آخر مقالب السوق،،،

الموضوع في 'السوق السعودي للأوراق الماليه' بواسطة النبراس, بتاريخ ‏12 نوفمبر 2006.

  1. النبراس

    النبراس عضو نشط

    التسجيل:
    ‏21 أغسطس 2005
    المشاركات:
    426
    عدد الإعجابات:
    0
    مكان الإقامة:
    الرياض
    جرّب يستثمر أمواله !

    وكان عنده ببغاء يتكلم ..

    مشكلكن لة الببغاء .. إنه كل ما شاف راعيه قال : ياغبي .. يا غبي .. يا غبي ! ..

    راعيه ضاق صدره .. وقرر ياخذ الببغاء لمدرب الطيور علشان يعدّله ..

    : يا مدرب الطيور .. شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني

    قال المدرب : ما عليك .. خلّه عندي كم يوم ....

    ولما راح راعيه .. جاب المدرب " سطل " مويه حاااارة .. وحطه قدامه .. وسأل الببغاء ..

    : أنا مين ؟ !

    قال الببغاء : أنت صديق الغبي ! ..

    وينزله المدرب في المويه الحاااره ثم يطلّعه .. ويسأله ..

    : أنا مين ؟

    قال : أنت صديق الغبي ..

    وينزله في الموية مرة ثانية .. ثم يطلعه ..

    : أنا مين ؟

    .. وعلى هالحال .. حتى تربى الببغاء وتسنّع ..

    أخيرا .. قال له المدرب ..

    : أنا مين ؟ !

    قال الببغاء : أنت صديق أذكى واحد في العالم ..

    ويوم جا راعي الببغاء .. قال المدرب : تفضل اسأله ..

    قال راعي الببغاء .. : أنا مين ؟ !

    قال الببغاء : أنت مين ؟! وهذا سؤال !! .. أنت الذكي .. إلا أنت أذكى واحد عرفته في حياتي !

    قال له راعيه : .. طيّب .. وإذا لعبت بفلوسي على كيفي ؟ !

    قال الببغاء : .. هذي فلوسك .. من عرق جبينك .. تسوي فيها اللي تبي ....

    قال : طيّب .. إذا دخّلت فلوسي عند " هابتكو " ؟ !

    قال الببغاء : ممتاز .. حركة استثمارية في غاية الذكاء .. ومن أذكى واحد في العالم ....

    : طيّب .. وإذا دخلت فلوسي عند " الجمعة " ؟ ..

    : طبيعي .. تنويع استثماري .. من أذكى واحد في العالم !

    : طيّب .. وإذا دخلت فلوسي عند " ابن حسن " ؟ ..

    : ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم !

    : طيّب .. وإذا دخلت فلوسي عند " العيد " ؟ ..

    : عادي .. وزي ما يقولون " حشر مع الناس عيد " .. صحيح إنك أذكى واحد في العالم ..

    : .. طيّب .. وإذا دخلت فلوسي في الأسهم ؟ !

    قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم !!
     
  2. ابوغلا

    ابوغلا عضو محترف - مشرف القسم السعودي

    التسجيل:
    ‏16 مارس 2005
    المشاركات:
    3,790
    عدد الإعجابات:
    0
    مكان الإقامة:
    UK
    ههههههههههههه

    الله يرج ابليسك

    ذكرتني بسالفت ببغاء
    يقولون انه اذا جا وقت الصلاة يقوم يتوضاء
    فقال واحد لازم اروح اشوفه
    يوم راح لراعيه لقى الببغاء ماسك سبحه في يده وحاط اذاعة القراءن الكريم
    قام الراجل سال صاحب الببغاء يقوله بكم تبيعه الا الببغاء حاط جناحه على فمه ويقول له اصصصصصص اسمع الحديث

    ههههههه
    قوية
     
  3. النبراس

    النبراس عضو نشط

    التسجيل:
    ‏21 أغسطس 2005
    المشاركات:
    426
    عدد الإعجابات:
    0
    مكان الإقامة:
    الرياض








    ههههههههههههه

    والله حلووووووه:D



    بس من جد هذا واقعنا المرير يتحدث عنه الببغاء:cool:
     
  4. شارت نت

    شارت نت عضو جديد

    التسجيل:
    ‏7 فبراير 2006
    المشاركات:
    713
    عدد الإعجابات:
    0
    يقول لك :

    فيه مضارب صغير في السوق السعودي لقا المصباح السحري فرك المصباح طلع له المارد , قاله المارد آمر ايش تبي اسويه لك

    قاله المضارب امي متوفيه و ودي اسولف معها
    قاله المارد يا خوي هذي مسألة حياة و موت ,, ما اقدر .. اطلب طلب ثاني

    قاله المضارب طيب ابيك ترفع السوق تراني متعلق ..











    قال المارد اقول وين قبر امك
     
  5. ralraja11

    ralraja11 عضو محترف

    التسجيل:
    ‏29 يناير 2005
    المشاركات:
    2,770
    عدد الإعجابات:
    0
    هههههههههههههههههه

    حلوة مرة هذي

    الله يعطيكم العافية