ياظالم جمالك ( الجماعي ) ارفع سهمك

[ابو محسن]

بصراحه ظلم خاف ربك في السهم قبرته وهو في عز شبابه

مانسينا المنحه .
مانسينا عقد نقل الرمل للبحرين
على بالنا عقود الرئاسه العامه لتعليم البنات
مانسينا بيع ارض العليا
ومو بعيد انك بتبيع ارض الكورنيش ( موقع محطة النقل بجده ) دام فرطت في العليا
------------------------------------

الكلام اللي فوق مايعنيني

اللي يعنيني الدايفرنجس السهم داون ترند والار اس اي اب ترند
ماتصير هذه وتد . ترند هابط - مثلث - انت في القاع وكل ما تأخرت راحت عليك كميات اكثر
----------------------------------------------------------------
ماعلي كمية محسن بتاخذها يعني بتاخذها بس ماهو هنا
على 40 مثل براد ابو اربعه وانت طيب
--------------

 

[مستثمرالى الابد]

أبو محسن

أعرف شايب من الربع (الجماعه )

من يوم بلغته بنصيحتك وتحليلك

قال

سلم لي عليه هذا والله اللي يعرف

مهو انت (يقصدني )

كل يوم وانت في سهم

السهم هذا حطوه بالتجوري

ومهو لا أعطاكم أسهم منحه رحتوا تركضون تبيعونه

لا تبيعه الين يوزع أرباح السكه الحديد الطاق مطبوق

والله السهم مظلوم

وبيد واحد أن شاء الله يخاف الله فينا وفي السهم

و السهم ينتظر أرتفاعات جيده

شكرا لك

تقبل تحياتي​

 

[ابو محسن]

ههههه

شياب يفهمون بعض

سلم لي عليه .

والله يابو نوره السهم شوفة عينك مستوي على الاخر وان شاءالله انه خلص تجميع ولا يبطي أكثر من كذا
ويبقى عليه اشارة الانطلاق للرالي فقط رغم انه ماهو من أهل الراليات .
الا انه بيحقق اهدافه السنويه على الاقل المتعود سنويا على تحقيقها

والسهم له لو سنوي وهاي سنوي في الظروف العاديه يعني لو استثنينا 2005
فقاع السهم الكبير السنوي قبل التجزئه 90 وقمته السنويه قبل 2005
من 157 الى 175 .

طيب هذا في السابق يوم السهم داج وما عنده الا الاعانه الحكوميه
الان شف اش عنده من محفزات ومكرر ربح تاريخي صحيح ماهو تشغيلي
لكن السهم خدماتي هام ورايح يحقق اهدافه
وبتشوف التوصيات عليه وهو في الاربعين اذا الله احيانا ويشوفونه رخيص

انا املك في السهم كميه للاستثمار بمحفظه خاصه بمحسن .
وترى موصيه على السهم مايفكه الا اذا وزع ربح مترو الانفاق بالرياض

دعواتك

 

[عالم الابداع]

فعلاً السهم رخيص جداً كاستثمار وعليه ضغط كبير
يعطيك العافيه يابومحسن للفت النظر له

 

[ابو محسن]

فعلاً السهم رخيص جداً كاستثمار وعليه ضغط كبير
يعطيك العافيه يابومحسن للفت النظر له

الله يعافيك يابو محمد

 

[ابو محسن]

الجديد في السهم ( اليوم يسخن )

بنينا ترند صاعد جديد وخلصنا من الترند الهابط الاول وخلصنا من الثاني
وكل هذا بهدوء وباستغلال عامل الزمن دون التحرك السعري .
باقي المقاومه على 19.75 و 20 بالخط الاحمر وحناخذها برضه بهدوء .
وهي اشارة دخول المضاربين
.

 

[مستثمرالى الابد]

أذا ما تحرك نبغى نفاجأه ان شاء الله

تحياتي​

 

[تركي2000]

لقطة



لقطة


​

 

[ابو محسن]

ابو نوره ماعندك الا حلالك طال عمرك . ويتشرف بك السهم
صاحب الفخامه ابو فوز حمد الله على السلامه .وتشريفك للموضوع احلى من اللقطه .
وان شاءالله ينفذ ويسعد ملاكه .

 

[ابو محسن]

جديد السهم

السهم حقق حوالي 25% من تاريخ لفت النظر له صحيح ببطء ولكن في النهايه يتسق مع المعدل العام للسوق وان كان هناك اسهم كثيره اعطت افضل منه كنسب ارتفاعات وسرعه في تحقيق هذه النسب الا انه سيحقق اهدافه في النهايه
واغلق يوم الاربعاء الماضي على 22.25
المتوقع مواصلة الارتفاع وامامه مقاومةعلى 23 تجاوزها والاغلاق اعلى منها يؤهله لبلوغ 25.50 .

 

[abdassalam]

سهم غثيث جاب لي الهم بس برضه مش حبيعه