شركة رابطة الكويت والخليج للنقل ش.م.ك.م ( الرابطة ) .. 2

[rahaly]

الاخوين العزيزين زبدة الحلم وبوخماط

الحقيقة مشاركاتكم تضيف شيء من التلطيف في الجو على ملاك السهم الخسرانين اللي الله يعينهم على خسارتهم، ما توافقوني الراي انه السهم حالياً في القاع وسعره مغري للاستثمار الى سعر 1.200 دينار على اول السنة الجديدة؟

السعر مغري .......... ممكن
اما 1200 ......... اممممم
فيها نظر

 

[أبوصقر]

هلا بالمرابطين كلهم..
انا مشاركاتي قليله,,لكن من اكبر المتابعين لكم..
تحليلي الشخصي المتواضع ان الملاك حلت بعينهم المنحه ال 1% او 2% اللي عطوها موظفينهم بسعر 600 على ما اذكر..
اتوقع لموها كلها..بس باقي شخص ما باع للحين..دشتي..
الانطلاق قريب..صابرين

 

[مهندس البورصة]

السهم للإستثمار ما عليه خوف إنشاء الله

 

[abm]

السلام عليكم
ترى الطبخة استوت وما باقي إلآ القليل بس النجاب وبعدين اضرب بالخمس
ماأدري ليش عندي احساس قوي ان السهم راح يتحرك الى 1,300 الله كريم

الصبر مفتاح الفرج​

وشكرا

يا بوخماط / قوية ودى ودى أصدق 1,300 فلس /ليه طارة الرابطة يا بوخماط قول سبيل بس ماكوا فايدة (هذا حيدر وهذى خلاجينة ) شايتينك شايتينك

 

[الدنيا حظوظ]

رأي زبدة الحلم في الرابطة

انا في اعتقادي وفي ظل الادارة الحالية لا تقرب من السهم لا فيه خسارة ما يعلمها الا الله سبحانه وتعالى
يعني دور على سهم ثاني
وهذه وجهة نظري وممكن تكون خاطئة والرأي لك اخي الكريم

 

[هداف]

صباح الورد جميعا:
وينك يابوخماط البورصه انتكست وسهمنا فوق انتكاسته انتكس زياده
والضاهر احنا تكوكسنا معاه

 

[sarheed]

بوخماط الظاهر راح تظل بروحك مع هالسهم الدايخ

بس احي فيك الروح المعنوية العاليه وصبرك وانشاء الله يرتد السهم ونسويلك حفله على صبرك عليه

 

[abm]

اتصدق عاد يابو abm كنت بقولك1,900 بس اشوه ماقلت جان شنو صار أعتقد يمكن تمر بالمراحل هذي
على العموم ياخوي على الله مو بعيد اللي خل جيزان من 146 فلس الى 495 فلس ومجهولة العمل قادر على ان يخلي الرابطة الى سابق عهدها
وشكرا ياحلو

صحيح السهم رابطينةفى بلد وشايحينة فى (مثلث برمودة )بس يابوخماط أنت تخلى المعنويات توصل ألى 1,900 بس لا تزيد عشان ما نوصل mad:eek: ومشكور يا بوخماط على الروح المرحة

 

[مهندس البورصة]

يا جماعة الخير السهم و الله ما يخوف بس يبيله صبر أنا عندي وجهة نظر السهم الحين في أدنى مستويات له و الشركة شركة زينة يعني ما راح يطيح أكثر من جذي إنشاء الله ممكن ينزل عن السعر الحالي و لكن بقليل يعتمد إنت شاري السهم بكم ؟؟

مثلا إللي شاريه ب 900 أو ب 1000 هذا يبيله صبر شوي اما إللي شاريه بأقل من 700 فلس فيا بخته و لكن الصبر يا ناس خلوا السهم للإستثمار على الأقل لنهاية السنة و إنشاء الله مع إعلان الأرباح بنشوفه مو أقل من 900 أو دينار.

و أزيدكم من الشعر بيت أنا من الناس إللي داش عالسهم ليس كمضارب و لكن كمستثمر و جميع المؤشرات تدعو للدخول على السهم

و الله أعلم و لكن حبيت أفيدكم و أرجو منكم تقبل وجهة نظري

 

[الصـــــالح]

صباح الخير على اهل الرابطة انشالله اليوم السهم يتالق ويشعلل لفوق قولو انشالله

 

[هداف]

السلام عليكم ومبارك عليكم الشهر
في هذه المناسبه الطيبة حبيت اهنيكم بالشهر الفضيل ووصيكم بالدعاء للسهم علشان يرتفع
ترى مصخت السالفه وماعندنا غير الدعاء

 

[RHODIUM]

السلام عليكم هداف الورد
انا موجود لا تخاف خلي قلبك جامد
اتصدق لو عندي سيولة جان دشيت على السهم , لكن أخوك زبدة الحلم امعصلق مو راضي يعطيني سلف بس 500 الف دينار بس مع العلم ان يملك نقدي كاش 8.500,000 دينار من بيع اجهزة هاتف( السيناو + الكوون )
شكرا

مبارك عليكم الشهر الفضيل اخواني الكرماء...

بوخماط ازف لك من مطار دبي الدولي اجمل التهاني والتبريكات في شهر الكريم..

واشوفك جنك خذيت راحتك في غيابي...
وقمت التصرح على راحتك!!!

يبى الرابطة سهم وايد زين بس المشكلة في الادارة المريضة!!
عموما انا ابي اركب الطيارة الان (وابو ولدك عليوي) وايد مأذيني ومومخليني افكر واكتب عدل!!
ملتقانا في الديوان بكيفان لا تنسى الخميس غدا الساعة 9:00 مساء​

 

[مهندس البورصة]

السهم بحمد الله سكر اليوم +10 بالفعل التداول كان ضعيف شوي بس أهم شي إنه خضرها

 

[مهندس البورصة]

السهم بإذن الله تعالى ما عليه خوف كإستثمار مقاومة خفيفة على 660 و إللي يليها على 700و إذا إجتاز ال 700 رايح إنشاء الله لل 830

و الله أعلم

 

[سهمى طاير]

كل عام وانتم بخير
ابي ابشركم بالخير شخص قريب على قالي وقريب ايضا من الرابطه قالي باذن الواحد الاحد الحركه قريبه ان شاء الله اذا عندك سيوله اخذ والصعود قريب
اخوكم ابو حسن

 

[abm]

أخوانى / مبارك عليكم الشهرجميعا وعسي أن يتوب علينا وعليكم فى هذا الشهرالفضيل .

 

[barbarian]

الرابطه في رمضان غير ابنتداءً من الاسبوع القادم ان شاء الله غير...

لازم أعطيكم جرعة تشجيع لرفع المعنويات وعدم البيع بأسعار تجميع

بالتوفيق لكل مستثمر بالاكراه في هذا السهم القثيث

 

[CPA]

الرابطه في رمضان غير ابنتداءً من الاسبوع القادم ان شاء الله غير...

لازم أعطيكم جرعة تشجيع لرفع المعنويات وعدم البيع بأسعار تجميع

بالتوفيق لكل مستثمر بالاكراه في هذا السهم القثيث

عاد انت اخوي بارباريان مشهود لك بهالسوالف ما انسى يوم قلت المرة اللي طافت ان هذا اخر يوم نشوف السهم في هذيك الاسعار وانا متفائل فيك

 

[Master-Leo]

الرابطة : دعم 640 -630 ومقاومة 690 والمؤشرات الفنية سلبية لكنها في تحسن بسيط بعد

تداول الأمس فممكن تكون فرصه للمضارب للشراء بسعر قريب من الدعم والبيع 660-680 أو

ينتظر تجاوز 690 كل واحد وقناعته بربحه وبالسهم موفقين

 

[مهندس البورصة]

بالفعل السهم الآن قاعد يعطي مؤشرات شراء و و مقاومة خفيفة على ال 660 و لكن بإذن الله تجاوزها عملية سهلة