بروح أطرّد الضبان

الموضوع في 'إستراحة المنتدى' بواسطة عفار, بتاريخ ‏27 ابريل 2003.

  1. عفار

    عفار عضو جديد

    التسجيل:
    ‏16 يناير 2002
    المشاركات:
    1,389
    عدد الإعجابات:
    0
    مكان الإقامة:
    الرياض
    هلا ابوفهد

    جتنى أخباريه من عفيف عبر الهاتف الخلوى على الثريا سات

    تقول أن الضبان قامت تفلى فى صكت القوايل

    فى عفيف وماجاورها

    والرجل اللى جاب الخبر ثقه

    على شان كذا انا قاعد أقفض أغراضى وأزهب العزبه

    وأمس رحت للحداد وضبطلى مكناس على كيف كيفك لان القنصه

    هاذى راح نخليها على ورديتين صبح ومسا وبعد فيها اوفر تايم

    لاننا مشتاقين للثروب

    وزياده على ذلك رحت لبيت الفالح راعى الملابس الرياضيه وشريت لى

    درنكسوت أبوخطوط حمرا

    وفنيله خضراء

    وجوتى لابجيين (يعرفونه الكويتيين)

    ومن أمس ونا أراكض بشارع الحوامل حتى أكتسب اللياقه البدنيه

    وعندى مطارة شاى ضاربها لراسها من الحلبه حتى تليّن العظام

    بعد كل فره أرتاح وأرشف منها ابياله ثم اقوم وعدى مره الثانيه

    نسيت لقولك أنى أستغربت شى

    أنا أسمع انه شارع الحوامل يعنى مايفتر فيه ألا رجال بمرته الحامل

    حتى أن الله يسهل عليها و:)))

    ألا أننى ماليقت ألا شباب عصلان وشابات عصلات

    جلد وعصب الله لايبلانا

    مسكت واحدن منهم وقلت

    ابك الشحم اللى بتنزله وينه وسفهنى الرجال ومشاو الظاهر انه مافهم

    كلامى

    المهم عودت على مطارتى ورشفت منها أبياله ونا اللى ماشى

    بس اليوم مانى رايح لشارعهم بروح أعدى على خط البيب تعرفه يابوفهد

    اللى يحوّل على ضرما

    وانشاء الله يوم الاثنين مسيان على دساتنا ماشين

    ولاحنا راجعين ألا الجمعه

    والحمد الله اللياقه تمام والعزبه مكمله من أرزاق الله

    ولانبا ألا خوة الطيبين شرواك وشروا من يقرا

    أوووو

    نسيت أنت ماتاكل ألا ضبان نيفادا ماهى صالحتلك ضبان عفيف

    :D

    خل النار وقّاديه لاتطفيها ترانا راجعين أن عطانا الله طولت عمر

    وبجيبلك خيشه مليانه من :)) )
     
  2. al-abdli

    al-abdli عضو جديد

    التسجيل:
    ‏9 مارس 2003
    المشاركات:
    456
    عدد الإعجابات:
    0
    مكان الإقامة:
    KWT
    قنص الضبان

    شوقتنا ياخوي عفار للقنص وذكرتنا بأيام خليه : اللي يقول فيها الشاعر

    يا محلى الفنجال مع سيحة البال في مجلس ما فيه نفس ثقيله

    هذا ولد عم وهذا ولد خال وهذا رفيج مالقينا مثيله .

    ندعو لك برحلة قنص موفقه وترجع للمنتدى سالم .ولا تطول الغيبه

    و تخليه من غير شر للدجه :) .

    والكويتيين يعرفون جوتي اللابجين ويعرفون صيد الضبان إن كان بالصمان

    أو بالدبدبه أو غيرها .

    على فكره : ثروب الضبان مع حمسة كبودهن مع خبز الصاج على قولة

    اخوانا المصاروه حاجه عظيمه ما حصلتش. ما فيش بعد كده :)

    وعلى فكره ثانيه : أعجبني نص توقيعك المذيل برسائلك واستعرته

    في بدايتي بالمنتدى ولولا الحيا لأستمريت بإقتباسه منك :cool: اللي

    بدايته : يوم اسجد الغفلات ...... الخ

    الى لقاء قريب انشاء الله ونقولك صايد وفايد وبالخير عايد

    al-abdli
     
  3. خالد فهد السلوم

    خالد فهد السلوم عضو جديد

    التسجيل:
    ‏3 سبتمبر 2001
    المشاركات:
    369
    عدد الإعجابات:
    0
    مكان الإقامة:
    الدرعيه
    ترجع بالسلامه

    ترجع بالسلامه يابو عبد الله غانم وسالم .... والبر ذا الايام ولا اروع

    منه ... ويكفي الانسان من الروتيني اليومي انه يتأمل الطبيعه اللي

    ما لعب ت فيها يد انسان .
     
  4. عفار

    عفار عضو جديد

    التسجيل:
    ‏16 يناير 2002
    المشاركات:
    1,389
    عدد الإعجابات:
    0
    مكان الإقامة:
    الرياض
    هلا العبدلى

    أنا طالبك تقول تم

    أنك تحطه فى توقيعك

    أن كانه معجبك

    ونا عندى من هالنوعيه مافيه الكفايه

    ترانى بشيله

    وحط بيوت ثانيه ونت أخذ هالبيوت وحطها فى توقيعك

    كم عندنا من عبدلى

    أنتم عيال الخاله

    حمران النواظر

    أن كان ماتوّهت

    هلا ابوفهد

    تسلم واله يجزاك خير;)
     
  5. al-abdli

    al-abdli عضو جديد

    التسجيل:
    ‏9 مارس 2003
    المشاركات:
    456
    عدد الإعجابات:
    0
    مكان الإقامة:
    KWT
    قنص الضبان

    تسلم خوي عفار ويسلم كل مثلك من الطيبين والهديه قبلناها بكل

    إعتزاز لأنها من عزيز الله يكثر من امثاله .

    لا حشى ما توهت يالغالي . ولاهنت وماعليك زود . أنتم وحنا لازلنا

    على العهد باقين . من عليا نجد العذيه الى ساحل الخليج أمتدت لنا

    ولكم فيها من العلوم الطيبه كما طيب الرياحين . من غير مقصور

    بأخونا من حضر وبوادي من كل القبايل والبلادين لهم كما لنا ولكم في

    المجد رايات ونياشين .

    وانشاء الله ترجع من رحلة القنص بالصيد الوفير

    al-abdli
     
  6. خالد فهد السلوم

    خالد فهد السلوم عضو جديد

    التسجيل:
    ‏3 سبتمبر 2001
    المشاركات:
    369
    عدد الإعجابات:
    0
    مكان الإقامة:
    الدرعيه
    !

    لك وحشه يابوعبدالله ...لكن اللي يهونها علينا انك ان شاء الله في

    وناسه وفله حجاج ... (ومين قدك ياعم ) في الصبح حميس ضب ..

    وعلى سفره الغداء مكبوس ضب ... وقبل النوم مرقه عكره الضب .

    والصيد يا ولد عبدالله متعه للي يخبر الصيد ويعرف مزاياه .. وهو مثل

    الادمان اذا بديته دلع .. ينتهي بك ولع .... وانا شخصيا اشوف ان لكل

    نوع من انواع الصيد مذاق يختلف عن غيره ... فصيد البر بانواعه ( صيد

    زاحف - وصيد راكض - وصيد طاير ) يختلف فنونه ومتعته عن صيد البحر

    ولو سالتوني ايهن احب لي ... فالرد بصراحه صيد البحر .. مع العلم اني

    مولع بالحباري .... والصيد يا وجيه الخير في الغالب للمتعه وليس

    للاشباع ... لا بل البعض ما يذوق صيده ... ولا زلت اذكر وانا طالب في

    امريكا كنت اراقب رجال يقعد بالساعات جنب البحيره وكل مره يصيد

    سمكه .. يرميها مره ثانيه في النهر .

    واذكر ان في امريكا عطله رسميه على ما اعتقد يسمونها deer hunting

    يعني موسم صيد الغزلان ... ايام تصيد ما تشتهي من الغزلان اللي

    متوفره بكثره عجيبه لدرجه اننا نصدم بعضها في الخطوط السريعه .

    الشاهد وعلى طريا هذي المناسبه ... كنت انا وولد عمي وقتها في

    امريكا نزهب انفسنا لهذي المناسبه وكنا في طريقنا الى مكان تكثر فيه

    الغزلان .. وقفنا عند محطه بنزين ... نزلت انا وولد عمي للبقاله اللي في

    المحطه وطبعا حولنا ناس مثلنا اللي شايل شوزن على قزاز السياره

    كانه حشا مضادات للدبابات ... واللي ناسف غزال على كتفه ودمانه

    تسيل ... ومناظر بعضها يضحك وبعضها مرعب ... المهم دخلنا على

    البقاله وكان في المدخل رجال الله يجيركم .. مصك ... حمر عطر ..

    وجهه كانه تميسه ابو السمن توها طالعه من الفرن ... تلقف ولد عمي

    الله يهديه وساله بانقليزي مكسر what kind of hunt do you like

    ما نوع الصيد اللي تفضل ؟ ... بحلق الخواجه في وجه ولد العم الطيب

    وقال I like hunting people like you sweet heart ... طبعا ولد عمي

    ما فهم العباره زين وسألني ... يا ولد عمي وش يقول هالبليه ؟

    قلت... ابد طال عمرك .. يقول انه يحب يصيد اوادم شرواك ...

    طالع فيني ولد عمي باستغراب وقال ... يعني وشهو ... قلت يعني

    انك اذا ما ذكرت الله وسكت تراك انت وانا مذبوحين مثل الغزلان وننحط

    على كتف هالوحش ... وخل عاد ينفعنا خفت دمك يابو دم خفيف .

    ...
     
  7. a7dab

    a7dab عضو جديد

    التسجيل:
    ‏24 مارس 2003
    المشاركات:
    11
    عدد الإعجابات:
    0
    :D
     

    الملفات المرفقة:

    • 000000.jpg
      000000.jpg
      حجم الملف:
      3.8 KB
      المشاهدات:
      231