دعوه للضحك ... اعلان للمغفلين فقط

[boalons]

قرات اعلان غريب عجيب بجريده الصدى

اتركم مع نص الاعلان

مركز
ملك البرامج
حصريا ولاول مره بالكويت​

برنامج التداول الاكتروني في البورصات العالميه

برنامج التداول الاكتروني هو برنامج يقوم بالتداول تلقائيا من عمليات البيع والشراء بواسطه اقوى النظريات والاوامر التي صممت لانتاج ارباح بنسبه 80% شهريا واكثر منها عجبتني هدي بعد شوي بروح اشتري البرنامج (اخبار السوق العالمي-النظريات-والاخبار المفاجئه للسوق العالمي) فيحقق بدلك ارباح قويه جدا بسبب النظريات التي ادخلها كبار المستثمرين على البرنامج الى مدة خمسة سنوات قادمه

قيمة البرنامج :

50 الف دينار ( شامل جهاز لابتوب+البرنامج+حساب 20 الف دولار في البورصات العالميه باسم المستثمر في احدى شركات الوساطه+ضمان استعادة المبلغ بالكامل في حاله الخسارة ولمده خمس سنوات قادمه .

 

[الراقي]

والله نصابين بس ترى في ناس مساكين راح يصيدونهم

 

[kappa]

والله مصايب وبلاوي

وين التجاره عنهم؟

 

[TechnoFund]

هذا يبيع على اثنين من الدراويش .. يطلع شغله اوكي ..

فيها عمارة ..

مو غلط .. إذا في إعلانات يقولولك تعال ونعطيك فلوس .. والناس تروحلهم .. شلون أخينا هذا !!

 

[شبروح]

نصب واحتيال فحذروا تلك الاعلانات الرخيصه

 

[TechnoFund]

انا بعرف .. صاحب هالاختراع المحترم مو المفروض يكون عنده $$ يمه ستعش صفر .. ؟!! ليش قاعد يسوقه على الفقاره اللي مثلنا !! لا مع ضمان استعادة المبلغ بعد .. جرعة ثقه، ومكلف على نفسه صراحه بهالعشرين ألف دولار .. يعني 6000 دينار !!

بط جبدي يا بو الانس .. بشتكي عليه وين اروح .. ابي اخذ فيه أجر !! دلوني وين اروح ..

ولا اقولكم .. واحد يتبرع يدز إيميل حق الشيخ صباح يقوله عن الموضوع .. طبعا انا مالي شغل في الموضوع .. بس قلت يمكن ينفع

:d

 

[ابو عمر ب]

ماناقص البورصه الا هيك شغل وان شاء الله فى المستقبل سيتم بيع خلايا من بيل غيتس لأستنساخها والخليه على......

 

[Director]

اخذ من جيسه وعايده ..,

 

[FOCUS]

ان كنت تدري !!!

إن كنت لاتدري فتلك مصيبة .. وإن كنت تدري فالمصيبة أعظم

يعني الجماعه في الصدى مايدرون عن جمبزتهم أبصم بالعشر انهم بدروون . لكن ماخذينها تجاره ( بزنس )اي اعلان حطوه موهامهم الشعب الغلبان

لازم اول مايتحاسبون الحرايد الاعلانيه .. موعدل كلامي

ودمتم دمتم سالمين

 

[مساعد الجارد]

السلام عليكم

هاذي يسمونها " مصيدة المغفلين "

و على قولة المثل : " رزق الهبل على المجانين " .

 

[malek]

أنا ماقرأت الأعلان هل هو داخل الكويت أو خارج الكويت وبحال داخل الكويت نقدر نقول هذا شغل وزارة التجارة والجهات الحكومية وأعتقد من مهام مدير عام البورصة عمل فريق خاص بالبحث عن هذه المسائل وضبطها وتحويلها الى جهات الأختصاص .
وياأخوان مافي شئ أسمه مضمون ، وهذا نوع من الأستغفال والأستخفاف وغسل عقول صغار المساهمين ، والرزق على الله .

 

[الجديد دائما]

الله يرحم عباده

السلام عليكم


انا اشوف ان الاعلان هذا من الف اعلان ينشر بالجرائد الاعلانية(فيها التكييش_وكفلاء على بنوك_ومستحضرات تجميل وتخفيف الوزن باقل من اسبوع_واخر شي البورصه يديده الشغله؟)

الله يرحمنا ويرحم الناس وادعوا بالايام المباركه ان يبعدنا واياكم واخواننا من اكلة لحوم البشر.


وتقبل الله صيامكم وقيامكم

 

[Q8 Stock]

أنا ماقرأت الأعلان هل هو داخل الكويت أو خارج الكويت وبحال داخل الكويت نقدر نقول هذا شغل وزارة التجارة والجهات الحكومية وأعتقد من مهام مدير عام البورصة عمل فريق خاص بالبحث عن هذه المسائل وضبطها وتحويلها الى جهات الأختصاص .
وياأخوان مافي شئ أسمه مضمون ، وهذا نوع من الأستغفال والأستخفاف وغسل عقول صغار المساهمين ، والرزق على الله .

يا مسكين يا مدير البورصه

الاعلان يتكلم عن البورصات العاليمه
وماله اي علاقه بالسوق الكويتي

 

[aadm1]

بسيطه دقو علي 113 جنه رقم حمايه المستهلك بوزارة التجارة وعطوةهم رقم تلفونه ويحطونه بالزنزانه ويعدمونه بعد جم يوم ....

 

[بورصاوي]

لا ابشركم الحين يدقون على العالم بالتلفونات
نفس هالشركه هاذي دقوا علي ههههههههههه
ضحكت لما قالوا 80 % من ملك البرامج
والله خرابيط ...لا وحاطين لهم وحده مايعه تدقدق على هالعالم
اخر شي قلت لها شغله فيها ربح 100 % تبينها ... طوط طوط طوط

 

[برمودا1]

واللة نكتة راعى الاعلان
كلمتة امس وشخلتة بالمكاسر لما بطيت جبدة ...تبون تضحكون
قالى يبا ماابى منك الا عشرة الاف دولار بس بشرط تسولى دعاية وتحلف انك شارى منى البرنامج ب50 الف دينار
زين ماطر منى سلف هههههه

 

[الراقي]

واللة نكتة راعى الاعلان
كلمتة امس وشخلتة بالمكاسر لما بطيت جبدة ...تبون تضحكون
قالى يبا ماابى منك الا عشرة الاف دولار بس بشرط تسولى دعاية وتحلف انك شارى منى البرنامج ب50 الف دينار
زين ماطر منى سلف هههههه

عطني رقمه ابي ماعندي شغل

 

[جراندايزر]

انزين الحبيب هذا ليش مايتاجر ابرنامجه ويفك نفسه من عوار الراس

 

[ebjad]

لا تخاف اللي راح يدفع خمسين ألف دينار حق البرنامج ما هو غبي يقط فلوس على الفاضي يعرف كيف يصيد صاحب الاعلان ههههههههههه

 

[bofattom]

ياجماعة الخير عطونا رقمه خلنقزره عليه بسوي روحي غشيم وبقولة اذا عطيتك 100 الف جم تعطيني؟