الانـفاس


يالـيتــني فكرت قبل انغمـاســي " ........." بالـغفله اللي منتـهاها لــلافلاس


وفزيت من نومي على صوت ناسـي " " واصرخ واقول الموت وأحذر الناس



قائل القصيدة توفي في حادث مروري بعد يومين

(رحمه الله وأموات المسلمين )

اللهم ارحمنا برحمتك يا أرحم الراحمين...
 
أعلى