يا أخوة انا جايكم من سوق الدوحة ... الفزعه

[يناير 2006]

يا اخوان انا جايكم من سوق الدوحة منتف خسران ومعاي جزء من رأس المال اللي تبقى بعد النكسة

أشوروا على لكي اعوض خسارتي

ماهي افضل لشركة للإستثمار القصير

بشرط ان تكون شرعية ويجوز التداول فيها

وبارك الله فيكم

 

[السهم الامريكي]

الله يعوضك

نصيحة يا اخي عليك بالعقار ابرك من هالاسهم بالاف المرات

لانه شكل سوقنا بيلحق سوق الدوحة في الجزء الثاني من الانتكاسة

 

[يناير 2006]

الظاهر أفضل حل

هو مراقبة السوق

 

[الشورى خالد]

يا اخوان انا جايكم من سوق الدوحة منتف خسران ومعاي جزء من رأس المال اللي تبقى بعد النكسة

أشوروا على لكي اعوض خسارتي

ماهي افضل لشركة للإستثمار القصير

بشرط ان تكون شرعية ويجوز التداول فيها

وبارك الله فيكم

( في الوقت الحاضر أصبر وخل فلوسك معاك لين تبين الأوضاع السياسية وين رايحه بس لا تستعجل

 

[يناير 2006]

بارك الله فيك

يا الشورى خالد

والسهم الأمريكي

 

[alcaptin]

ابشر بفزعه اخوانك الخليج كل واحد

حبيبى اشتر المخازن ولا تبيع قبل 3600 شايف الهدف كم 3800 باذن الله بس لا تستعجل وعامل الوقت الواحد يصبر ولو طال تحقيق الهدف السوق يبى طولة بال

 

[UNDER_0]

حياك الله اخوي
انا أقول جان ودك اتنتف زياده حياك ويانه:d

 

[boali]

تبي أفضل سهم تشترييه ؟


أشتر




أشتر



أشتر




أشتر




أشتر



أشتر




أشتر راحتك وخلك من عوار الراس ,,

 

[سليمان الضيف]

انا اقول اشتر ناقلات بالسوق القطري واشتر الريان وانساهم سنه بس

 

[Nagooshy]

تبي نصيحتي

لا دخل على السوق حاليا

راقب السوق

واذا تعدل لنا كلام ثاني انشالله

وبالتوفيق...​

 

[فؤاد]

اخوي حياك بسوق الكويت
تفاءل بالخير تجده
فعلا فيه ناس خاسرة واخرى رابحه.....والسوق فيه خير وربح ان شاء الله
النصيحة:
1 -ادخل على مراحل بفلوسك مع المتابعة
2 -ركز 70% شركات من الدرجة الاولى
3 -شركات شرعية
4 - شركات تشغيلية اذا نام السوق فيه مردود نقدي واسهم
5 - لاتطمع بأكثر من...... فلس حسب قيمة السهم
6 - كاش احتياطي ..%
8 - سوقنا سوق صناع سوق او اصحاب السهم اللي لهم نظرة غير عقلانية...وحساباتهم غير...وفلوسهم ماتنعد.....وتوقع غير المتوقع....فسايرهم تربح....

 

[بو هادي.]

تمويل خليجي يا يناير 2006
تذكر نصيحتي إذا توفقت وادعو لي

 

[يناير 2006]

شكراً للأخوة الأعزاء وفعلاً نصائحكم تستحق الشكر والتقدير
وأيضاً نصائحكم جميله جداص وتستحق الإشاده
وبارك الله فيكم وكثر الله من امثالكم

وما خاب من إستشار

الله يرزقكم اجمعين

 

[abbass]

قلب جامد ونفس طويل

وتفكير عميق اهم متطلبات مستثمر البورصة الفرق بين المستثمر والمضارب السريع ان الاول يختار اسهم اوضاع شركاتها قويه وارباحها متنامية او على الاقل مستمرة اما الاخ المضارب الشرس فهو لا يدقق فى هذه الامور اعتمادا على انه سيخرج من السهم بربح سريع لكن كثيرا ما ياخذه السهم ويطيح انصح دائما وابدا باعتماد النمط الاستثمارى بنسبه اكثر من المضاربى و ليكن للواحد هدف محدد ليسعى اليه لست ادرى ما المانع فى ان نتعامل مع الاسهم كوديعة البنك التى تكون احيانا 3او5سنوات ولا تعطى عليها بنوكنا فى احسن احوالها اكثر من6%بالسنة .ساعطى الاخ المستفسر هنا قائمة اسهم شرعية ممتازة واسعارها مغرية حاليا والمستثمر المتوسط الاجل بها ان شاء الله رابح:1-التمويل الخليجى
2-التعمير الخليجى 3-بيت الاستثمار الخليجى4-المستثمر الدولى5-المجموعة الدولية وما شهدنا الا بما علمنا والله ولى التوفيق

 

[مغامرجي]

حرام عليك


تهد سوقكم الي نازل حيل وتجي سوقنا ؟؟


اشتر سهم الريان

صديق عزيز علي من اهلك في قطر وله خبرة طويلة بالسوق يقولي

اشتر سهم الريان

 

[بوعمر2]

1- مزايا..


2-بيت التمويل الخليجي..

من أفضل الاسهم الموجوده حاليا بالبورصه من ناحيه الاسعار والارباح..