سؤالي لاهل السعوديه..محفظة سامبا

[سهم مرتاح]

السلام عليكم

اخواني في السعوديه حبيت اسال عن محفظة بنك سامبا للتداول في الاسهم الامريكيه
الحد الادني لفتح المحفظه؟
عمولة البنك؟
هل يفتحون محفظه لشخص غير سعودي ؟
ماهو رأيك ببنك سامبا؟

ارجو الا يبخلو اهل الخبره في الرد على اسئلتي وذلك للاهميه
وشكراا

اخوكم

 

[SMoOoKY]

يفتحون لغير السعودي انا عندي حساب بسامبا تحتاج صورة البطاقه المدنيه والجواز وشهادة راتب....

وبصراحه انا اشوفه بنك ممتاز بس الهبوط القسري للبورصه اثر على صنادقهم انا كنت داخل بصندوق يداول بالسوق السعودي.......



ذكرتني كنا ثلاثه طلعنا الساعه ست الصبح من الكويت رحنا الخبر فتحنا الحساب وقالولنا بطاقة السحب الالي تستلمونها العصر رحنا تغدينا بالبحرين وخذينالنا فندق ريحنا ساعتين ورجعنا الخبر

أخوي السايت مالهم وايد مفيد من ناحية تعريفك بتوجهات الصناديق الموجوده والعمولات والحد الادنى ...الخ
بس اختار صناديق الاستثمار ودور الصندوق اللي ابالك ...موفق خير ان شاءالله وسامحنا على القصور....
http://sambaonline.samba.com/common...ducts_n_Services/ar_InvestmentForSambaCom.htm

 

[سهم مرتاح]

مشكوور اخووي وماقصرت
عساك على القوه
مو هذا الحجي مافي افرع قريبه من الكويت
الخبر-الرياض-جده

بالتوفيق اخووي وانشالله اذا في اسئله بردلك

واللي عنده زياده لايقصر معانا

 

[Abu Dhari]

السلام عليكم

وعليكم السلام ورحمة الله

اخواني في السعوديه حبيت اسال عن محفظة بنك سامبا للتداول في الاسهم الامريكيه


الحد الادني لفتح المحفظه؟

40 ألف ريال سعودي ما يعادل بالكويتي تقريبا 3.080 د.ك


عمولة البنك؟

على ما أعتقد موحد عمولة البنوك


هل يفتحون محفظه لشخص غير سعودي ؟

نعم أخوي يفتحون لغير السعودي ومثل ما قال أخوي SMoOoKY يطلبون صورة البطاقه المدنيه والجواز وشهادة راتب



ماهو رأيك ببنك سامبا؟

أغلب الناس اللي أعرفهم وتعاملوا معاه يمدحون حيل ويقولون سامبا ضايف المباشر حالياً


ارجو الا يبخلو اهل الخبره في الرد على اسئلتي وذلك للاهميه
وشكراا

وأي خدمه حاضرين

اخوكم

وبالنسبه لأقرب فرع

فرع الجبيل وهذا عنوانهم ورقمه أتصل عليهم قبل لا تسافر لهم

علشان ما تتعنى على الفاضي وتدعي علي

الجبيل
فرع الجبيل ص.ب:10123,االجبيل 31961 هاتف: 3410435 (03) فاكس: 3410437 (03) تلكس:870411 سامبا اس جي (فرع)



وهذا رقم سامبا فون
والأتصال من خارج السعوديه

96614775200+

وإن شاءالله وصلت المعلومه بالشكل الصحيح أخوي سهم مرتاح

ومع تحياتي
أخوك/ أبو ضاري

 

[سهم مرتاح]

جزاك الله خير
يابوضاري وبيض الله وجهك
كفيت ووفيت ..

 

[wasl]

معلومات الاخوان صحيحه

بس اذا ناوي تضارب في السوق

حط البنك السعودي الفرنسي من خياراتك اقل مشاكل من سامبا

 

[سهم مرتاح]

اشكر نصيحتك واطراءك اخوي واصل
ونضعه بالاعتبار

 

[Abu Dhari]

معلومات الاخوان صحيحه

بس اذا ناوي تضارب في السوق

حط البنك السعودي الفرنسي من خياراتك اقل مشاكل من سامبا

فعلاً أخوي الفرنسي الافضل في سعوديه

بس المشكله فتح المحفظه يطلبون منك مبلغ كبير

 

[fantastic]

البنك الفرنسي ما يطلب كثير وصار للسعوديين فتح المحفظة من دون مقابل يعني ما يشترط عليك مبلغ ولا ادري بصراحة عن غير السعوديين

لكن حبيبي هذا رقم الفرنسي للاتصال من خارج السعودية :

0096614089089

وانا افضله عن جميع البنوك من ناحية سرعة التعامل وامكانية تحويل الفلوس من الحساب الجاري للمحفظة وبالعكس

لأن سامبا ياخذ يوم كامل على ما يحول اما الفرنسي بنفس الوقت وغير كذا سامبا محدود بملبغ معين للتحويل ما يتجاوز عشرالاف ريال او عشرين ماني متذكر اما الفرنسي مسموح الى مائة الف ريال

وانصحك عزيزي اذا تبي تتداول عن طريق اي بنك تمر عليهم وتاخذ نسبة خصم على العمولة لأنك لو ما تقولهم ما راح يعطونك خصم

وسلامتك

 

[SMoOoKY]

حياك الله اخوي الغالي ماسوينا شي والاخوان ماقصروا .....
بس للتنبيه كلم فرع الجبيل وشوف اذا عندهم فرع فتح الحسابات لانه نظامهم غير حتى لمن رحنا بالخبر فرع الكورنيش قالولنا فتح الحسابات في الفرع اللي بالسوق موعندنا....هناك يفتحولكم الحساب وبصراحه احنا رحنا ليش عندنا مدير جديد كان مدير بسامبا وهو اللي قالنا عنه وقالنا مالكم الا الخبر واذا تبون اضبطكم اكثر روحوا الرئيسي بالرياض بس الخبر اقربلنا وماتحتاج تبات حذفة حصى مثل مايقولون..... وصح اذكر تقريبا حولت 3500 تقريبا كبدايه ولكل صندوق شروطه وماشاءالله الصناديق كثيره...

اخوي منت خسران دق وتأكد منهم واذا معزم ومابذنك ماي لايردك الا الخاص انشاءالله اكلمك واعطيك الوصف والحين صندوقهم الفرص الصينيه اهو اللي مبدع بصراحه وان الله احيانا ومانسيت باجر بيبلك عنوان موقع فيه كل بنوك السعوديه وصناديقها وادائها من اول السنه بس والله الحين ماحصلته ليش صارلي فتره ساحب فلوسي ومخليها بالحساب

 

[سهم مرتاح]

جزاكم الله خير اخواني وكثر الله من امثالكم
ونضع نصائحكم في الاعتبار..
وانشالله بشوف الاثنين لما اروح واميز بينهم
والفرنسي اول مره اسمع من احد يمدحه بصراحه لان كل اللي اعرفهم بسامبا وماحد وصاني على الفرنسي

عساكم على القوه

 

[fantastic]

الله يقويك حبيبي

الفرنسي نمدحه بس في تداول الاسهم السعودية فقط

اما بالخدمات عموما سامبا احسن

وعموما سامبا منزل محفظة دولية تقدر تدخل منها على جميع الاسواق العالمية والعربية والخليجية من حساب واحد ويشترط لفتح هالمحفظة 250.000 دولار
تتمكن من خلالها انك تفتح تداول على الاسهم الخليجية والعربية مثل مصر والمغرب والاردن وكذلك السوق الامريكي والاسواق الاوروبية والسوق الياباني والاسواق الآسيوية وهذا الرابط راح يساعدك بالنسبة لسامبا

http://www.samba.com/

تلاقي اسفل الصفحة على اليمين مكتوب سامبا يفتتح وحدة تداول الاسهم الخليجية اضغط عليها وتلاقي اللي اقصده انا

وعموم الموقع ممتاز وواضح


اما اذا كنت راغب فقط بالاسهم السعودية انصحك بالفرنسي

ويالنسبة للصناديق اللي تستثمر بالسوق السعودي نصيحة اخ لا تدخل هاليومين انتظر الين نهاية السنة وخل عمليات التصحيح تعدي على خير وبعدين يحلها الحلال اما بالنسبة للصناديق الدولية مثل ما تفضلو الاخوان في صندوق الصين ممتاز ونموه معقول

 

[SMoOoKY]

وهذا فيه عن كل الصناديق السعوديه وحسب تخصصاتها ويعطيك ادائهم من اول السنه...
http://www.tadawul.com.sa/wps/portal/!ut/p/.cmd/cs/.ce/7_0_A/.s/7_0_49L/_s.7_0_A/7_0_49L