قريبا مدينة الحرير قادمه بالكويتي

الموضوع في 'السوق الكويتي للأوراق الماليه' بواسطة nasser11, بتاريخ ‏30 نوفمبر 2006.

  1. nasser11

    nasser11 عضو نشط

    التسجيل:
    ‏5 أكتوبر 2005
    المشاركات:
    175
    عدد الإعجابات:
    0
    مكان الإقامة:
    الكويت.. الصبيه.. مدينة الحرير..
    لو نظرنا إلى الدول الخليجه الشقيقة وقارنا بينهم وبين المسكينه دولتنا الغاليه الكويت خلال العشر سنوات اللي مضت من ناحية التطور والتقدم والتنمية لوجدنا.............على سبيل المثال لا الحصر..
    مشروع مدينة الملك عبدالله من بداية فكرة المشروع الى بداية التنفيذ في فتره لا تتجاوز السنه وثلاثة اشهر....!!!! شلون؟؟ شي غريب ماشفناه عندنا##
    جزيرة النخله بدبي اصبحنا نراها في التلفزيون في فترة لم تتجاوز 3سنوات!
    لؤلؤة قطر..............!!!!!!!!
    مو حسد عسالله يزيدهم
    جسر المرحوم بإذن الله الامير الراحل الشيخ جابر الأحمد الجابر الصباح صار له اكثر من خمس سنوات!! يفكرون
    حط الخط رقم 1 لاحط رقم 4 كل يبي على كيفه:((
    مستشفى مايو كلينك من اشهر المستشفيات في العالم يتقدم بطلب انشاء فرع تابع له في الكويت ولكن لم تستطع الجهات المسؤوله إيجاد موقع مناسب يليق بالمستشفى فأعطوهم موقع في البر على الدائري السابع !! وهي الآن في دبي!!
    فعندنا للأسف يوجد خطط خمسيه ولكن بطريقه مبتكره...كيف؟؟؟
    5سنوات تفكير بالمشروع 5سنوات إجراءات روتينيه وقانونيه 5سنوات تنفيذ المشروع !!
    جزيرة فيلكا..
    بنك جابر
    مدينة الحرير ((إذا حجت البقر على قرونها))تشوفونها

    من السبب الحكومه؟؟ ام المجلس؟؟ ام المواطن؟؟

    ملاحظه: لتكن في الحسبان لايوجد مجلس امه في المملكه العربيه السعوديه ولا في الإمارات ولا في قطر!!!!!!!!!!!!!!!!!!!!!!!!!!!!!!
     
  2. كويت1

    كويت1 عضو جديد

    التسجيل:
    ‏4 مايو 2006
    المشاركات:
    112
    عدد الإعجابات:
    0
    معناته كل التأخر سببه المجلس
     
  3. nasser11

    nasser11 عضو نشط

    التسجيل:
    ‏5 أكتوبر 2005
    المشاركات:
    175
    عدد الإعجابات:
    0
    مكان الإقامة:
    الكويت.. الصبيه.. مدينة الحرير..
    عندهم حكومه + عندنا حكومه

    عندهم شركات + عندنا شركات

    عندهم فلوس + عندنا فلوس

    ماعندهم مجلس _ عندنا مجلس

    عندهم المسؤولين واصحاب القرار يحبون ديرتهم
    عندنا المسؤولين واصحاب القرار مشني وامشيك خشمك اذنك على حساب البلد

    وللوراء در ياكويت
     
  4. Falcon

    Falcon عضو جديد

    التسجيل:
    ‏2 مايو 2002
    المشاركات:
    798
    عدد الإعجابات:
    0
    مكان الإقامة:
    Kuwait
    زيادة على كلامك

    1- نسمع عن الجامعة الجديدة من 3 سنوات أو أكثر و حددوا الارض و سوروها بعد.............بس للحين الارض فاضية....ما دري متى يبلشون يمكن لما يصير عندنا نقص في الميزانية .....علشان تصير الجامعة بفلوس.

    2- حتى خطوط التلفون ...غير متوفرة في كل مناطق الكويت...علما جميع الخطوط الارضية واصلة..... يعني ناقص قرار من طويل العمر لتوصيل الحرارة :)

    3- نظام الكويت الاقتصادي هو نظام عائلي أشتراكي ....يعني أغسل أيديك من الانفتاح.

    يبى من الأخر ...كل شئ بيد أميرنا الله يحفظة بس يبيلة مستشاريين مخلصيين .......

    الله كريم
     
  5. baselko

    baselko عضو نشط

    التسجيل:
    ‏10 يوليو 2005
    المشاركات:
    1,468
    عدد الإعجابات:
    2
    طبعا السبب المجلس ليش الحكومه لو تبي تعطي المشروع لأي شركه

    كويتية المجلس راح يشكك بذمة الشركه وان المناقصه فيها بوقه ومن

    هالكلام ولو تذكرون قبل كم اسبوع كتب( اعتقد جاسم بودي) بجريدة الراي

    بالصفحة الاولى سبب تاخر الكويت عن باقي دول الخليج وذكر ان من تلك

    الاسباب

    هو الشك بذمة تجار الكويت وهذا السبب ادى الى ان تجارنا يستثمرون

    اموالهم بالدول المجاوره

    .وتبون الصج المستثمر اذا يبي يسوي مشروع لازم شوي تغض البصر عنه

    بس ها لازم تحاسبه حساب عسير اذا كان المشروع الذي رسى عليه

    فيه تلاعب او تاخير او غش هني لازم الحكومه تطلع الفلوس من عينه .
     
  6. q80mofa

    q80mofa عضو جديد

    التسجيل:
    ‏5 فبراير 2006
    المشاركات:
    238
    عدد الإعجابات:
    0
    السبب الوحيد مجلس الأمة

    لكثرة الستجوابات
    لفرد العضلات والضحك على عقولنا​


    لأن الحكومة راح تنشغل بالرد على الستجواب عل حساب المشاريع
     
  7. الكويت غاليه

    الكويت غاليه عضو جديد

    التسجيل:
    ‏6 ابريل 2006
    المشاركات:
    666
    عدد الإعجابات:
    0
    صح لسانك بوبدر بس حتى لو عندنا وزراء محترمين ومجتهدين بشغلهم تلغى النواب ( البعض) يروح يستجوبه!!!!!!!! ليش ؟؟؟؟ لأنه النائب يبي مصلحته الشخصيه ومصلحة ناخبينه. يارب إنك تهديهم ياااااااااااااارب
     
  8. khalid592

    khalid592 عضو نشط

    التسجيل:
    ‏2 مايو 2005
    المشاركات:
    673
    عدد الإعجابات:
    0
    مكان الإقامة:
    kuwait
    البلد هذا عليه لعنه :)
    استغفر الله العظيم
    عمره ما يتطور .. كل من مسك منصب قام يفكر بالبوق حسبنا الله ونعم الوكيل ..
    والمشكله انه اللي يبوق مايفكر انه هذا حرام وانه راح يتحاسب عليه وانه يلاقي هالشي بعياله وماراح ربه يفوقه ؟!
    يا جماعه خنكون واقعيين اللي باقو استثمارات الكويت صار عليهم شي؟!!
    سولهم شي؟! اذكر قبل فتره راد واحد منهم قبازرد جنه ماصار عليه شي والباقين هم نفس الحاله ..
    وانت قاعد تقولي تطور وما تطور :) الحين خلهم يمشون الديره مانبي منهم شي .. رشاوي وتزوير وفساد منتشر بجميع الوزارات ولعب .. جنها مو دوله :)

    وترى على فكره عجبني الاخ اللي يقول السبب مجلس الامه .. نعم صح انا اتوقع من مجلس الخمه اقصد الامه :)
     
  9. nasser11

    nasser11 عضو نشط

    التسجيل:
    ‏5 أكتوبر 2005
    المشاركات:
    175
    عدد الإعجابات:
    0
    مكان الإقامة:
    الكويت.. الصبيه.. مدينة الحرير..
    مثل ماقلت السبب مجلس الأمه ..

    بس اخوي khalid لو تكلمنا عن موضوع الرشاوي مثل ماتفضلت
    لوجدنا الرشاوي موجوده في معظم دول العالم وليس فقط في الكويت..

    بل هناك دول لاتستطيع ان تدخلها الا با (( دن دن )) يعني بدهان السير واحنا ولله الحمد لم نصل لهذه المرحله وانشالله ماتمر علينا..

    بس المشكله ان في بعض الدول اللي مستشري فيها الفساد والرشوة تلقى فيها على الاقل تنميه وإعمار ومشاريع..وأمور بلدانهم ماشيه وعندنا

    (( حطني تلقاني ))
     
  10. جاد جدا

    جاد جدا عضو جديد

    التسجيل:
    ‏29 مايو 2006
    المشاركات:
    340
    عدد الإعجابات:
    0
    مسكين المجلس اذا ما يبونه حلوووه
     
  11. ولد الدسمة

    ولد الدسمة عضو جديد

    التسجيل:
    ‏29 مارس 2006
    المشاركات:
    80
    عدد الإعجابات:
    0
    مكان الإقامة:
    الدسمة .. و ما أدراك ما الدسمة
    بسم الله الرحمن الرحيم

    وظيفة مجلس الأمة .. تشريع القوانين و مراقبة السلطة التنفيذية

    المشكلة في الحكومة اللي تبي تسيطر على الجانبين .. تبي النواب يمشون مقترحاتها .. و اللي يكون فيها ثغرات لتنفيع فلان و علان ..

    و ما تبي أحد يحاسب الوزراء على الفوضى و الفساد المنتشر في البلد

    و الدليل .. أن الحكومة تسعى جاهدة لإيصال أكبر عدد من النواب الحكوميين .. سواء بالدعم المالي انجاز المعاملات .. و عدم انجاز معاملات للنواب اللي يخالفونها .. علشان الناس تكون تحت رحمة نوابها ..

    يا جماعة .. إحنا عندنا مجلس و الفساد منتشر .. لو ما كان عندنا مجلس .. جان شنو صار

    هذه أمريكا .. قاعد نضرب فيها المثل في التطور و القوة و الهيمنة و الحضارة .. عندهم برلمان .. و عندهم استجوابات .. لكبر رأس .. و يحاسبون السلطة ..

    شوفوا بوش شلون تغيرت لهجته عن العراق و ايران .. و شلون وزير الدفاع استقال .. لأن البرلمان صار مو معاه .. مع ذلك نشوف أن مشاريعهم الاقتصادية و الاجتماعية و التعليمية و الصحية ماشية .. لن كل وزير عارف شغلة .. و يمشيه

    مو إحنا .. بس المجلس راح يستجوب وزير خدمات .. بعد مو وزارة سيادية مثل الداخلية و الدفاع .. إلا قامت القيامة .. و ترتبك الحكومة .. و تتعطل مصالح العالم .. شدعوة شدعوة ..

    وزير و استجوبوه .. معاه حق .. خل يدافع عن نفسه .. و الكل راح يوقف معاه .. أما وزير مخطيء .. و ما يبون أحد يصلح له أغلاطه

    بلاوي يبيلها صبر
     
  12. raay

    raay عضو نشط

    التسجيل:
    ‏11 نوفمبر 2006
    المشاركات:
    1,261
    عدد الإعجابات:
    340
    مدينه الحرير والا الخيال
    مشروع الواجهه البحرية على مخططات البلدية من السبعينات(موجوده المخططات بالبلدية للتاكد) والمشروع يمتد من السالمية وحتى الجهراء
    مازالت الحكومه تعلتش بالمشروع وما خلص واللي خلص منه ما يليق بسمعه الكويت ( يوم البحار وشاطي السلام ) بعض مزارع الكويت وايد ارقى منهم
    مشروع المدينه يخلص بعد 25 سنه
    اعتقد وان بداو لين يوصلون النهاية تتم الترميمات على بداية المشروع
    دبي وصلت المريخ
    ابوظبي وصلت القمر
    البحرين بالطريق الى القمر
    وقطر تحط بصمات واضحه
    وعمان البركان
    والسعودية في نمو صاروخي
    والكويت لحد الحين ما قرروا متى البداية

    ياجماعه منو المسئول ( مجلس الوزراء والا الامه والا احنا )
    يا معين
     
  13. سبع الليل

    سبع الليل موقوف

    التسجيل:
    ‏21 مارس 2006
    المشاركات:
    534
    عدد الإعجابات:
    0
    مجلس الأمة هو السبب....
    رحمة الله على الوالد الفقيد جابر الأحمد عندما رآى مصلحة البلد في حل المجلس.....الآن نحن نقول نفس الكلام....اذاً كان رحمة الله عليه يسبقنا بتفكيره أكثر من عشرون عاماً .

    رحمة الله عليك ياحبيب الشعب.