خطر العماله وتظاهرات

[خذ العلم]

مظاهرات للعماله البنغلادشيه وفضها ومحاصرت الاماكن اللي متواجدين فيه بجمبع مناطق الكويت

 

[Abo Yousef]

كلامك صحيح وهذا سبب حجز الداخلية وليست المناورات الامريكية والوضع السياسي المتاثر بسبب ايران.
بالعربي العمالة البنغلاديشيه هي اللي خلت السوق اليوم احمرررر

 

[Pivotrend]

مساكين الشركات تظلمهم
و يقولون أنهم الأكثر أرتكاب للجرائم
يا جماعه شوفوا الأسباب

بعض التجار ياخذون عليهم على كل عامل 1,000 و 2,000 دينار للأقامة و يقطونهم بالشوارع يلقطون بحاويات الزباله أمام بيوتنا

المصيبه هم التجار و ليس العماله البنغاليه
أخترقوا القوانين و سيخترقونها لاحقا و راح نشوفهم يسمحون بالفيزا مرة ثانية
هناك من يصفهم بالعمالة القذرة
أنا أعتقد العامل القذر هو طمع التجار و ليس هؤلاء المساكين
ولا ننسى أن المسكين المظلوم دعوته مستجابة , كما أن أغلب أهل الجنة هم مساكين الدنيا

التاجر اليوم وحش مفترس يبي ينقض على هذا المليون و ذاك
و بكره يصير ديناصور مفترس يبي ال 10 ملايين و تلك
حتى نصبح نحن يوما ما نحن المساكين عندهم
.

 

[Solid_investor]

الظلم ظلمات يوم القيامة
وكون بعضهم مظلومين هذا لا يبرر الأجرام وأعمال الشغب والتخريب
الحكومة مطالبة بمعاقبة الشركات اللي ماتدفع رواتب العمال
اللهم أنصر المظلومين و المستضعفين و أجعل هذا البلد آمنا مستقرا

 

[بو سعود2003]

هذا سوق عشان بنغاليه ينزل شل المؤشرات الخطره صج سوقتنا سوق او يقول واحد ليش السوق نازل يقول عشان بنغايه متظاهرين

 

[الخليجي 1]

والله مشكلة

الجالية البنغالية مشكلة ما أنكر إنه في ظلم واقع على بعضهم من تجار الإقامات أو الشركات الي تتبع طريق الحرمنة ولكن هم ترى هذي الجالية ما وراها إلا الدعارة ( تكرمون) والبوق والبلاوي والجليب وخيطان أكبر دليل

 

[Pivotrend]

للأسف تم إضافت الكويت من ضمن قائمة الدول المتهمة بالإتجار بالبشر human trafficking من قبل الولايات المتحدة

و السبب التجار اللي يجيبونهم و يربحون ملايين بصفقه واحدة و يقطونهم بالشوارع يبحثون عن رزقهم بأي وسيلة
و تشوف هالمساكين تحت حر القيلولة ينظفون الشوارع و يلقطون من الزبالة لأنه من كثرتهم لم يجد طريقة أسهل من هاذي الطريقة

بعد ما يجي هذا المسكين ينصدم بأنه حتى مو قادر يطلّع حق الفيزا اللي دفعه قبل وصوله الكويت لذلك بعضهم يحاول تعويض ذلك بأي وسيلة متاحة له ولا يهمه لا قوانين و بعضهم ما يهمه حتى الأخلاق

المشكلة الأولى التاجر اللي شكله نظيف و مرتب و محد يشك فيه , هذا هو رأس الأفعى المسبب لهذة المشكلة

و سمعة الكويت عالية و مرموقة بالعالم , و خيراتها و أعمالها الخيرية طالت القاصي و الداني و لكن للأسف التجار يهتمون بالربح قبل ذلك

 

[sa3od29]

احنا عندنا عمال يشتغلون حق القهوه وعمال النظافه بالدوام يقولون معاشاتنا 17 دينار...انا انصدمت قلت له شلون توافق تجي الكويت بالراتب هذا...يرد يقولي موقعين وياه عقد هناك في ديرته ان راتبه 65 دينار فلما جى الكويت انصدم ان راتبه 17 دينار...فشلون تبيه ما يبوق ولا يكون مجرم...هم هذا مسكين وراه عيال واهل بديرته يتعب علشانهم.....والرسول (ص) يقول اعطى الاجير اجره قبل ان يجف عرقه...او كما قال............والتجار عندنا هني مستانس...وسبحان الله اغلبهم التجار فيهم امراض وعقد نفسيه وحياته تعيسه من ورى هالمصايب هذه والدعاوي عليه من الفقراء المساكين.........ما اقول اله الله يعينهم هالمساكين

 

[beginner25]

اي والله حرام .. كل مااشوفهم (يكرم السامع) عند الزبالة يجمعون أغراض وغيرة يكسرون خاطري .. صدقوني نفسيتهم صفر ... خايفة إيي يوم ويهجمون علينا ... والله عددهم صار كبيرززأكثر منا بواااااايد ... وقلبهم صار مليان حقد .. خلكم مكانهم (بسم الله عليكم ) اذا داومتو بدولة غربة وأبتعتدو عن اهاليكم وصبرتو وفي النهاية ماعطوكم معاش كم شهر ... خنقول شهر واحد شيصير فيكم ؟؟

 

[Volcano]

المشكله الكبرى ليست في العمالة الهندية أو البنغلاديشية أو في الكفيل ... المشكلة في الواسطات التي تصير داخل المؤسسة الحكومية أو الوزارة ... لو مافي واسطات ما تلاقي الهنود والعمالة جنب الزباله (تكرمون) يلقطون ويطلعون كل شي من الزباله، عل وعسى يجد شي ياكله ... تخيل لما يكون راتبه 17 د.ك أو 20 د.ك !!! وعليه مصاريف السكن وتحويل الإقامه هم عليه والتأمين الصحي ... الخ ... يعني لو حسبناها صح يطلع هو صار مديون للدولة من أول يوم وصل فيه الكويت ...

والتجاره بالبشر أساسها المواطنين ... كل واحد تلاقيه يشتري بشر من الهند وبنغلاديش ويجيبهم داخل الكويت ويقطهم ... أول 6 شهور يكون مهتم فيهم لأنه في قانون لو المخدوم ترك الكفيل يضطر الكفيل يدفع المبلغ اللي عليه وبعد 6 شهور يصير يتاجر فيه عشان يقدر يحوله من شخص لآخر وياخذ فلوس مقابله ...

ربنا ما ينسى أحد ... " لهم نار جهنم لا يقضى عليهم فيموتوا ولا يخفف عنهم من عذابها كذلك نجزي كل كفور "

"يوم يقول الله لنار جهنم هل امتلأت فتقول هل من مزيد"

"وان جهنم لموعدهم أجمعين لها سبعة أبواب لكل باب منهم جزءٌ مقسوم"

أنصح بقراءة هذا المقال صور ليوم القيامه ...
http://www.indexsignal.com/vb/showthread.php?t=72468