ما رأيك بسهم المال

[(واحد من الناس)]

الرجاء من المشرفين ابقاء التصويت و العنوان ليس اتهزاءا و لكن هو افضل ما يقال عن اللي حصل اليوم

 

[q8_chamber]

100% مووووووووووووووووووووووووو تكانه ​

 

[غازى]

سهم بتروغلف صعد من 240 الى 790 فلس دفعة وحدة ما سويتوا استفتاء ولا سألتوا شنو سبب صعوده !!!!!!

بودي اضيف على الاستفتاء سؤال بس تجاوبون عليه بصراحة :

تتمنون ان اللي صار بالمال يصير على اي سهم تملكونه ؟؟؟

 

[الكويت غاليه]

صح لسانك أخوي غازي. إشمعنا هالسهم اللي مسوين له تصويت مو عاجبكم لاتتابعونه بلييييييييييييييييييييييز

 

[بديع الزمان]

من الناحية الاقتصادية السهم سعره عالي (منتفخ) بمعنى مكرر الربحية فوق 14 بينما تجد كثير من الأسهم ذات الأداء التشغيلي لاييتجاوز مكرر الربحية 6 مثل الدولية للإجارة والمستثمر الدلي وغيرهم .
أما الناحية الأخرى وهي الأهم أن السهم غير شرعي ، ولابد على كل مسلم أن يحرص على الرزق الحلال لقول سيدنا وحبيبنا ونبينا صلى الله عليه وسلم " مانبت من حرام فالنار أولى به" .

 

[ebjad]

ههههههههههه أحلى كاراكتير توقيعك يا غازى
شوف كرشه منفوخه من فليساتنا حسبي
الله عليه ​

 

[q8_chamber]

سهم بتروغلف صعد من 240 الى 790 فلس دفعة وحدة ما سويتوا استفتاء ولا سألتوا شنو سبب صعوده !!!!!!

بودي اضيف على الاستفتاء سؤال بس تجاوبون عليه بصراحة :

تتمنون ان اللي صار بالمال يصير على اي سهم تملكونه ؟؟؟

بتروغلف عندها عقود
تكفى قوللي المال شنو عندها ؟ .,., شنو تملك ؟ .,.,.,. ارباحها تشغيلية ولا مضاربة بالاسهم ؟؟!!

اكو واحد داش البورصة عشان إخسر !!!!!! ​

صح لسانك أخوي غازي. إشمعنا هالسهم اللي مسوين له تصويت مو عاجبكم لاتتابعونه بلييييييييييييييييييييييز

المشكلة صار لبس بين وفاة العم جاسم الصقر و ارتفاع الشركة.

هذا إللي امعقدنا !!!!
انا اشبه المال بالاهلية ((واذكرج بالمشاكل إللي راح اتصير بالشركة )) مجرد توقع , احساس مو اكثر

بالنسبة للمتابعة .,.,,. لازم انتابعها عشان انعرف خباياها ((كل واحد يبي يربح)) ​

مع احترامي وتقديري للجميع ..... (( لا تزعلون من كلامي))

 

[FOCUS]

للمضاربه وبس

سهم للمضاربة وبس !!!


موتكانه !!!


ماعنده هيئه شرعيه إسلاميه !!!(



فمالا

 

[sprite]

إداره المال مو تكانه .. و قد يحدث إنقلاب و تغيير في الإداره عقب هذا الدخول العاصف على السهم و التوقعات تشير لإنتخاب رئيس مجلس إداره جديد للشركة بدلا من محمد الصقر


لكن المهم هو اصول الشركة الممتازة و القويه , مثل :
مصنع الفحم المكلس ( تشغيلي بحت - سيعمل العام المقبل )
المدينه الإعلامية ( .. )
ملكية بنك الريان القطري
ملكيه المال بدار الإستثمار
ملكية 25% بشركة إنجازات العقاريه

و هذه أسباب كافيه للتحالفات الإستثماريه و الدخول و السيطره على الشركه

 

[(واحد من الناس)]

سهم بتروغلف صعد من 240 الى 790 فلس دفعة وحدة ما سويتوا استفتاء ولا سألتوا شنو سبب صعوده !!!!!!

بودي اضيف على الاستفتاء سؤال بس تجاوبون عليه بصراحة :

تتمنون ان اللي صار بالمال يصير على اي سهم تملكونه ؟؟؟

ياحبيبي اللي حصل للسهم اليوم شيء مرعب

و الموضوع مو موضوع احب السهم هذا و اكره هالسهم ياخي السهم مو ولدي!!

هه استفتاء نبي نشوف مامدى تكانة هذا السهم من عدم تكانته لأن تفسير اللي حاصل كله اجتهادات شخصية و الخبر اليقين عند قلة من الناس

 

[(واحد من الناس)]

صح لسانك أخوي غازي. إشمعنا هالسهم اللي مسوين له تصويت مو عاجبكم لاتتابعونه بلييييييييييييييييييييييز

شفيك ردودك كأنها توحي ان كل الناس ضدك!!

مافيها شي استفتاء كله يوم واحد تحمل ماعليه عشان نوصل لنتيجة ترضي الجميع

 

[انور النقوشي]

شركه المال تكانه100000%
و اللي حاصل هل الاسبوعين اللي فاتو تجميع من قبل محافظ
انت يا الصغير خلك علىالخط تطمش فقط
لا تدش بينهم
صراع الجبابره​

 

[(واحد من الناس)]

شركه المال تكانه100000%
و اللي حاصل هل الاسبوعين اللي فاتو تجميع من قبل محافظ
انت يا الصغير خلك علىالخط تطمش فقط
لا تدش بينهم
صراع الجبابره​

إشفيه الوليد بن طلال

 

[DAISKY]

مع اني املكه لكن الي صار اليوم مو تكانه

 

[سهم السنه]

مع اني املكه لكن الي صار اليوم مو تكانه

580-590

باجر أذا ما يكسرها وبعتقادي ماكو كسر ممكن يصير تصريف علي 580

والي حصل اليوم مو بس مو تكانه لا بعد باجر ما راح تلقاء كلمه تعبر ما في حر قلبك بس الرجاء لا تفطرون ولكم مني تحياتي

فقط وجهة نظر مو شرط تعقبون عليها مجرد خلوها في بالكم

 

[مرعوب بالسوق]

اخواني الاعزاء

اخواني الاعزاء الكرام

الكل ايقول جان زين صايد السهم بسعر 310 او 350 او 385 يزم البيع

بس اللي يحسبها اليوم منو اللي قعد قعده للسهم جان طلع رزقة حلوه اليوم بس

من البيع 570 الى الشراء 485

من الشراء 495 الى البيع 570

من الشراء 550 الى البيع 570

من الشراء 485 الى البيع 570


كم الربحية اليوم يا ترى على حد علمي اليوم جان سويت ب 100000 الف

سهم حوالي لا يقل عن 300 فلس اليوم بس يعني لا تقل عن 30000الف دينار فقط لا غير ​

 

[غازى]

ياحبيبي اللي حصل للسهم اليوم شيء مرعب

و الموضوع مو موضوع احب السهم هذا و اكره هالسهم ياخي السهم مو ولدي!!

هه استفتاء نبي نشوف مامدى تكانة هذا السهم من عدم تكانته لأن تفسير اللي حاصل كله اجتهادات شخصية و الخبر اليقين عند قلة من الناس

يا اخي انا ما قصدت الاستفتاء بعينه ولكن استغرب الردود الكثيرة اللي تدل على حسد البعض من ارتفاع السهم بعدة مواضيع ,,, واحد يقول اللي صاير مسخرة وواحد يطالب بوقف السهم عن التداول لانه كل يوم مطلوب بالحد الاعلى فكيف تفسر هالمشاركات ؟؟ولو انهم يملكون السهم تتوقع يكتبون هالكلام ؟؟؟

اذا نتيجة الاستفتاء ان المال موتكانه فاتمنا تصير اي شركة اشتريها موتكانه


الله يعطي كل واحد على نيته

 

[malek]

سهم المال من الأسهم اللي يضارب بالسوق بأسهمه وهذا عادي لشركة تقليدية غير أسلامية ، واللى حصل اليوم سوف يتكرر غدا واللي بعده ، وأرجوا عدم تشبيه سهم المال بأي شركة أخرى لأن على سبيل المثال بتروغلف لمانزلت كان نزولها طبيعى ومع السوق ولم تخالف التيار وبعدها الشركة أرتفعت وكان التداول بالمعقول ومومثل المال بالملايين .
الظاهر أنه مديري المحافظ والصناديق كانوا قاعدين في قهوة رمضانية وقرروا أن يحركوا السهم اللى وصل الى القاع250 ولم يتحرك الى اكثر من ال330 فلس خلال الأشهر الماضية عامة .
وأنتبهوا من المال لأن مالكم عزيز .