الدخول لمجالس الادارات

[Master-Leo]

اخواني عندي سؤال مهم وأعتقد أيضا يهم الجميع .

هل توجد نسبه محدده يجب تملكها من قبل المساهم

الراغب في الدخول لعضويه مجلس ادارة أي شركة مدرجه ؟

 

[FLOOD]

اخواني عندي سؤال مهم وأعتقد أيضا يهم الجميع .

هل توجد نسبه محدده يجب تملكها من قبل المساهم

الراغب في الدخول لعضويه مجلس ادارة أي شركة مدرجه ؟

لاتتهور ليو

 

[قاروه]

اخواني عندي سؤال مهم وأعتقد أيضا يهم الجميع .

هل توجد نسبه محدده يجب تملكها من قبل المساهم

الراغب في الدخول لعضويه مجلس ادارة أي شركة مدرجه ؟

اعتقد 5 % فما فوق

 

[Master-Leo]

لاتتهور ليو

لا لا لا لا تحاول تردني وتثبط من عزيمتي خلاص انا معزم ههههههه

بس جاوبني أنت أول جم النسبه

هل هي فعلا مثل ماقال اخوي قاروه 5% فقط

 

[قاروه]

لا لا لا لا تحاول تردني وتثبط من عزيمتي خلاص انا معزم ههههههه

بس جاوبني أنت أول جم النسبه

هل هي فعلا مثل ماقال اخوي قاروه 5% فقط

جانك معزم يا ليو انا و بوطلال والشباب الي بالمنتدى ندخل عالسهم الي تبيه ونحولك نسبنا ونصوتلك بعد بس هاا ترفع سعر الشركه 10 دبلات شرايك بوطلال موخوش فكره

 

[Master-Leo]

جانك معزم يا ليو انا و بوطلال والشباب الي بالمنتدى ندخل عالسهم الي تبيه ونحولك نسبنا ونصوتلك بعد بس هاا ترفع سعر الشركه 10 دبلات شرايك بوطلال موخوش فكره :d

اييي ويحقد علينا رئيس مجلس الاداره ويدج السهم دج لي تحت

ويقولنا خل ينفعكم كرسي العضويه :d :d

لا والله أنا أبي اعرف النسبه عشان أقدر اتنبأ بأسعار بعض الأسهم

اللي ممكن يصير عليها صراع في الدخول لعضوية الادارة وخصوصا

كرسي الرئاسه هل له علاقه بنسبة التملك يعني ليو عنده 5%

وقاروه عنده 10% هل يحق لهم الترشيح للعضويه وفيما بعد

هل ممكن أي واحد فيهم يصير رئيس مجلس الادارة أو إن

هالمنصب لازم يكون مخصص لمن له النسبه الأكبر من الملاك ؟

 

[قاروه]

الله يسمع منك يا ليو 10 %

بصراحه الي اعرفه ال 5 % كان بودي افيدك اكثر

 

[FLOOD]

جانك معزم يا ليو انا و بوطلال والشباب الي بالمنتدى ندخل عالسهم الي تبيه ونحولك نسبنا ونصوتلك بعد بس هاا ترفع سعر الشركه 10 دبلات شرايك بوطلال موخوش فكره :d

خخخخخخخخخخخ معك قلبا وقالبا قاروه بس ياخوفى يسوى نفس سوايا البحر و السهلى بالمتداولين ويدبسهم ليو مامنه امان

 

[قاروه]

خخخخخخخخخخخ معك قلبا وقالبا قاروه بس ياخوفى يسوى نفس سوايا البحر و السهلى بالمتداولين ويدبسهم ليو مامنه امان

ااااااااخ على التدبيسه قشره انقرصنا منها
لا افا عليك يا فلووود ليو صاحبنا واحنا معاه قلبا وقالبا ما ارضى تقول عنه هالحجي
بس قبل التحويل يوقع على بياض عقب نبيع اسهمنا

 

[Master-Leo]

افا يا فلود انا اخون فيكم هههههه انتوا بس عطوني

الكرسي وتالي دوروني بس ههههههههههههههههه

انا بغيت الجواب تحديدا عشان أفيد اخواني بالمنتدى بخصوص

سهم بنك بوبيان لأن اذا فعلا مثل ماذكر اخونا قاروه ان بس

5% فمحتاج أحد يعرف جم الملكيات الصغيره اللي تحت 5%

عشان الاسبوع الياي آخر اسبوع قبل الجمعيه العمومية وبالتالي

اذا في أحد عنده 3 أو 4 % ممكن يزيد نسبته قبل الجميعه

اذا معزم يدخل المجلس وبالتالي يرتفع سعر السهم ويربحون ملاك بوبيان

 

[قاروه]

اعتقد 5 % فما فوق

للرفع لسوق الاوراق او بوسليمان هل النسبه صحيحه

 

[بو سليمان]

للرفع لسوق الاوراق او بوسليمان هل النسبه صحيحه

نسبة 1% تكفي لدخول المجلس بشرط جمع اكبر عدد من التوكيلات الخاصة بالجمعية العمومية يعني انتخابات و مصالح وكثير من الشركات تدمرت بسبب تلك التوكيلات

 

[قاروه]

عساك عالقوه اخوي بوسليمان وجزاك الله خير

 

[Master-Leo]

مشكور بو سليمان للتوضيح

 

[london]

الاخ ليو
فى نوعين لدخول لمجلس الادارة
1 فى حالة تملك 10 % من شركة اعضاء مجلس ادارتها 10 اشخاص لك الحق الحصول على كرسى مجلس ادارة بدون انتخابات

2 الاكثر شيوعا التنسيق مع كبار الملاك وتمللك 5 % فما فوق
من ناحية ادبية ممكن الدخول فى مجلس الادارة الا فى حالة اختلاف بين الملاك الرئيسين احيانا يكون تنافس مثل العقارى بودى وبوخمسين ما تقدر تدخل ا لا بتحالف ويفوز التحالف
واحيانا الشخص ما يملك ويحطونة لان ممكن يفيد الشركة او يكون واحد من اعيالهم
سامجنا على القصور واللة اعلم

 

[Master-Leo]

يعطيك العافيه اخوي لندن ماقصرت على هالشرح الطيب

عقبال مانشوف واحد من أبناء المنتدى يصير عضو بمجلس

ادارة احد الشركات المهمه في البورصه

 

[london]

حياك اللة وانت بعد ان شاء اللة

 

[متصفحه]

للافادة

ان يكون العضو مالكا لعدد من اسهم الشركة بما لا يقل عن( 1% من راس مال الشركة او 7,5000 د.ك ايهما اقل ) وذلك حسب المادة رقم(139) من قانون الشركات التجارية رقم 15 لسنة 1960.........قانون الداااااااثر الي موراضيين يعدلونه