والله ودي اسمع منك يا بو سعود في البدايه ولكن هذا ما يمنع اجابتي 1- المخازن ......... ايام ما كانت قويه ولا زالت وعدم بيعي لها عقودها الضخمه ونصيحة الوالد بأخذ الارباح لمن كانت 55% قبل سنتين وقال خلك مع عرض الرجال لو على زلق الحا 2- سلطان .......... مع المخازن 3- الوطنيه العقاريه ........ مع المخازن الاتحاد العقاريه .......... تحركة مع المخازن ودخلت عليها 4-التخصيص .......... ليش شاريها ما ادري لكن اذكر انها وصلت 390 فلس وشريتها ومن عقب نزلت
آبار شركة نفطيه وارباح تشغيليه 100% سفن بسبب دخول الخرافي عليها وبسبب ارباحها التشغيليه اسماك داش عليها وهي الدجاجه التي تبيض لي ذهبا مشاريع شركة ثقيله جدا وبسبب ثقتي بملاكها وراح اضيف لهم سهم ثاني فقد الثقه بالسوق ولكن انا لا افقد الثقه به لانه هو سبب 70% من ارباحي والدخول عليه قريبا
الخليج للتأمين اشتريت كميه لاباس فيها استثمار البيع اذا اندبل سعرها سعر الشراء 690 سعر البيع 1400 انتبهت للسهم من الاخوه بالمنتدى يعطيهم العافيه اسباب الشراء : 1-السهم محمل بتوزيعه نقدى 55 % 2- ربحية السهم الربع الاول راح تتجاوز 280 فلس للسهم 3- ربحية السهم بنهاية السنه راح تتجاوز ال 320 فلس للسهم الواحد سبب الربحيه هو دخولها تحالف المشاريع فى بيع اسهم الوطنيه بمبلغ 48 مليون وصافى الارباح هو 30 مليون وراس مال الشركه 11 مليون والشركه معروفه بالتوزيعات القويه سابقا فما بالك بربحيه 320 فلس للسهم ؟ كما ان نشاط الشركه لايسمح لها بتأسيس شركات تابعه وهذا يفيدنا بان الشركه من الصعوبه انها تقدر تخفى الربحيه والتحجج بانشاء شركات وهذا الشى متوقع من شركة المشاريع عدم توزيع ارباح قويه وذلك للأستثمار المبلغ بفرص جديده والافلام اللى خبرى خبركم بالاضافه الى ان المشاريع تملك نسبه قويه فيها اى كل ما زادت بالتوزيعه كل ما استفادة اكثر . المعلومات اللى ذكرتها تأكدت منها لانها منشوره بموقع البورصه وبما ان السهم سهم استثمار وغير مضاربى قد يخفى على الكثير ربحيتها القويه وذلك لعدم متابعة اخبار السهم من قبل المضاربين بالتالى لايوجد حملة اعلاميه مثل ما نشوف على اسهم الدوليه والمخازن والبحر وألخ ألخ بالعربى سهم اقدر اسميه الحاضر الغايب او حصان طرواده اذا صح التعبير وللعلم ربحيتها اقوى من المخازن بايام عزها لكن ما نبى نبالغ اتوقع قريب 1300 الى 1400 لان السهم ممسوك من الملاك الرئيسيين اذا احد منكم شاف ان معلوماتى فيها خطأ ارجوا ان ينورنا بالمعلومات اللى قد تخفى علينا والله يرزقنا حنا وياكم قولوا امين
(1) الدوليه للاجاره باختصار الشركه إستثماراته ممتازه وأرباحه ممتازه ولديها مشاريع في طور التنفيذ مبتكره وممتازه (( وعلى قولت القايل بنت أوادم )) ..... (2) تعمير مشاريعها وارباحها ممتازه جدا بالنسبه لعمرها وحجمها وآخر هذه المشاريع هو مرسى البحرين . وبصفه عامه أحب أستثمر مع الشركات الإسلاميه ذات الجديه والخطه الواضحه .....
اجعل سهمك هو السهم المتفاعل مع الصعود لحين جنى الارباح الحقيقى او يظهر نجم او قروب جديد وانتقل له لاتكره سهم ممكن ماتكره هو اكثر الاسهم المربحه ولا تعشق سهم ممكن ماتعشق لن يتزحزح من مكان عش الزوجيه غير طابعك من مضارب بنطاق ضيق الى مضارب بنطاق اوسع مائل الى استثمار متوسط عند الصعود القوى فتغير حال السوق ويجب ان تتغير انت معه حتى لا يفوت عليك مسك السهم الى اسعار اعلى المضارب المحترف هو اول من يغير نمطه مع تحول السوق حتى لاتفوته الفرص الذهبيه ويندم بربح زهيد مع معرفة نقاط دخول وخروج السوق ونطاق دخول وخرج من السهم قرأت باحد الكتب مدت التصحيح تستغرق ثلث مدة الصعود بازمن والسعر لو عرفنا مدة الصعود من 2001-2005 خمس سنوات وثلث المده هو سنه وست اشهر تقريبا ونحن تقربا فى اطار المده ذاتها فبعض الاسهم بدأت تصحيح من نهاية 2005 ولو عرفنا بداية الصعود من 2000 نقطه نهايته 12000 نقطه يعنى صعود 10000والتصحيح 3000 نقطه فقد وصلنا 9000 نقطه + اقفالات مصطنعه كثيره و مؤشر لايعكس السعر الحقيقى له بدقه يعنى وصلنا ثلث بالسعر يعنى وصلنا للنتائج بالسعر والزمان متوافقين انظر حولك اسعار الاسهم بربع قيمت 2005 ممكن نكون عند قاع حقيقى هذه المره او بالقرب منه مجرد وجهة نظر واعتبرها هواجيس فلوود فقط سهمى هو السهم المتفاعل مع الصعود
السهم الرزين , الثقيل , الهادي كالبحر أذا فاض ,, كالفجر اذا اقبل ,, كالليل اذا ادبر سهم المستثمرين عارف
مادري بس أن شاء الله العقاري لقرب اجتماع مجلس الادارة والنزاع عليه(بودي أن شاء الله _بوخمسين ما نبيه) الصفاة الاستثمارية سهم يشتغل صح أعيان للاجارة سهم ثقيل
فعلا كلامك صح على العقاري بس أنا قلته للأيام الحالية وقبل الجمعية العمومية يوم الثلاثاء الموافق 20/3 وبعد الجمعية العمومية راح ينزل نزول قوي مهما كان الفائز بس مجموعة الأوراق لن تتركه ينزل كثيرا وستدعمه أما مجموعة بوخمسين فعلا الدنيا السلام ويمكن يوصل 250 فلس مع تكملت السر؟؟؟. وشكرا
عندي نوعين من الأسهم 1- سهم أحب المضاربه فيه يعني أخذ رزقي وأطلع سواء ربح أو خساره بسيطه 2- سهم أحب استثمر فيه وهذا شلون أعرفه ؟ كل شي يزيد فيه كل سنه وأهم شي طبعا أصوله + القيمة الدفتريه + أرباحه وتوزيعه = سهم استثماري ممتاز وضيف عليهم وجود مجلس ادارة محترم طبعا هذا النوع من الأسهم ينعدون على الأصابع في سوقنا مع الأسف
