صادوه .........

[بوحسن]

هالمسلسل السخيف المبالغ في تمثيله

سالت عنه واحد شفت حاطين اخوه واخوه ممثل مصيود

قتله صايدين اخوك وانا اعرف اخوك .. دمه حار بسرعه يطق ؟ اشسوى

قالي لا والله اهو بالاول قالوله بنسوي وياك شغل وليم وصل قالوله ..ترى بنسوي وياك صادوه

وقالي ان الكل يدرون مو بس اهو وبس يا ليت يمثل طبيعي
وقالي حتى الثاني حيلهم بينهم ...... نفس الشي

وقالي يا حبيبي هذي تجاره وفلوس وناس ما تبي المسلسل يفشل

وانا اقول طيح الله حظكم

 

[ضحية المخازن]

والله ياخوي بو حسن البرنامج باين عليه اتفاق بين جميع الاطراف لانها ماتدش المخ يعني مثلا حلقة احمد العونان يجيه سعود الشويعي يقوله يالله خلنا نروح نبدل دهن سيارتك عن رفيجي هذي سالفه تدش المخ والا حلقة العجيمي بالنادي يعني اشدراهم ان العجيمي الحين بالنادي عشان يروحون يجهزون كاميراتهم وهم بعد بالنسبه لبرنامج حيلهم بينهم واضح الاتفاق فعلا نفس ماقلت برامج سخيفه

 

[ebjad]

والله يا بوحسن لما شفت العنوان على بالي سهم توك صايده ههههههههه
تسلم بارك الله فيك ، شرهتك على اللي يتابع المسلسلات هذه بعد ما شفت مسلسلات العام الماضي عرفت انها ستكون تعبانه هذا العام .

 

[boali]

أكبر دليل

هو لم داود حسين قلد حلقة عبد الحسين عبدالرضا

وقل حق المخرج يالله ذهبوا الكامير علشان اقطه بحوض السباحة

وهي كانت نقزة عن الحلقة

وأما حلقة أحمد جوهر !! لا عاد كانت مسرحية على أصولها

 

[ياقوت]

بس معقوله يعني يوصل الاستخفاف بعقول المشاهدين لي هالدرجه ؟ اللي يسوي البرنامج معاهم ممثل يعني معقوله ما يعرفون انه ممثل والا يعني لما يتكلم لبناني والا مصري ما راح ينعرف


​