الي عنده مشكله بالأوســط برو

[Abdulazeez]

السلام عليكم الي عنده مشكله بالوسك برو

أول شيء يشيل البرنامج عنده Remove ... وبعدها يسوي Setup للبرنامج مره ثانيه من جديد ... ويشوف يشتغل ولا لااء ؟

 

[فايز1978]

اللحين بجرب الله يجزاك خير

 

[فايز1978]

نفس الشي يابو سعووود

 

[Abdulazeez]

نفس الشي يابو سعووود

الله يعينك عليهم وعلى مشاكلهم ، ياما أتصلت وتكلمت ... بس ماكو فايده


... المشكله أن أكثر الي ما يعرفون بالإتصالات يعتقدون أن المشكله صعبه بالنت والإتصالات بالكويت .. وما يدرون أن كل شيء سهل بوجود سيوله بسيطه ، العيب من سوء الإداره فقط .

لما طلعت شركه كيمز ( Kems ) وكانت الوحيده يومها تقدم خدمه الإنترنت بالكويت وكان عندهم مشاكل كبيره ومو طبيعيه .. طبعا بدايه لهم وشركه جديده عادي.

كان لي صديق يشتغل بالشبكات والإنترنت وغيرها وهو من مواليد الكويت وقعد برا يشتغل بسويسرا أكثر من 11 سنه طبعا هو شاف شركه كيمز وخدماتها .

يقول ( الشركه عندها أجهزه وإمكانيات تخرع ويقدرون يعطون الخدمه لدول مجاوره مو بس الكويت ، قالي بالحرف الواحد عندهم قله بالخبرات للإستفاده من إمكانيات الشركه ، و قالي العيب من سوء الإداره وقله الخبرات عندهم ، وكلامه طلع صح لما صارت عليها مشاكل ماليه وغيرها مع وزاره المواصلات .

للأسف سوء الإداره ونقص الخبرات هو المتفشي بدوله الكويت بأكثر من قطاع ، وكافي وزاره الصحه كمثال حي وقوي ، أجهزه بالملايين ودكاتره بالفلس مع إحترامي لبعض منهم مشهود لهم بالإبداع ، بس قله للأسف .

شركه يوقف التداول عندهم ، تتصل عليهم تعلن أن السيرفر طاح وقطع عن الخدمه وراح يرد بعد كم ساعه ، هل الشيء ، ليش مافي باك آب للسيرفر نفسه ؟؟!! ليش ماكو سيرفر ثاني وثالث باك أب ؟؟ تكلفتهم بسيطه وما تتعدي كم ألف أو آلووف وهم يربحون ملايين .

الشركه ما يبيلها تجدد أجهزتها .. مجال الكمبيوتر والإتصالات له تطوير وتحديث مستمر وما يكلف شيء مقارنه بربحيه التشغيل . ومو محتاجين يشترون شيء .. مثل الإتصلات أتصل عليهم أقولهم الـ GPRS مو شغال يقولك طفي الجهاز وشغله ، تقول ما يتصفح يقولون لك طفي الجهاز وشغله ، أتصلت على الأوسط قلت الأوامر معلقه معاي ، قال لي سكر البرنامج وشغله ، قلت له مو راضي يفتح البرنامج ، قالي سوي رستارت يعني طفي الجهاز وشغله ، ما أدري شنو سالفه الــ Restart الي ماشي بهل البلد .

آسف على الإطالـه بس وجه نظر وهم أفضي الي بقلبي .


ومشكورين على صبركم ومروركم

 

[FreeTrader]

قلبك متروس يا بوسعود
الله يعين

تدري لو بتكلم عن المشاكل الي واجهتني اول ايام دخولي للسوق الامريكي ماراح يكفيني سيرفر المنتدى
لكن الحين الحمد لله الله يديمها علي من نعمه يمكن اذا واجهت خطأ يمكن يكون كل ست شهور مره وتلقى الخطأ مني انا

بس شرايك نألف فيها كتاب

 

[Abdulazeez]

قلبك متروس يا بوسعود
الله يعين

تدري لو بتكلم عن المشاكل الي واجهتني اول ايام دخولي للسوق الامريكي ماراح يكفيني سيرفر المنتدى
لكن الحين الحمد لله الله يديمها علي من نعمه يمكن اذا واجهت خطأ يمكن يكون كل ست شهور مره وتلقى الخطأ مني انا

بس شرايك نألف فيها كتاب

كلامك عدل وأكثر من واحد شرحلي الفرق ومشاكله قبل .. بس بهل النقطه غلطت

يبيلك تألف سلسله كتب عن المشاكل مو كتاب واحد