بالأمس سهم غوغل أقفل على 498 دولار للسهم الواحد بكمية تداول تجاوزت الخمس ملايين ونص بقيم 2 مليار ونص !
بالكويتي قيمة السهم 150 دينار ... قيمة أسهم سوقنا مجتمعة
بالكويتي قيمة التداول ما يقارب 700 مليون دينار دبل سوقنا عشر مرات
- شركة يديرها شباب اثنين بالثلاثينات ( مو تقول الخرافي أو محمود حيدر يقدر يقرب صوب أسهم شركتهم )
- ياجماعة الخير ليش هالشركة كل ما تعلن عن عقد طار السهم وربعنا كل ما يعلنون عن عقد السهم قوع ؟
الخلل وين ؟
السلام عليكم ورحمة الله و بركاته
شكرا ثم شكرا ثم شكرا انك كتبت هذا الخبر
الخلل وين؟؟؟ سؤال كبير
لازم كلنا نصر على معرفة وين الخلل، لان المضره تعم على الكل والحين
فرصه حقيقة لتصحيح اي خطأ في سوقنا يخليه تعبان مقارنة بالاسواق الاخري...،،،، فيه هيئة سوق راح تنشأ.. فرصه لكثير من التعديلات.
نظره بسيطه لفرق مهم بيننا والسوق الامريكي ان سوقهم قاعدته كبيره وحجم الاموال ولاستثمارت ضخم...
قاعدة السوق عندنا صغيره و محدوده، الغالبية من هذي القاعده صغار المستثمرين وبمبالغ صغيره ،، ويحد من حركت هذي القاعده نظام الوحدات
نظام الوحدات له اثار سلبية على الغالبية من صغار المستثمرين
بسببه قاعدين يتعرضون لسرقات منظمه.
وبسببه الاستراتيجيات المتوفره لهم للتداول محدوده جدا .
اذا الغي نظام الوحدات او تقييد السوق ب 100 او 1000 سهم لجميع
الاسعار،، راح يتكون صانع سوق جديد صفته منصف وعادل وله قوه وقدره
ضخمة للتحكم بالسوق ولتاديب اي واحد يتجرء لرفع اي سهم الى مبالغ خيالية....او يحاول ضغط اي سهم بعد اي خبر ايجابي عنه مثل ما هو حاصل...
هذا الصانع هو صغار المستثمرين..
على الاقل اذا الغوا نظام الوحدات الخسائر لصغار المستثمرين تكون محدوده
ويكون عندهم مرونه بالاحتفاظ بنص المحفظه كاش لتصيد الفرص.
ياليت يلغونه وينفعون الناس.... حنا صغار المستثمرين
رايكم ياجماعه لا عدمناه
وين الخلل