ادبل فلوسك باقل من سنه .............. الانابيب والسفن.. والمصفاة الرابعه

الموضوع في 'السوق الكويتي للأوراق الماليه' بواسطة المعرس, بتاريخ ‏18 ديسمبر 2006.

  1. المعرس

    المعرس عضو جديد

    التسجيل:
    ‏15 ابريل 2006
    المشاركات:
    350
    عدد الإعجابات:
    0
    السلام عليكم

    اول شي اذا صج تبي تربح ياخي على الاقل تعب نفسك شوي واقرا كلامي كله حرف حرف وانشالله بتقتنع بكلامي.. انا مصدري عضو بمجلس ادارة شركة البترول الوطنيه وعندي ملفات وصور تقدر تقول عنها سريه لانه محد يقدر يدخل عليها الا اذا كان موظف (طبعا مو اي موظف) بشركة البترول

    مشروع مصفاة الزور:
    - اكبر مشروع لشركة البترول تدرسه من زمان وبدت التخطيط له من اول 2004 وانتهى التخطيط منه باول 2006
    - تعتبر مصفاة الزور سادس اكبر مصفاة بالعالم واكبر مصفاة بالشرق الاوسط وطاقتها الانتاجيه 600الف برميل باليوم.. طبعا انتو ماعندكم فكره شنو يعني 600الف برميل باليوم.. طاقه انتاجيه ضخمه.. المهم هالمشروع يعتبر من واحد اضخم المشروعات *العالميه* بالوقت الحالي
    - قيمة العقد 1800مليون دينار كويتي.. وشركات اجنبيه عملاقه مقدمه مناقصاتها حق هالمشروع
    - اذا حاب تشوف جدية وضخامة المشروع تقدر تدش قووقل وتكتب بالانجليزي "المصفاة الجديدة الكويت" وبتلقى 556الف موقع اجنبي يتكلم عن هالمشروع
    http://www.google.com/search?hl=en&q=kuwait new refinery
    - جانك زين بالانقليزي دش واقرا بجم موقع عن هالمشروع ذيج الساعه بتقدر ضخامة هالمشروع


    علاقة الانابيب بالعقد
    - مشروع مصفاة الزور مشروع كبير فيه مكاين وخزانات ومضخات وبايبات والخ.. خنفرض انه قيمة الخزانات بروحها 500مليون والمضخات 500مليون والبايبات 200مليون وخرابيط ثانيه
    - طبعا الشركه الاجنبيه راح تاخذ المشروع بالكامل.. بس!! اذا في شركه كويتيه عندها القدره انها تصنع مضخات او بايبات بنفس المواصفات المطلوبه.. القانون الكويتي يلزم الشركه الاجنبيه بانها تتنازل عن تصنيع المضخات او البايبات حق هالشركه الكويتيه (بشرط انه ربح الشركه الكويتيه ما يزيد عن 10% عن ربح الشركه الاجنبيه)
    - الكل عارف انه مافي الا شركه وحده تصنع انابيب نفطيه بالكويت واهي شركة الانابيب.. يعني باختصار الشركه الاجنبيه لما تفوز بالمناقصه غصبن عليها راح تعطي شركة الانابيب مناقصة البايبات..

    العقد مع الانابيب:
    - طبعا شركة الانابيب ماتقدر تصنع كل البايبات لانه شركة الانابيب امكانياتها محدوده وماتقدر تصنع بعض البايبات المطلوب تصنيعها بمشروع مصفاة الزور.. بس معظم البايبات تقدر تصنعها..
    - انا بنفسي قاعد مع المصدر وقاعد يوريني ارقام البايبات (القطر والسماكه للبايبات) اللي تقدر تصنعها شركة الانابيب.. يقولي هذا البايب طوله كيت وكيت كيلومتر شركة الانابيب تقدر تصنعه وهذا لا وهذاك تقدر والخ
    - يا جماعه احنا مو قاعدين نتكلم عن بايب طوله متر ولا مترين.. قاعدين نتكلم عن بايبات طولها بمئات الكيلومترات
    - شركة الانابيب كل اللي راح تسويه انها تشتري ماده خام بالاطنان وتدز ببطن مكاينها وتطلع البايبات وهلم جرى ليل نهار تطلع بايبات بالكيلومترات وكل متر فيه ربح.. يعني mass production بالعربي تصنيع بالجمله.. وربح قوي

    العقد مع السفن:
    - نفس الكلام مع السفن بس السفن على كلام المصدر انه عقدها ما راح يكون mass production بس هم راح تاخذ عقد مو هين .. وانا مافهمت منه بالضبط شنو راح تسوي بس باختصار راح تسوي شي مثل صبه سميت على شكل كره او عمود بنص البحر وهم جنه تسوي مضخات او شغله جذيه صراحه مافهمت منه عدل لانه قاعد يتكلم بمصطلحات غريبه شوي

    نصيب الانابيب والسفن:
    - حسب كلام المصدر انه نصيب الانابيب والسفن راح يكون ضخم وايد
    - الانابيب حوالي 200مليون دينار (رقم تقديري عالطاير) والسفن ما يدري جم بس هم على كلامه نصيبها كبير وايد

    المشكله السياسيه:
    - بصراحه متى بالضبط ما ادري.. بس 100% راح ترسي عليهم مناقصات
    - حسب الجدول الزمني لاحظو (contract award) اللي حاطه بالصوره انه المفروض تم الاعلان عن الشركه الاجنبيه اللي فازت بمناقصة المشروع
    - اللي صاير انه المصفاة مثل ماقلنا بالزور وفي مصنع هناك قريب من المصفاة وصارت مشكله سياسيه بين الكويت والسعوديه بسبب هالمصنع لانه مشتكي يقول شلون تنبني هالمصفاة يمي والمشكله الحين طلعت من ايد شركة البترول ومصدري مايدري متى تنتهي بس يقول المفروض انها ما تطول لانه مشروع ضخم وما يتحمل التأخير
    - ما عليكم من الجرايد والكلام الفاضي المشروع لي الحين متعطل بسبب مشكله سياسيه مو عشان شي ثاني
    - فوز الانابيب والسفن بالمناقصات ما راح يصير الا بعد ما يتم الاعلان عن الشركه الاجنبيه الفايزه وبعدها بفتره راح يعلنون الانابيب والسفن وراح تطمر اسعارها فوق فوووووووووووووووق والله وعقود ضخمه راح تفوز فيها

    توصيتي بالشراء:
    - الله شاهد علي اني بتاريخ 18/12/2006 وصيت على الانابيب كسهم استثماري بسعر 370فلس والسفن بسعر 375.. وانشالله نلتقي بعد ما تندبل اسعارهم
    - اشتر الانابيب والسفن وخل هدفك استثــــــــــــــــــــمااااااااااااارييييييييييييي.. يعني مو تيي بعد اسبوع ولا اسبوعين وتقول ها ليش ما صعدت ليش ما اعلنو عن العقد انت تطبل وانت كيت وكيت مالي خلق حجي.. انا ما اضمن لك متى بالضبط لانه في مشكله سياسيه ومتكتمين عليها
    - ادري انه الوقت مشكله بس الربح من ورا هالاستثمار يغري وايد

    كثر من الانابيب:

    - سعرها حاليا 370 ويعتبر هالسعر عند ادنى مستوياته بالخمس سنين اللي طافو وهم بمجال مقاومه قوي على مدى 5سنوات
    - انا ادري انه الشركه معلنه عن خساير هالسنه وعشان جذيه طايح سعرها بس سعرها الحالي صدقوني مو عادل كلش وسعرها الطبيعي مو اقل 600-800فلس
    - عقدها راح يكون بالmass production

    هذي بعض الصور اللي عندي عن المشروع.. واتحدى واحد اييب هالصور من هني والطريج لانها سريه ومو معروضه حق عامة الناس
     

    الملفات المرفقة:

    • banner2.jpg
      banner2.jpg
      حجم الملف:
      134.2 KB
      المشاهدات:
      1,093
    • refinery.jpg
      refinery.jpg
      حجم الملف:
      233.7 KB
      المشاهدات:
      1,108
    • refinery3.jpg
      refinery3.jpg
      حجم الملف:
      84.5 KB
      المشاهدات:
      973
  2. DR_ARMY

    DR_ARMY عضو جديد

    التسجيل:
    ‏3 يونيو 2006
    المشاركات:
    682
    عدد الإعجابات:
    0
    مكان الإقامة:
    في قلب برشلونه
    السلام عليكم ...
    الله يعطيك العافيه علي المجهود الكبير وبصراحه انا فعلا ادور سهم استثماري بحت ما احب المضارربه لاني تلجمت منها حيل ومافي احد بالسوق ما ذاق طعم الخساره
    المهم توصيتك وصلت وان شاء الله راح اكون من المتابعين للسهم وواسال الله سبحانه وتعالي ان يجعلها في ميزان اعمالك يالحبيب
     
  3. عكس التيار

    عكس التيار عضو جديد

    التسجيل:
    ‏30 نوفمبر 2005
    المشاركات:
    536
    عدد الإعجابات:
    0
    سؤال :

    هل استلمت شركة البترول الآرض من تكساكو السعودية

    اللي اعرفه إن الموضوع عند الجهات العليا

    بسبب رفض تسليم الآرض..........يعني خفف السرعة لا تتوهق
     
  4. المعرس

    المعرس عضو جديد

    التسجيل:
    ‏15 ابريل 2006
    المشاركات:
    350
    عدد الإعجابات:
    0
    الجدول الزمني للمشروع.. وصور ثانيه
     

    الملفات المرفقة:

    • untitled.JPG
      untitled.JPG
      حجم الملف:
      130.5 KB
      المشاهدات:
      1,018
    • refinery4.jpg
      refinery4.jpg
      حجم الملف:
      148.3 KB
      المشاهدات:
      968
    • refinery2.jpg
      refinery2.jpg
      حجم الملف:
      20.5 KB
      المشاهدات:
      866
  5. bo-s3od

    bo-s3od عضو جديد

    التسجيل:
    ‏13 أكتوبر 2006
    المشاركات:
    456
    عدد الإعجابات:
    0
    مكان الإقامة:
    في اراضي الله الواسعه
    السعوديه رافضه تسليم الارض
    وذلك لقرب المينا من سكن المدراء في شركة تكساكو
    والشي الثاني عقد السعوديه مع الكويت في الارض المشتركه في تكساكو سينتهي في 2009
    علما باني احد المتضررين من هذا المشروع لانهم سحبو مني ورشه الخاصه بي هناك
     
  6. المعرس

    المعرس عضو جديد

    التسجيل:
    ‏15 ابريل 2006
    المشاركات:
    350
    عدد الإعجابات:
    0
    المشروع راح يتنفذ 100% تدري ليش؟ لانه الكويت ما تتحمل ينلغي هالمشروع الضخم وللعلم ترى اقتصاد الكويت بالمستقبل معتمد عليه لانها بتصك مصفاة الشعيبه بعد ما يخلص هالمشروع لانها قديمه وهم راح تحتاج طاقه انتاجيه اكبر من جذيه السنين اليايه
    والمشكله مثل ما قلت انا سياسيه وبتنحل 100% انشالله حسب كلام المصدر بس متى الله العالم.. الشيوخ شغالين عليها والكل متكتم
     
  7. c200

    c200 موقوف

    التسجيل:
    ‏9 فبراير 2006
    المشاركات:
    1,187
    عدد الإعجابات:
    0
    المعرس الله يجزاك خير ويجعلك معرس كل يووووووم
    ابي استثمر مدة سنه يعني بالاجل بلعربي وش تنصحني سفن لووو الانابيب بيب بيب ولك مني جزيل الشكر والاحتراااااام
     
  8. عكس التيار

    عكس التيار عضو جديد

    التسجيل:
    ‏30 نوفمبر 2005
    المشاركات:
    536
    عدد الإعجابات:
    0
    وبتنحل 100% انشالله حسب كلام المصدر بس متى الله العالم.. الشيوخ شغالين عليها والكل متكتم

    أخي المعرس :

    بما أن الجماعة شغالين عليها... ولم تحل إلى الآن

    إذا لا نستعجل بالتوصية... و إلا شرايك !
     
  9. المعرس

    المعرس عضو جديد

    التسجيل:
    ‏15 ابريل 2006
    المشاركات:
    350
    عدد الإعجابات:
    0
    c200 الانابيب افضل من السفن بس التنويع الاستثماري احسن يعني لو تشتري شوي من السفن وشوي من الانابيب احسن لك


    عكس التيار ماشالله عليك اسم على مسمى ..

    خنفهمك الموضوع.. المشكله شغالين عليها ولم تحل بس راح تنحل غصب يبي لها وقت بس.. مايخالف افهمك ليش غصب بتنحل لانه انتاج النفط بالكويت بعد جم سنه يحتاج مصفاة رابعه وهذا مو مشروع مجمع تجاري ولا فندق عشان يلغونه..
    هذا مشروع اقتصاد الكويت كله يعتمد عليه وماظن السعوديه بتهدم علاقاتها مع الكويت وبتهدم اقتصادها علشان مصنع صغير.. يمكن السعوديه قاعده تماطل شوف شنو تبي بالمقابل لا اكثر ولا اقل

    المهم توصيتي استثماريه يعني عمر التوصيه الاستثماريه ما تكون على عجله انا ماقلت اشتر اليوم ولا باجر.. اشتر متى ماشفت الظروف تناسبك.. بس المشروع بيصير الف بالاميه والسعر الحين يغري.. وجانك تعرف شي بالتحليل الفني شوف التحليل الفني وشوف سعر الانابيب وين واصل وبتعرف ليش قلت يغري

    ولعلمك ترى هالمعلومات هذي كلها عندي صارلها اكثر من شهرين وروح وشوف موضوع الانابيب والسفن قبل شهر او شهرين كنت كاتب فيه شويه من هالكلام .. بس ماتعجلت وكتبت الموضوع لعدة اسباب: الوضع ماكان مطمئن بالبورصه وحبيت اتأكد اكثر من المصدر..
     

    الملفات المرفقة:

  10. abo faleh

    abo faleh عضو جديد

    التسجيل:
    ‏23 يونيو 2005
    المشاركات:
    183
    عدد الإعجابات:
    0
    اخوي المعرس ... جزاك الله كل خير وعساها في ميزان حسناتك على فعل كل خير


    والله يوفق الجميع كل خير
     
  11. NewYork Broker

    NewYork Broker عضو نشط

    التسجيل:
    ‏9 أكتوبر 2006
    المشاركات:
    494
    عدد الإعجابات:
    0
    الضاهر ان الخرافي ما دش على السفن عبط؟؟؟ اكيد ان الشركة راح تكون لها كلمة في المشاريع النفطية الياية، و اهو صبره طويل على الشركة.
     
  12. xnet226

    xnet226 عضو نشط

    التسجيل:
    ‏6 يناير 2006
    المشاركات:
    526
    عدد الإعجابات:
    0
    الخرافى عنده اكثر من شركه و تشتغل مع الشركات بالنفط و حسب اعتقادى استحوذ على السفن بسبب ان فى شركه تابعه للسفن للاعمال البحريه و متخصصه بحفر البحر و الاعمال الانشائيه بالبحر. اتوقع السفن راح يكون عليها حركه عنيفه لو المشروع يتم تنفيذه و تنحل المشاكل اللى عليه
     
  13. DR_ARMY

    DR_ARMY عضو جديد

    التسجيل:
    ‏3 يونيو 2006
    المشاركات:
    682
    عدد الإعجابات:
    0
    مكان الإقامة:
    في قلب برشلونه
    «البترول الوطنية»: تسلم عروض المصفاة الجديدة خلال اسبوع وإعلان الفائز خلال شهرين
    توقعت شركة البترول الوطنية ان تحيل اليها لجنة المناقصات المركزية خلال اسبوع عروض مناقصة المصفاة الجديدة والتي تعتزم الشركة بناءها.
    وقال مدير مشروع المصفاة الجديدة احمد الجيماز لـ(كونا) ان الشركة ستقوم بدراسة الجوانب الفنية والتجارية للعروض التي انتهت لجنة المناقصات امس من تسلمها.
    واضاف الجيماز ان الشركة ستتأكد من مدى مطابقة هذه العروض للمواصفات التي وضعتها، مشددا على ضرورة ان تكون اسعار العروض متوافقة مع القيمة التقديرية للمشروع.
    واوضح ان الشركة ستصدر في النهاية توصياتها بشأن العروض ثم تعرضها على لجنة المناقصات الداخلية بالشركة ثم لجنة المناقصات العليا بمؤسسة البترول الكويتية واخيرا على لجنة المناقصات المركزية التي تقوم باعلان الشركات الفائزة بالعقود.
    وتوقع الجيماز ان يتم اعلان اسماء الفائزين في غضون شهرين، مشيرا الى ان ذلك يعتمد على مدى مطابقة العروض لاشتراطات الشركة فكلما كانت العروض مطابقة بشكل اكبر كان الوقت اللازم لتقييمها اقل.
    وقال انه « قد تكون هناك بعض الاستفسارات الفنية التي نطلبها من الشركات المتقدمة وذلك عن طريق المراسلات وهذا شيء طبيعي وروتيني»، مشددا على ان ذلك لا يشمل الاسعار وانما المواصفات الفنية فقط.
    وأشار الى ان الشركات المقدمة للعروض تنتمي الى جنسيات متعددة منها الاماراتية والاميركية والفرنسية والكورية واليابانية مبينا ان من حق أي شركة التقدم باكثر من عرض للعقود الاربعة لكن ليس من حقها الفوز باكثر من عقد واحد.
    وبين ان شركة البترول ستقوم بتعويض الشركات التي ستأتي في المرتبتين الثانية والثالثة اذا كانت عروضها مطابقة للمواصفات.
    وتأتي هذه الخطوة بعد ان تم تأجيل تسلم العروض لأكثر من مرة في السابق بناء على طلب الشركات المؤهلة نظرا لضخامة المشروع الذي استغرقت دراسته وقتا طويلا.
    وتهدف المصفاة الجديدة لانتاج وقود صديق للبيئة لتغذية محطات الكهرباء والماء الموجودة بالبلاد وبعض المنتجات الاخرى التي سيتم تصديرها وتصل تكلفتها الى 1.85 مليار دينار كويتي. ويتوقع ان تباشر المصفاة الجديدة عملها في عام 2010 وتصل طاقتها التكريرية الى 615 الف برميل يوميا.

    --------------------------------------------------------------------------------
     
  14. المعرس

    المعرس عضو جديد

    التسجيل:
    ‏15 ابريل 2006
    المشاركات:
    350
    عدد الإعجابات:
    0
    مو يايه عالتصريحات الصحفيه معظم مؤتمراتهم الصحفيه عن وقت ارساء المناقصات كلام فاضي بالوقت الحالي

    وعلى طاري التصريحات الصحفيه انا عندي ملف فيه كل التصريحات الصحفيه حق كل الجرايد المتعلقه بالمشروع من 2004 لي اليوم وهذيله نبذه ملفات مرفقه

    شوف المقاله بجريدة القبس سنة 2005

    "اطلاق المناقصات مع 10 الى 20% للمقاولين المحليين:
    ..... سيتم الاستعانه باكبر قدر ممكن من المقاولين المحليين، وذلك اتباعات لتوصية المجلس الاعلى للبترول ووزير الطاقة، وستقوم الشركة بالزام المقاولين العالميين باسناد ما يتراوح بين 10 و 20% من اعمال المشروع الى المقاولين المحليين....."

    معظم هال10 الى 20% راح تكون من نصيب الانابيب والسفن.. في شركات ثانيه صغيرونه راح تستفيد بس نصيب الاسد راح يكون للانابيب والسفن

    ونفس الكلام بس باسلوب ثاني موجود بالوطن
     

    الملفات المرفقة:

  15. المراقب المالي

    المراقب المالي عضو جديد

    التسجيل:
    ‏16 أكتوبر 2005
    المشاركات:
    54
    عدد الإعجابات:
    0
    وعلى فرض تمت ترسية المشروع على الشركتين....
    مع العلم أن الترسية ستكون بالباطن ...لأن إنشاء مصفاة جديدة يحتاج لشركات عالمية ضخمة ذات امكانيات عالية المستوى ...وهي ستقوم بدورها بترسية جزء من المناقصة على السفن وتوريد وإنشاء الأنابيب من شركة الأنابيب...
    على فرض ذلك....
    إستفادة الشركتين مادياً ستكون على المدى الطويل...(ليس أقل من سنتين) ...
    البورصة تتفاعل إيجابياً مع الأرقام وليس مع الخطط والمشاريع التي قد تأتي وقد لاتأتي....
    أقترح الإنتظار ريثما يتم طرح المناقصة رسمياً ...وبعدها يمكننا تخمين الأرباح من خلال دراسة جدوى متأنية..ولكل حادث حديث
     
  16. المعرس

    المعرس عضو جديد

    التسجيل:
    ‏15 ابريل 2006
    المشاركات:
    350
    عدد الإعجابات:
    0
    انا اقولك مثلا بعد 6 اشهر حطو اعلان بالجرايد انه الانابيب فازت بعقد قيمته 200مليون وحطو الاعلان رسمي بموقع البورصه.. تخيل ردة فعل المتداولين بالبورصه.. 100% بيرتفع السهم حد اعلى لمدة جم يوم وبيتم مرتفع

    ومايخالف اصلح لك البورصه تتفاعل مع الاخبار المؤكده قبل الارقام وخصوصًا بورصتنا

    خبر فوزها بالمناقصه راح يكون السبب الرئيسي واقوى سبب لارتفاع السهم اما الارباح فراح يعلنون عنها والسهم اولريدي صاعد (لانه طبيعي المتداول يتوقع ارباح قويه من شركه فازت بمناقصه قيمتها 200مليون)

    انت اقترحت الانتظار لما يعلنون رسمي عن المناقصه
    انا اقولك لما يعلنون رسمي عن المناقصه ما راح تلقى بياعين اصلا وهم قبل الاعلان بجم بيوم راح يكون السهم مرتفع لانه الهوامير عارفين قبل لا يعلنون عنه

    انطر لما يعلنون رسمي عن المناقصه بتلقى السهم طاق بالعلالي وما راح تلقى بياعين

    والاستثمار بمفهومه الاساسي واللي يفرق بينه وبين المضاربه انه المستثمر مايقول لا انا انطر واشتري بعدين احسن.. الوقت مو عامل مهم عند المستثمر.. المستثمر يقول اشتري الحين وما اتحسف حتى لو نزل السهم هالشهر ولا هالشهرين لانه متأكد انه بيرتفع ارتفاع طيب خلال فتره طويله

    هذا رايي يمكن في ناس تخالفني فيه بس ارد واقول مره ثانيه كل واحد يشتري متى ما شاف الظروف جيده للشراء
     
  17. عكس التيار

    عكس التيار عضو جديد

    التسجيل:
    ‏30 نوفمبر 2005
    المشاركات:
    536
    عدد الإعجابات:
    0
    المعرس

    عساك تدبل فلوسك بالحلال و تعرس

    بس نصيحتي لك :فى التأني السلامة
     
  18. المعرس

    المعرس عضو جديد

    التسجيل:
    ‏15 ابريل 2006
    المشاركات:
    350
    عدد الإعجابات:
    0
    رايتك بيضه عكس التيار:)
    وانشالله اسوأ سيناريو راح يكون انه تتجمد فلوسي ويتم السهم على نفس السعر يعني هالاستثمار مافيه خساره لانه اولريدي الاسهم طايحه بالقاع;)
     
  19. ksr911

    ksr911 عضو نشط

    التسجيل:
    ‏20 أكتوبر 2006
    المشاركات:
    1,028
    عدد الإعجابات:
    39
    أخوي المعرس هذا موضوع من مواضيعي سجلته بتاريخ 16/08/2006بمنتدى النوادي شوف الرابط :

    http://www.alnwady.com/stock/showpost.php?p=348879&postcount=1

    وإذا كنت أنت أو أحد من الأعضاء يريد تفاصيل أكثر سواء تصحيح لمعلومات مصدرك أو إضافة على ما أوردته في موضوعك فأنا على إستعداد. مع العلم بأن صور وتفاصيل كثيرة موجودة بموقع KNPC-NRP على هذا الرابط :

    http://home.knpc.net/departments/nrp/
     
  20. المعرس

    المعرس عضو جديد

    التسجيل:
    ‏15 ابريل 2006
    المشاركات:
    350
    عدد الإعجابات:
    0
    يعطيك العافيه اخوي كي اس ار وماتقصر موضوعك هذا يأكد المعلومات اللي عندي.. ومثل ماقلت في شركات محليه صغيره ثانيه بتستفيد من هالمشروع بس نصيب الاسد راح يكون للانابيب والسفن

    وبالنسبه للموقع اللي حاطه.. الظاهر انت موظف بالبترول وشابك من لابتوب الدوام ولا من كمبيوتر الدوام.. لانه الموقع اللي كاتبه (واهو نفسه اللي انا يايب منه الصور) موقع شبكة intranet وليس internet .. لاحظ الفرق بين الانترانت والانترنت

    الانترنت شبكه معلومات مفتوحه لعامة الناس
    اما الانترانت فشبكة معلومات خاصه حق شركه معينه
    وهالموقع موقع انترانت مو انترنت وما تقدر تدشه الا لما شركة البترول تركب لك بجهازك برنامج يخليك تدخل فيه وفوق هذا تعطيك اذن بالدخول access or permission .. تأكد بنفسك وحاول تشبك من جهاز ثاني (غير جهاز الدوام);) .. وعشان جذيه انا قلت المعلومات شبه سريه