نتيجة ديوان الخدمة...صدمة !!

[q8ia_edaria]

قوووة بنااات وشبااااب وشياااااب

تدرووون وييين قطوووووووووني ديوان الخدمة ....

ودوووووووووووووني ...
.
.
.
.
.
.
.
.
.
.
.
.
.
.
.
وزااااااارة المواااااااااااصلاااااااااااااااااااااااااااات :'( :'(

يووووه شنو لما شفت اسمي حدييي انصدمت .. اصلا انا مو مسجلتها بالاختيارات بالمرررررررررة..

اول دورت اسمي بالجريدة .. مالقيتها بالوزارات الي حاطتها..
رحت على النت .. ودخلت سايتهم وسجلت .. وطلع

هنيييئاااا مادري مبروووك .. لترشيحك للمواصلاااات
:'(

على شنووو هنييئاااا بالله !!

انا مابيهم ابي المالية واظاهر مانفعت واسطة اخوي..

ومادري شسوي ؟؟؟

اخاف ارفض ويقطوني بمكان اسواء من المواصلااات...

واخاف ارضا بالامر الواقع...

شتنصحوني فيه يا اهل الخبرة

انا فكرت.. قلت اقعد.. بعدين اسوي طلب نقل ... يمكن اسهل...
لان الواسطة قالت حق اخوي ان الديوان صاير صعب شوي كله بالكمبيوتر....


فشرااااااااااااااااااااااااااااااااايكم


... اختكم

المحطمة
<<<<< سابقا كويتية ادارية


وشكرا
....​

 

[faresss]

يقول الله عز وجل " وان كرهتم شيئا فهو خير لكم"
1- ما هي شهادتك والتخصص ؟
2- اين السكن في محافظة العاصمة أو الفروانية ؟
3- والله يا أختي العزيزة انا نفسك أول شئ ضاق خلقي جداً من هذه الوزارة لما تم تعيين زوجتي بها ولكن بعد العمل بها من قبلها ارتحت كثيراً بصراحة لأنها وزارة نظيفة جداً والحضور والانصراف بكرت وأغلب المسئولين محترمين وأكثرها (إناث) محترمات.
4- وأحب اضيف لك ان لكي في الشهر (6) مرات تأخير أو انصراف ولك في السنة (4) عرضي غير الجازات والراتب الذي ينطبق على شهادتك.
وحاضرين وبالخدمة عن اي شئ.

 

[q8ia_edaria]

انا تخصصي .. محاسبة.. من كلية العلوم الادارية..

والمكان عادي مقدور عليه..
والله امي تقول نفس كلامك .. يمكن خيرة :s

ان شاء الله خير

ومشكور على المرور

 

[ebjad]

ما لك الا حل واحد تشوفين واسطه في أى وزاره تريدينها يأخذ لك موافقة تعيين من وكيل الوزاره منها بكتاب موجه لديوان الخدمه المدنيه وعلى طول يحولون طلب تعيينك الى تلك الوزاره وهذه هي الطريقه المستخدمه حاليا مع من يصله دور التعيين ولا يريد ان يتعيين بالجهة التي يحال لها فألحقي نفسك بسرعه شوفي لك عضو والا واحد له معرفه أو نفوذ لمساعدتك قبل ما يطلع قرار تعيينك في المواصلات فتصبح المسأله صعبه عليك

 

[NBK]

اختي العزيزه
اذا انتي ما تبين الوزارة (المواصلات)
لا تباشرين العمل
اخذي كتاب الترشيح مال المواصلات
وتروحين للماليه طبعا لازم واسطه ويسون لكي كتاب
انهم محتاجينك وتبدلين كتاب ترشيحك من المواصلات للماليه
واللي يبدل كتاب الترشيح اهم ديوان الخدمه المدنيه
وانا باذن الله راح اتاكد لكي اكثر
لان الموضوع هذا صار اكثر من مره مع ناس اعرفهم .

سؤال
كم صارلك وانتي ناطره الوظيفه ( تقديمك في ديوان الخدمه )
كم الفتره
بالتوفيق ان شاء الله​

 

[NBK]

على فكره
الوزارة يعطونك كادر المحاسبين
يعني باذن الله يكون الراتب حلو
صلي صلاة استخاره وشوفي اللي الله كاتبه
بالتوفيق​

 

[faresss]

انا تخصصي .. محاسبة.. من كلية العلوم الادارية..

والمكان عادي مقدور عليه..
والله امي تقول نفس كلامك .. يمكن خيرة :s

ان شاء الله خير

ومشكور على المرور:

شعليك راتب صافي 450 د.ك
غير والله أعلم دبلوم محاسبة يمكن 50 زيادة
توكلي على الله أختي في أحد حاصله وظيفة بالوقت هذا .
واذا بتنطرين وتشوفين واسطة ولك خلق تلاحقين وتلفين مع النواب الله يعينك يمكن سنة سنتين ويمكن ما توظفين !!!

 

[قلم حر]

اذا رفضتي وزارة المواصلات وتبين وزارة الماليه هذا يسمى ( ربط )
بالديوان يعني ماراح تتوظفين الا اذا الماليه طلبت تخصصك والدور بالتعيين
دورك .
واتحدى اي وكيل او وزير يطلب تعيين شخص بالاسم ولكن اذا كان
دورك مثلا رقم 3 والوكيل او الوزير يبي يجيبك الوزاره يقوم بطلب 3 اشخاص
نفس تخصصك وهنيه تروحين الوزاره اللي طلبتك وغير هالكلام مافيه
وهذا مو كلامي كلام الديوان .

والقرار قرارك وبالتوفيق ان شاء الله

 

[bo fawaz]

الخيره فيما اختاره الله
استخيرى

 

[boalons]

روحي القطاع الخاص وشتغلي بتخصصج احسن

 

[خلك شقردي]

بالتوفيق اختنا وين ما رحتِ

تصحيح لما كتب

يقول الله عز وجل " وان كرهتم شيئا فهو خير لكم"

{كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ} (216) سورة البقرة

{يَا أَيُّهَا الَّذِينَ آمَنُواْ لاَ يَحِلُّ لَكُمْ أَن تَرِثُواْ النِّسَاء كَرْهًا وَلاَ تَعْضُلُوهُنَّ لِتَذْهَبُواْ بِبَعْضِ مَا آتَيْتُمُوهُنَّ إِلاَّ أَن يَأْتِينَ بِفَاحِشَةٍ مُّبَيِّنَةٍ وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا} (19) سورة النساء

 

[math_prof]

انا تخصصي .. محاسبة.. من كلية العلوم الادارية..

والمكان عادي مقدور عليه..
والله امي تقول نفس كلامك .. يمكن خيرة :s

ان شاء الله خير

ومشكور على المرور

مبروووووووووك الوظيفة ابغى العشاء (واحد فاضي مو فاهم المشكلة )



اختي ادارية استخيري وانا اخوووووووووووك

بالتوفيق اختنا وين ما رحتِ

تصحيح لما كتب


{كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ} (216) سورة البقرة

{يَا أَيُّهَا الَّذِينَ آمَنُواْ لاَ يَحِلُّ لَكُمْ أَن تَرِثُواْ النِّسَاء كَرْهًا وَلاَ تَعْضُلُوهُنَّ لِتَذْهَبُواْ بِبَعْضِ مَا آتَيْتُمُوهُنَّ إِلاَّ أَن يَأْتِينَ بِفَاحِشَةٍ مُّبَيِّنَةٍ وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا} (19) سورة النساء

خلك شقردي ربي يحفظك من كل مكروووووووووووووووه

 

[al7bebe]

اختي اداريه وزارة المواصلات الان افضل شيء

وقسم المحاسبة لاتتأخر درجة الترقية عنده ، والمراجعة عليها من قبل المواطنيين قليلة جدا ، والقيادات والمسؤوليين هناك ممتازين.
واهم شيء الاستقرار النفسي بالوظيفة.
-
وهذا حسب كلام احد الاصدقاء العاملين هناك.
توكلي على الله

 

[ياقوت]

انا صار معاي نفس الشي
لما قريت اسمي بالجريده ضاق خلقي شوي قلت ليش جذي واول شي ما بغيت اداوم بس بعدين قلت بما انه اسمي نزل يمكن خيره
وداومت
والحمدلله الحين مرتاحه وايد واشكر ربي انه نزل اسمي بهالوزاره


الله يوفقج حبيبتي

​

 

[أوتاد]

السلام عليكم..

هلا اداريه بالمبارك ,,, ولايضيق خلقج ,,,
الخيره فيما اختاره الله ,,,

والله يوفقج ..

 

[سهمكووو]

الله يوفقك اختي الكريمه

اولا هذه وظيفه في اي مكان واي زمان كله عمل وراتب والامور طبيعيه

صحيح الواحد فينا يرغب ان يكون مكانه مميز ويكون وضعه طيب

لكن انا انصحك هذه خطوتك الاولى لعالم العمل الوظيفي لا بأس اعملي بوظيفتك وحاولى اكتساب خبرة عملية في بداية حياتك الوظيفيه

واجعلي طموحك للاحسن وبعد انتهاء السنه الاولى خدمه هنا انصحك بالتفكير

بالبحث عن ماترغبين وخصوصا النقل من وزارة لوزارة يكون اسهل من تعيين جديد

وعلى فكرة فيه ماده في قانون الخدمه النقل من وزارة لوزارة وانتي حاصله على علاوتين عند النقل تحصلين على الدرجه التالية

والله يوفقك ويكتبلك اللي فيه الخير

 

[خلك شقردي]

وزااااااارة المواااااااااااصلاااااااااااااااااااااااااااات :'( :'(

يووووه شنو لما شفت اسمي حدييي انصدمت .. اصلا انا مو مسجلتها بالاختيارات بالمرررررررررة..
....​

والله شغلة تحير
لكن مثل ما قالوا الاخوان والاخوات
الخيرة فيما اختاره الله
بس لازم يكون عندكم بالقسم كمبيوتر وانترنت... علشان المنتدى

 

[سوينق]

اختاري احد الحلول التالية :
1- تروحين الديوان وتقولين لهم شنو في اماكن ثانية (اكيد ماكو المالية )
2-تسوين كتاب ربط وانتي وحظج يا باجر تتوظفين يا بعد 600000 سنة
3-تداومين بالمكان على امل الانتقال الى وزارة اخرى
4-ولا شي


شكرا

 

[boali]

يقول الله عز وجل " وان كرهتم شيئا فهو خير لكم"
1- ما هي شهادتك والتخصص ؟
2- اين السكن في محافظة العاصمة أو الفروانية ؟
3- والله يا أختي العزيزة انا نفسك أول شئ ضاق خلقي جداً من هذه الوزارة لما تم تعيين زوجتي بها ولكن بعد العمل بها من قبلها ارتحت كثيراً بصراحة لأنها وزارة نظيفة جداً والحضور والانصراف بكرت وأغلب المسئولين محترمين وأكثرها (إناث) محترمات.
4- وأحب اضيف لك ان لكي في الشهر (6) مرات تأخير أو انصراف ولك في السنة (4) عرضي غير الجازات والراتب الذي ينطبق على شهادتك.
وحاضرين وبالخدمة عن اي شئ.

آحم آحم

واذا تبين اي شي بالتعينات قولي لي

وقبل لا يتم أختيار المكان من قبلهم

وأنا اعرف رئيسة قسمهم وان شاءالله ما راح تقصر معاج

 

[المرشد1]

اختي روحي بنفسك للديوان الطابق التاسع علي ما اظن
واساليهم انا مابي المواصلات فيها شي لو غيرت
وانا متاكد بيقولون لك هاتي لك ترشيح من الوزارة الي تبينها
عقب اكتبي كتاب وعطيه اخوك يوقعه من عضو منطقتكم
واذا ما فاد خلي اخوك يعطيني كتابك وابشري اختي فالك طيب

مع التمنيات لك بكل التوفيق والتيسير وعليك بالصلاه والدعاء
وربك يسهل وييسر كل امر