اشسالفة الاوسط او سيستم البورصة مع تاخر عرض الاوامر اببداية السوق

[تلميذ المؤشر]

السلام عليكم

والله يا جماعة من فتح السوق لي كتابة هالمشاركة والامر معلق اب سيستم البورصة

ما ادري في ناس داخل البورصة وعلى النظام تتعمد تمسك الامر ما يطلع للعالم لمن يسون الي ابالهم ولا اشلون؟

رايكم واشلون الوضع عندكم؟

 

[Al-Marzouq]

ana dakhalt order bei3 men 8:40 oo lel7een ma dashaw

 

[white soul]

الاوامر معلقه

مانقدر نكنسل ولا نقدر نعدل

دقيت عليهم محد يرد

 

[تلميذ المؤشر]

والله طال عمرك توهم يفعلون الامر

والله اتوقع انه وراها شي المسالة ما اعتقد زحمة اوامر تخليه يتاخر اكثر من شذي

الله المستعان

 

[husss]

لم يجد جديد في موضوعك اخي العزيز

هذه هي الأوسط كالعادة

والله كريم

 

[Al-Marzouq]

???so2al: fe khedma a7san mel awsat

 

[Q8 Stock]

موقع البورصه معلق ايضا

الخلل كله من البورصه ..!!

 

[قرطبه]

والله انا لما احط الامر من الليل
ما يتفعل الا 9:15
يعني تاخير على عيينك احد عنده تفسير

 

[Master-Leo]

اليكم هذا السيناريو اللي صار واللي مايحب القصص الطويله لايقرأ

بس انا بكتب اللي صار لي وبعض الأخوان بالمنتدى يدرون فيه :

- يوم الأحد المغرب وضعت أمر بيع و الأثنين صباحا لم ينشط الأمر

الا الساعه 9:07 بعد ماباعوا اللي باعوه وطبعا دوري ماوصل

ولا حتى بنهاية التداول وماقطيت السهم ( مجموعه د ) .

- يوم الأثنين المغرب حطيت أمر بيع أيضا وبالحد الأدنى كذلك شصار

الثلاثاء الصبح ؟؟ ماتنشط الأمر الا الساعه 9:20 وطبعا مافيه طلبات

شراء والسهم حد أدنى .

- يوم الثلاثاء الظهر الساعه 3 حطيت أمر بيع لليوم الأربعاء وماتنشط

الأمر الى الساعه 9:28 وقمت من كثر ماطقت جبدي وانقهرت دقيت

على موظف الأوسط ( البنك ) 7 مرات يالله شال التلفون وقلت له

انا حاط أمر بيع شصار عليه ليش ليما الحين جاري التنفيذ !!!؟

قالي خطأ بالاتصال بالبورصة والحين الأمر نشط قلت له يعني انت مبشرني !؟

انا صار لي 3 أيام احط أمري للبيع ليش مايمشي من الصبح مبجر !؟

وانا كنت ربحان بالسهم وانتوا ضيعتوا علي الربح والحين السهم كل

يوم حد أدنى منو راح يعوضني ؟؟!! يقول اليوم مو من عندنا من البورصة

والاتصال بينا وبينهم قلت له وأمس وأول أمس هم من البورصه قال مادري ؟!!!

قلت وآخرتها يعني الحين انا بشتكي من اشتكي عليه ؟؟ يقول اشتك

بس محد بفيدك لأن راح يطلع الخطأ من البورصة واحنا مالنا ذنب فالشكوى

تكون على البورصة واهم جهة حكومية ماراح تفيدك الشكوى بشي

قلت له هذه طريقتكم راح اطفش الزباين منكم وانتوا حرين ومشكور . خلصت قصتي

 

[Master-Leo]

بعد هالقصه المملة الحين بسأل

اذا الأوسط أو حتى أي شركة غير الأوسط مايقدمون الخدمة

اللي يبيها المتداول عيل ليش احنا تعبنا روحنا واشتركنا ؟

جان ظليت على الدلال نفس أيام أول ادق عليه يبيع ويشتري لي !

شركات الوساطه اللي ماتحس انها قد هالنظام لاتسويه ولاتقول خطأ

من البورصة لأ خطأ منكم فيه أكثر من وسيلة تحل هذا الخطأ لازم

تشوف لك طريقة اتصال ثانيه لأن هذا نظام حساس فيه تداول فلوس

وفيه حقوق للناس قاعده تضيع ولو كل شركة وساطه قامت تتعذر

بالبورصة عيل لاتفتحون من الأساس وتضيعون فلوس الناس وسبة

نظامكم . وعناد أول مابيع السهم بسكر حسابي وأرجع لدلالي القديم .

و إسمحولي على النرفزه والإطالة انا ماعمري تنرفزت كثر اليوم

 

[FLOOD]

ليوووووووووو لاتسوى طريقتك بعد فى طريقه احسن من طريقتك !!!


شوف حدد توجهك والسعر المستهدف مسبقا

الصبح اذا تستخدم الاوسط مثلا لا حصرا لانى استخدم BKME واعتقد نفس الشى جهز امورك السعر والكميه بيع ّـ شراء الخ

8:50 بالضبط انت حاط باسوردك وايدك على زر موافق

من يفتح السوق pre action وقت وضع الاوامر على طول دوس موافق

هذى الطريقه دايم استخدمها احط اوامر مسبقا قبل السوق ولما يفتح اعدل على امر ارفع انزل الغى بس دايم تكون اسهمى من اول الاسهم المعروضه والاسبقيه لهم وكل يوم على هل حاله اعدل اثناء السوق اذا ابى


جذى تاخذ اسبقيه اسرع من الاوامر الى تحطها باليل او يوم قبله وانا متأكد من هل الكلام وانت تقوم كل يوم الصبح بدرى سوها

صدقنى هذى افضل طريقه جربها

 

[Master-Leo]

شعقبه اخوي فلود انت شايف المجموعه الدولية شريتها 490 وثاني يوم

ماباعولي 495 وقت اللي ربحان فيها واليوم السهم 435

والناس شرت على 440 وانا أمري ماتنشط !!! شسوي فيهم

يعني وبعدين اذا كلامك صح ليش مايوضحون هالشي للناس ولايخلون

الناس تدخل أوامرها الا 8:50 بنفس اليوم عدل ولا لأ ؟

انا اليوم مادخلت النت الا الساعه 9:27 وأول مادشيت فتحت الأوسط

وقالي جاري التنفيذ انصدمت !!!

تخيل جاري التنفيذ على أمر البيع لي 435 وسعر السهم بالسوق

واصل 440 !! يعني ينباع سهمي بسهولة 435 لأن مطلوب !!

وأدق محد يشيله فيهم ماردوا علي الا فوق 9:40 ومافي طلبات

شراء خلاص !

ضيعوا علي 3 أيام تداول انا ماحب ادعي على أحد لكن

هذول غصب قاعدين يقولون لي تكفه ادعي علينا بنقهرك زياده

ماعمري حاشني نحس ونرفزه من البورصه كثر هاليومين !!

 

[تلميذ المؤشر]

يا جماعة الخير ممكن نتاكد اذا كانت المشكلة من البروكر او من السيستم اب هالطريقة:

اول ما يفتح وقت وضع الاوامر يعني الساعة 8:50
انشوف الاخوة الي بروكراتهم مو الاوسط يتفعل عندهم الامر (سواء بيع او شراء) ولا لأ؟ وو على طول او ياخذ له وقت؟ وشم ياخذ له بالضبط من لحظة وضع الامر؟

هذه يبيلها تعاون الاخوة ويبيلها موضوع ثاني ينحط فيها تصويت حتى يندرس الموضوع عدل....

اذا شفنا مشكلة التاخير في البورصة فلا حول ولا قوة الا بالله يبيلها تصرف ثاني واذا والله كان البروكور كل واحد منا ووقراره بالتحويل


ملاحظة : هذه المشلكة تكلمت عنها هنيه مره في المنتدى واذكر اني اتصلت على الدعم الفني مال الاوسط (بعد نص ساعة ردوا) وقالوا ان الي تنحط اوامرهم اول شي من ضمن البروكرية هم المكاتب المتواجدة في البورصة حيث لهم الاولوية...

طبعا الكلام هذا ما ينبلع
اشدخل الموجود داخل ولا الي بره البورصة كله كمبيوتر والكل مشبوك عليه

خل ننطر نتايج البحث اذا كنتوا متحمسين والاخوة اذا تعاونوا

الله المستعان

 

[FLOOD]

والله ماقدر اقولك شى بس الله يكون بعونك ويعوضك ان شاء الله تكون خيره وتبيع افضل من هل سعر ومافى افضل من كلام الرحمن بسم الله الرحمن الرحيم (وعسى ان تكرهو شيئا وهو خيرو لكم ) صدق الله العظيم


هذى البورصه وكلنا نتعلم من اخطأنا ومن اخطأ غيرنا ومافى احد وصل للكمال ولكن نتطور للافضل شوى شوى


وعليكم ياجماعه بالطريقه اعلاه فعلا ثبتت نجاحها معاى بالتداول وسرعة وضع الامر للمضاربه جربوها ودعولى بالتوفيق

 

[sarem]

والله انا اليوم تسببلي الأوسط بخسارة كبيرة حيث اني في اول السوق اول ما صار في دخول على المجموعة د دخلت معاه علشان اقط فوق بتكة .

ولا يقولي الأمر معلق وما تفعل الأمر الا بعد ما انعرض مرة ثانية بالحد الأدنى بعد نص ساعة .(

وطبعا تفعل الأمر وشرالي من المعروض بالأدنى , خسارتي منو يتحملها , بس يالله عساها خيرة .