قـلـة أدب !!!

[AboSaleh]

السلام عليكم ورحمة الله وبركاته

قـلـة أدب !!!
إنك تروح للمسجد بملابس رياضة أو قميص نوم بينما تروح لربعك بثوب مكوي وطيب يشق الخشم !!!

قـلـة أدب !!!
إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك


قـلـة أدب !!!
تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما أهلك لويبون مشوار ساعة وحدة قلت : ( الليموزينات واجد!!!)


قـلـة أدب !!!
إن اللاعبين والمطربين يكرمون ويغرقون بالخيرات بينما المشايخ ربك يستر ياكثر ماينسجنون !!!

قـلـة أدب !!!
إن الواحد يضبط ساعته على الدوام بينما صلاة الفجر مايدري متى وقت أذانها !!!

قـلـة أدب !!!
إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمسه ريال ولو يهديه واحد شريط إسلامي سجل عليه ( بابا فين ) !!!

قـلـة أدب !!!
اذا جيتي تطلعين لعرس او لصديقاتك تتزينين وتتعطرين واذا جلست عند زوجك تقعدين بوساختك وريحتك بصل

قـلـة أدب !!!
ان الوحده تقعد على التلفون ساعه وتقعد في صلاتها دقيقه

قـلـة أدب !!!
اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني

قـلـة أدب !!!
إن الواحد يشوف ( قلة الأدب ) ولايقول عنها ( قلة أدب ) !!!

قـلـة أدب !!!
قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه

قـلـة أدب !!!
قلة ادب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر

قـلـة أدب !!!
قلة ادب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك

قـلـة أدب !!!
لماتشوف واحد في الشارع وتستصغره ولا تسلم عليه

قـلـة أدب !!!
اذا شفت صديقك في ورطه ولاتساعده

قـلـة أدب !!!
اذا قدم لك صديقك خدمه وأنكرت فضله عليك

قـلـة أدب !!!
انك تحط سيارتك عند باب جارك ..وعندك مكان ابعد شوي..

قـلـة أدب !!!
لما تجلس بمكان عام تتقهوى انت وعيالك..وتقومون وزبايلكم وراكم..
مع ان صندوق الزباله حولك...

قـلـة أدب !!!
انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية إهمالك

قـلـة أدب !!!
انك تطولي لسانك على الشغاله..وهي بسن امك علشان شغله ممكن تسويها بنفسك((ليس منا من لم يوقر كبيرنا))

قـلـة أدب !!!
لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ و تفتشين للدكتور عاااادي...وكنه من بئية اهلك<-----قلبت مصري

قـلـة أدب !!!
لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف

قـلـة أدب !!!
لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه

قـلـة أدب !!!
انك متعلم وحاصل على شهاداة عليه..وماتفقه اقل شي في دينك

قـلـة أدب !!!
أنه مانشوف القرآن إلا من الجمعه للجمعة عشان الكهف ..

قـلـة أدب !!!
نسهرساعه على النت ولانصلي لو ركعة لله

..............وياكثركم قلة الأدب نسئل الله العافيه.................

منقوووووووول

 

[سليمان الضيف]

اي والله قلة ادب ... مشكور يابو صالح على التنبيهات

 

[fz9009]

مشكـــور يابو صالح...دايما مواضيعك مميزه
ونسأل الله أن يعافينا وجميع المسلمين

 

[al7bebe]

خوش كلام

الكلام عاد يحس فيه قليل الادب ( طبعا لا ) علشان انه قليل ادب.

 

[Bo_NaJeM]

جزاك الله خيرا