منو فينا .. متفائل من باجر ؟

[raay]

واقعي

ما يحرك السوق الا المحافظ واداء المحافظ جيد جدا خاصه وان نتائج الشركات المالية اغلبها تبشر بعائد جيد للمستثمرين والشركات اللي تملك المحافظ تبي تقفل السنه المالية بنتائج طيبة والملخص
السوق ثابت على هالمحور حتى منتصف عام 2007 واذا بيتحرك شوي لاعلى لنشاط صغار المستثمرين في البحث عن افضل الفرص المتاحه
صدقوني ما يحرك السوق اشاعات ولا توقعات حسب سنوات سابقة انما اللي يغيرها نتائج الاعمال والربحية المعقوله
اخذوا كلامي للعلم فقط والسوق يتذبذب حسب العرض والطلب وهالايام السوق محدود ومشكلتنا ان نتاثر بكلام الناس وننسى الواقع
والاهم من هذا كله ان السوق بخير والاسعار معقوله لاغلب الشركات والربحية للمستثمرين عال العال.

 

[المضاربه فن]

مع الأسف أنا متشائم وهذي أول مره أتشائم فيها والسبب الكلام الي سمعته اليوم
لا أحد يسألني منو الشخص ولا بطيخ
وما أقول ألا حسبي الله ونعم الوكيل عليك يا وزير التجاره ومدير البورصه الي حيدتو الاسهم مالت الخرافي والي ما عرفتوا شنو العواقب الي ممكن تخلفها يعني طلعين فيها طبقنا القانون أخاف صج قانون خلني أشوفهم شنو بيسون بشركات المشاريع والي تابعتلها ولا شركات بيت التمويل الي بيطبق القانون يطبقه علي المخالف مو علي الملتزم بتنفيذه يبا المسأله ثأريه بين الفلاح والخرافي بسبة الهيئه العامه للأستثمار والحبيب قص علي الوزير وقال أنطبق القانون أخاف صج هامك القانون القضاء هو وحده الي راح يبينلك أن القرار فاشل وخطأ بس المسأله مطوله شوي وما يندري وين راح يوصل فيها المؤشر ؟
الله يستر بستره
أنا عن نفسي خسران وأسهمي أجل وبنفس الوقت ما راح أبيع خل تروح فلوسي ولا أبيع بخساره لأاني خسرت بما فيه الكفايه والي بقالي من فلوسي هو ما يجي ربع الي خسرته من قبل عليه العوض بالثلاث أرباع الي راحو .
ليست دعوا للبيع وأنما دعوه ألي أمساك أسهمكم ولا تعرضون
لا لا لا لا لا لا للبيع​

 

[moer]

باكر انشالله صعود

 

[فهاد11]

انا متفائل من اليوم بس مدري شنو السبب ونا شا ء الله يكون خير يارب مع اني خسران خسران بس متفائل اليوم ان شاءالله يصير تفا ئل على سنع

 

[q8_chamber]

و انا بعد وياكم ​

 

[امبركو]

و انا بعد وياكم ​

وآنا بعد وياكم ،،،،،،،، لاتنسونى ..

والله يكتب اللى فيه الخير

 

[C-oNtROoL]

ألف حمد وشكر
.
الله لا يغـير علينا
.
ويهدى الجميع لصالح الأعمال
.
صحيح بنى آدم ان راح تبقى سيرته الطيبة
والشي هذا معروف عند الكويتيين في تاريخنا وأجداد أجدادنا
.
اللهم زيد وبارك
.
ووفـقـنا لما هو خير
.
وأصلح حال الجميع
.
وارزقهم من حلالك ، واغنهم عن حرامك​

 

[C-oNtROoL]

منو فينا عنده ثقه ابورصتنا ؟
بورصتنا مو مالت تفاؤل ولا وناسة
برفع راية الاستسلام​

 

[malek]

السوق بيكون نازل صاعد احمر أخضر وهذا على مزاج المافيا اللي قاعدة تلعب فينا ، وبس ياسوق نبي فلوسنا ونحلف مانرد لك خسرت وظيفة وبيت وأسرة وعائلة كريمة وصار عندي الضغط والسكر والقولون العصبي وهبوط واكزيما وجيوب انفية ، دخلنا السوق بصحة وعافية ( لائق صحيا ) وبنطلع مع العلل اللي ذكرناها وجني ناسي شئ بعد .
اللهم شافينا وشافي مرضانا ومرضى المسلمين واللهم صبرنا وعوضا خيرا بدلا من هم الدنيا .

 

[سهمكووو]