لعبه جديده للكويتين فقط!!!!!!!!!!!!!!

[تلميذ المؤشر]

عيل اشمعنات كلمة........ شطحه

اظن تقصدين شطفة الي هو عقال الحرير الي فيه زري مثل الي كان يلبسه احمد اليابر رحمة الله عليه ؟؟؟ الله اعلم

الموقلة هو وعاء لقلي البيض او اللحم او الدجاج او الاسماك ضروري في كل بيت واحسن ماركة ((تيفال )) مايلصق فية الاكل.

اخي محمدالي تقصده مقله من غير واو وهذا شي ثاني....لليلحين السؤال قائم

 

[vette]

اظن تقصدين شطفة الي هو عقال الحرير الي فيه زري مثل الي كان يلبسه احمد اليابر رحمة الله عليه ؟؟؟ الله اعلم

جوابك صحيح اقصد شطفة
بدل لاأكتب شطفة كتبت شطحة (خطأ بالطباعة)

اخوك... vette

 

[vette]

يعنى شنو.......... مداقش

 

[bukhaly]

يعنى شنو.......... مداقش

انا كنت مداقش من الطراز الاول ايام الثانويه ولازلت للان

مداقش يعني الي يرقص بالملعب يعني يرقص اللاعب او يعدي منه يعني يطوفه يعني يداقش اللاعب صارت قصه لووووووووووووووووووووووول

 

[bukhaly]

يله شنو يعني ( خـّري مـّري ) بس لاتخورونها بالجواب لوووووووووووووول

 

[Winchester]

يله شنو يعني ( خـّري مـّري ) بس لاتخورونها بالجواب لوووووووووووووول

خري مري: القصد منها المكان الذي لايعرف فيه الداخل من الخارج فيقولون الناس في هذا

المكان خري مري

 

[vette]

انا كنت مداقش من الطراز الاول ايام الثانويه ولازلت للان

مداقش يعني الي يرقص بالملعب يعني يرقص اللاعب او يعدي منه يعني يطوفه يعني يداقش اللاعب صارت قصه لووووووووووووووووووووووول

عدل ....... جواب صحيييييح

 

[vette]

طييييب
شنو........ الملمص..

 

[تلميذ المؤشر]

شنو........ الملمص

هذا الي كان عندهم جلبان في بيوتهم قبل ايعرفون اهميته

لا انقطع منك حبل التب وطاح التب في الجليب ما لك الا الملمص
هو مثل جلاليب (خطاف) (هوك) يربطونها مع بعض ومربوط اب حبل اتشير بالتب وينسحب

اذا كان الجواب صح اخ فيتي
خل انكمل ونسال الاخوة والاخوات عن:
شنو الملكوك

 

[vette]

هذا الي كان عندهم جلبان في بيوتهم قبل ايعرفون اهميته

لا انقطع منك حبل التب وطاح التب في الجليب ما لك الا الملمص
هو مثل جلاليب (خطاف) (هوك) يربطونها مع بعض ومربوط اب حبل اتشير بالتب وينسحب

اذا كان الجواب صح اخ فيتي
خل انكمل ونسال الاخوة والاخوات عن:
شنو الملكوك

جواب صحيح 100%

بالنسبة حق الملكوك بعطى فرصة للاخوة والاخوات لين باكر العصر
بعدين راح اكتب الجواب

 

[محمد2000]

جواب صحيح 100%

بالنسبة حق الملكوك بعطى فرصة للاخوة والاخوات لين باكر العصر
بعدين راح اكتب الجواب

الملكوك (( يوجد بماكينة الخياطة وهو مجمع للخيط ))

 

[تلميذ المؤشر]

الملكوك (( يوجد بماكينة الخياطة وهو مجمع للخيط ))

عدل مدل

 

[vette]

اخي محمدالي تقصده مقله من غير واو وهذا شي ثاني....لليلحين السؤال قائم[/quote]

الموقله.......... عبارة عن صحن كبير مقعر لحمس القهوه العربية على النار

 

[تلميذ المؤشر]

الموقله.......... عبارة عن صحن كبير مقعر لحمس القهوه العربية على النار

مالك لوه (يعني لأ )

روح شوي صوب اليال مو صوب البر

 

[vette]

مالك لوه (يعني لأ )

روح شوي صوب اليال مو صوب البر

عيل يمكن تقصد موقله الشراع وهى (بكرة) لرفع وتنزيل شراع السفينه

 

[محمد2000]

اخي محمدالي تقصده مقله من غير واو وهذا شي ثاني....لليلحين السؤال قائم

الموقله.......... عبارة عن صحن كبير مقعر لحمس القهوه العربية على النار

[/QUOTE]

ماتحمس بة القهوة العربية اسمة (( محماس ))
ومشكور اخي vette

 

[تلميذ المؤشر]

عيل يمكن تقصد موقله الشراع وهى (بكرة) لرفع وتنزيل شراع السفينه

لا اخي

خل انجربها اكثر

لي انبنى البوم ولا البغلة ايام قبل وحبوا يدشششونها البحر وايش الطريقة

 

[vette]

لا اخي

خل انجربها اكثر

لي انبنى البوم ولا البغلة ايام قبل وحبوا يدشششونها البحر وايش الطريقة

والله ياخوى جاوبتك مرتين وطلعت غلط ....

الظاهر ...... شايبنا خرف ماينلام سهمه نازل

ارجو من الاخوة والاخوات اللى اعرف (الموقله) اعلمنا

 

[بو راس يابس]

يا حلاتكم ويا حلاة سوالفكم ،، أخذوا هالكلمات عيل :
1) دحل
2) سفرطاس
3) يتطوطح
4) مهردق
5) مشبن (بشد الباء وكسرها)
6) باورة
7) مجثي (بفتح الجيم ، وشد الثاء وكسرها)
8) كروه
9) مشتحه
10) يثعور

 

[كـــيـــــوت_25]

امبيه حسستوني اني مو كويتيه

95% من الكلمات ما اعرفها

احـنـا بس شاطرين نحفظ باقي اللهجات

اما لهجتنا فهي داثره محد درى عنها ؟!؟!؟


و الله فـــشـــلــــه ​