موضوع لنهاية الأسبوع فقط

الموضوع في 'إستراحة المنتدى' بواسطة Master-Leo, بتاريخ ‏13 ديسمبر 2006.

  1. Master-Leo

    Master-Leo عضو مميز

    التسجيل:
    ‏27 نوفمبر 2006
    المشاركات:
    10,156
    عدد الإعجابات:
    0
    مكان الإقامة:
    الكويت
    السلام عليكم أخواني جميعا ،،،

    موضوع الاسبوع اذا تسمحون لي ابتدي فيه وقد يكون مكرر لكن بما إن

    مافيه سوق لمده يومين وبعد اذن الأخوان المشرفين افتح هالموضوع

    ولو ان فيه نوع من الخيال لكن مجرد سماع آراء الناس فيه متعه :)

    الموضوع هو لو كنت صاحب القرار في الكويت وكانت عندنا هالفوائض المالية

    خل نقول من 3 الى 4 مليار دينار فشنو أهم 3 قرارات تصدرها لاستغلال هذه

    الفوائض الماليه في الدوله ؟


    ابتدي بروحي واعتقد اهم قراراتي راح تكون :

    1- تخصيص مبلغ محترم لحل مشكلة الإسكان سريعا

    2- انشاء مستشفيات ومدارس جديده

    3- تخصيص جزء من الفائض لتوزيعه على الشعب :) نقول منحه 500 دينار
     
  2. Bint-Kaifan

    Bint-Kaifan عضو جديد

    التسجيل:
    ‏13 أغسطس 2006
    المشاركات:
    95
    عدد الإعجابات:
    0
    مكان الإقامة:
    الكويت

    شكرا اخوي على هالمعلومة ...

    بس اذا تسمحلي ويسمحونلي الاخوان والاخوات ... ان اللي تفضلت فيه موهذي مشكلة الكويت . المشكلة اكبر من جذي
    خلينا نبدأ من فوق اقصد من المستويات العليا ..
    1- عندك حكومتنا اللي خير حاليا في نهاية عهدها يعني مافي صف ثاني بعد شيخنا الله يطول في عمره .
    2- عندك النواب اللي مع الاسف همهم الكبير تجنيس البدون يعني اجدادنا اللي بنو الكويت راح يواسونهم باللي دخل الكويت حديثا .
    3- الحياة الوظيفية في الوزارات كلها فساد ورشاوي
    4- لو تطرقنا الى الاقتصاد واللي يعافيك صفر مافي الا البورصة وماسكينها 3 بس .
    5- الضرايب اللي على المواطنين بصورة غيرة مباشرة .
    6- التبرعات الخيرية اللي سرقها المصري بالتعاون مع كويتية غميضة وين وصلت ؟؟
    7- التبرعات للدول الخارجية وبالاخص الدول الضد ومع هذا اسقاط ديونهم .

    وغيرها وغيرها بس كل هذا شنو يسمونه ؟؟؟؟؟

    انا من رأي ان تنظم الكويت الى الولاية رقم 52 للولايات المتحدة الامريكية .


    اسفة على الكلام الزايد والطوالة
    اختكم بنت كيفان
     
  3. Master-Leo

    Master-Leo عضو مميز

    التسجيل:
    ‏27 نوفمبر 2006
    المشاركات:
    10,156
    عدد الإعجابات:
    0
    مكان الإقامة:
    الكويت
    يعطيج العافيه اختي بنت كيفان على كلامج الجميل و باين انج مشحونه

    واسمحيلي بهالمداخله على بعض النقط الوارده في مشاركتج .

    الولايه 52 انا هذي وياج فيها صراحه لأن قمنا مانشك خيط بإبره الا بإذن

    منهم وبهذي مانقدر نسوي شي القوي اهو اللي يحكم بهالدنيا .


    والنواب اعتقد همهم مصالحهم بالدرجه الأولى ومصالح أهلهم وتالي مصلحة

    الشعب بالآخر هذا اذا كانت من ضمن الاهتمامات أساسا .


    والتبرعات اللي سرقها المصري أو غيره هذا والله من ردى اللي عندنا لأنهم

    فضلوا الغريب على ولد الديره لكن أنا بقولج هم مرات ما ألومهم لما يعينون

    مثل هالأشكال لأن الكويتي لما ادشين عليه يا ماسك جريده يا ماسك

    قلاص الشاي ولما يقولون له وين انتاجيتك يقول مالي خلق اشتغل

    لكن هذا الغريب سواء مصري أو غيره يكرف ليل ونهار يعرف شلون يطلع

    الفلس من كثر (الشغل + النفاق) وآخرتها بدون حسيب ورقيب يبوق من

    فلوس هالديره اللي كبرت شوكته لا وآخرتها يروح ديرته ويلعن ويسب بالكويت وأهلها حسبي الله ونعم الوكيل .
     
  4. Bint-Kaifan

    Bint-Kaifan عضو جديد

    التسجيل:
    ‏13 أغسطس 2006
    المشاركات:
    95
    عدد الإعجابات:
    0
    مكان الإقامة:
    الكويت
    شكرا لك اخوي
    المهم انك عارف شنو اقصد بكلامي والصراحة تنقال ترى الكويت على شفى حفرة ... والله حافظها وطبعا من نية اهلها وطيبتهم

    وعسى الله يحفظ الكويت وشعبها
    وشكرا اخوي
     
  5. Master-Leo

    Master-Leo عضو مميز

    التسجيل:
    ‏27 نوفمبر 2006
    المشاركات:
    10,156
    عدد الإعجابات:
    0
    مكان الإقامة:
    الكويت
    الله يحفظها ويحفظنا اجمعين وحتى مع سلبياتها الكثيره الحمدلله نظل

    عايشين احسن من غيرنا بالدول الثانيه والله لايغير علينا النعمه ولكن

    دايما الواحد وده بديرته تكون ماشيه بالطريق الصحيح وليس الفساد
     
  6. S500

    S500 عضو مميز

    التسجيل:
    ‏30 مايو 2003
    المشاركات:
    2,037
    عدد الإعجابات:
    0
    مكان الإقامة:
    الكويت

    100%
     
  7. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    انا رأيي غير شويه
    انا اقول ليش اذا صار عندنا فائض نفكر اشلون نخلصه
    خلونا نفكر اشلون نحافظ عليه قبل لايجي يوم ندور الدينار
     
  8. raay

    raay عضو نشط

    التسجيل:
    ‏11 نوفمبر 2006
    المشاركات:
    1,261
    عدد الإعجابات:
    340
    ارجع الى الموضوع واقول
    1 - انشاء مدينه كامله (مستعمرة) يكون فيها النادي التجاري والجمعية والسوق المصغر ومدرسة تجارية على مستوى ومستشفى تجاري على مستوى والادارة تكون 100% للكويتيين يشتركون بالعماله حتى الطلبة

    2 - انشاء مدينه سياحية على مستوى يورودزني للترفيه للكبار والصغار وايضا العماله للكويتيين من طلبه وغيرهم.

    3 - انشاء مركز لتقييم افضل المشاريع الناجحه وعلى جميع الاصعده وبجائزه 100000 دينار للفائزين الاوائل.

    وخلص الفائض بس راح يكون عندنا توازن بالميزانية ونمو ثابت يغطي السنوات القادمه لين يدشون علي المنافسين وهني تكون ديرتنا الحبيبة من البلدان المتقدمه.

    خيال :rolleyes:
     
  9. ابوعايض

    ابوعايض عضو نشط

    التسجيل:
    ‏8 يناير 2006
    المشاركات:
    1,735
    عدد الإعجابات:
    2
    مكان الإقامة:
    الكويت
    1- تطوير برامج التعليم في المدارس والجامعات والصرف على برامج التوعيه في الدين والاصلاح ومحاربة الفساد , الذي يبني الوطن هو الفرد فيجب الاهتمام بالفرد وبنائه قبل بناء الوطن
    2- انشاء مشروع كبير جدا تمتاز به الكويت عن الدول الاخرى ويكون
    دخل المشروع للمواطنيين سنويا
    3- الاهتمام بالسياحه والبيئه والرياضه