توصية: الشركه العربيه العقاريه

[barbarian]

السلام عليكم

أقدم لكم هذه التوصيه المتواضعه منى على أمل انكم تعوضون بعض خسائركم ان شاء الله

السهم له دعم تاريخي عند 120 فلس

قبل فتره وجيزه كان في اكتتاب زيادة راس المال على سعر 160 فلس

سبب نزول السهم الى هذه الاسعار هو خسارته في الربع الثاني من 2006

بعدين رد عوض خسارته وفوقه ربح فلس واحد في الربع الثالث من 2006

بعدين تمت صفقه وربح فيها نص مليون

بعدين باعت عمارة وربحهم مليونين

أعتقد والله أعلم ان ربحية 2006 لن تقل عن 8 فلوس وهي كفيله بصعود السهم الى 140 فلس على الأقل

السهم مكون دبل بوتوم يعني حرف W

السهم عليه تجميع على نار هاديه بسعر 122 فلس

أمس جمعوا فيه 400 ألف سهم بسعر 122 فلس
اليوم جمعوا تقريباً نفس الكميه على سعر 122 و 124 فلس

السهم أعطى اشارة دخول

الدخول: 120 - 122 فلس
الهدف الأول: 130 فلس
الهدف الثاني: 140 فلس

بالنسبه للخوافين زي حالاتي

شراء نص راس مالك على سعر 120 - 122 فلس

اذا كسر الدعم القوي لأي سبب كان سواء توزيعه مو شي أو انهيار بالبورصه

يتم التبريد عليه والشراء بالنص الآخر من راس المال على 102 فلس اذا وصل (مستبعد جداً)

بالتوفيق للجميع

 

[Master-Leo]

يعطيك العافيه اخوي بربريان و ان شاءالله تصدق توقعاتك

خصوصا ان للسهم هذا الدعم التاريخي

 

[قـنـــاص2]

مافيه اى اخبار عن اجتماع مجلس الاداره متى ؟

مشكووور اخوى على التوصيه

 

[hamed666]

الله يسامحك أخوي barbarian على شنو تجميع 400 الف تسمية تجميع ؟
ولا تستبعد ان يصل السهم بسعر 102
وأنا لا أنصح شراء هذا السهم ولا حتى تضيعة وقتك بمتابعته

 

[barbarian]

الله يسامحك أخوي barbarian على شنو تجميع 400 الف تسمية تجميع ؟
ولا تستبعد ان يصل السهم بسعر 102
وأنا لا أنصح شراء هذا السهم ولا حتى تضيعة وقتك بمتابعته

هلا والله أخوي

السهم وصل الى أسعار الناس ما تبي تبيع خلاص فصعب يجمعون كميه كبيره من الناس الا عن طريق الضغط على السهم ويوهمون الناس ان السهم راح ينزل وأعطيك على سبيل المثال:

أمس في واحد حاط عرض نص مليون للبيع على 130 فلس وهذا ضغط متعمد عشان الناس تبيع

طبعاً الـ 400 ألف كميه بسيطه بس احسبها اذا كل يوم يجمعون نفس الكميه تقريباً خلال اسبوع أو اسبوعين يكونون مكتفين من التجميع وبعدين يصعدونها

و 102فلس صعب جداً الوصول اليها الا اذا كان هناك انهيار بالسوق كله لأن الشركه ربحانه فوق المليونين ونص في الربع الرابع على الأقل وهذا راح يساعدها على الصعود

 

[barbarian]

مافيه اى اخبار عن اجتماع مجلس الاداره متى ؟

مشكووور اخوى على التوصيه

لحد الآن لايوجد أخبار عن الاجتماع بس أتوقع تكون التوزيعه 5% منحه

مجرد توقع

 

[hamed666]

بصراحه يعجبني فيك تفاؤلك بهذه الشركة وأنا مع الاسف الشديد كنت مثلك بس اتضحلي بعدين عقب ما تدبسنا فيها باسعار مختلفة أنها شركه فاشلة جداً .
بعدين الكثيريين من المتعاملين بالسوق وكذلك الصناديق يعرفون من هو صاحب الشركه؟؟؟

 

[barbarian]

بصراحه يعجبني فيك تفاؤلك بهذه الشركة وأنا مع الاسف الشديد كنت مثلك بس اتضحلي بعدين عقب ما تدبسنا فيها باسعار مختلفة أنها شركه فاشلة جداً .
بعدين الكثيريين من المتعاملين بالسوق وكذلك الصناديق يعرفون من هو صاحب الشركه؟؟؟

هذه الشركه خسرتني تقريباً 300 دينار شريتها بـ 158 فلس تحت اكتتاب زيادة راس المال يعني صايد الحركه وبعتها على 154 فلس لوقف الخسائر والحمدلله اني بعتها والصراحه ما توقعتها تنزل الى هذه الاسعار فرصه ذهبيه صدقني هالاسعار يمكن ما راح تتكرر بعد

والله يعينا على بو خمسين بس شنسوي ما باليد حيله

 

[hamed666]

والله يعينا على بو خمسين بس شنسوي ما باليد حيله[/QUOTE]




هذا الكلام الصحيح

 

[صقرالبحر]

السهم كسر الدعم التاريخي الاساسي في بداية 2006
واللحين ماله اي دعم تاريخي

حاليا السهم في نهاية تكوين مثلث اذا كسر لفوق نقدر نقول انه اعطي
اشارة شراء
بس لايسوي فيكم مثل مثلث الامتيازات


تحياتي

 

[Strategy Stock]

السهم كسر الدعم التاريخي الاساسي في بداية 2006
واللحين ماله اي دعم تاريخي

حاليا السهم في نهاية تكوين مثلث اذا كسر لفوق نقدر نقول انه اعطي
اشارة شراء
بس لايسوي فيكم مثل مثلث الامتيازات


تحياتي

ياسلام عليك ياصقر ماشاء الله عليك تشوف الصيده وانت بالسماء عالي

هذا الشارت تأكيد لكلامك طال عمرك ...

ولو اني متفائل بالباترن الي الي متكون لان المثلث هذا مثلث تاريخي ان صح التعبير بس اعتقد كسره يبيله شوية وقت !!!

 

[Don^Hugo]

الشركة عليها ديون بشكل كبير و الملاك بصفة خاصة

 

[barbarian]

دخلت على السهم بسعر 124 فلس

أخاف يشلع وما أحصله على 120 أو 122 فلس

 

[Master-Leo]

موفق ان شاءالله اخوي بربريان

ان وصل اليوم 128 نبي عشاء فاخر

 

[سهمكووو]

دخلت على السهم بسعر 124 فلس

أخاف يشلع وما أحصله على 120 أو 122 فلس

الله يرزقك....................ويرزقنا

 

[صقرالبحر]

دخلت على السهم بسعر 124 فلس

أخاف يشلع وما أحصله على 120 أو 122 فلس

بدش وياك يازميل الصفوه

 

[barbarian]

بدش وياك يازميل الصفوه

حبيب يا الغالي أمس طلعت من الصفوه خسارة العموله

بس دير بالك أنا قبسه لووول