المــــــــــشــاريـــــــــــــــع اذا ما علقها صانع السوق فعلى الدنيا السلام

[شرياص العديلية]

ربحية الربع الأول 370 فلس !!

يعني منطقيا واقتصاديا لو فرضنا

بالبيت النازل من الحين الى نهاية السنة ربحيتها 700 فلس !!

ممكن ولا صعبه ؟؟ !!!

واذا صارت فعليا أرباح 2007 700 فلس ...

شنو راح يكون سعر المشاريع في مارس 2008

دينارين - ديناران - 2 دينار
هازااااااااا ما سوف نراه في حلقة اليوم الأحد

08:59 المشاريع مطلوب 10 ملاييين .​

المرقاب لنا قبل لا يسمونها المرقاااااب يبه

 

[barbarian]

من صجك انت 700 فلس !! على شنو

ربح الربع الاول معروف ليش...

ما اعتقد ربحية سنة 2007 راح تتجاوز 450 فلس...هذا انا مبالغ

 

[q8_chamber]

ربحية الربع الأول 370 فلس !!

يعني منطقيا واقتصاديا لو فرضنا

بالبيت النازل من الحين الى نهاية السنة ربحيتها 700 فلس !!

ممكن ولا صعبه ؟؟ !!!

واذا صارت فعليا أرباح 2007 700 فلس ...

شنو راح يكون سعر المشاريع في مارس 2008

دينارين - ديناران - 2 دينار
هازااااااااا ما سوف نراه في حلقة اليوم الأحد

08:59 المشاريع مطلوب 10 ملاييين .​

المرقاب لنا قبل لا يسمونها المرقاااااب يبه

لا تستبعد من هذي الشركة لو ربحيتها دينارين عادي يخلي سعرها 500 فلس


صناع السوق هليومين يبطوووووون الجبد

الله يوفق الجميع

 

[costa]

ان شاء اللة.............خضر

 

[خالـــــد]

يالطيب يالحبيب لا يصدقك الحين احد

ربحية الربع الاول من صفقة بيع الوطنية للاتصالات و هذي بيعة تاريخية

بتاريخ الشركة و صعبة انها تتكرر معاهم هالربحية

 

[خبير النفط]

السلام عليكم ارباح الربع الاول استثنائيه ويمكن ما تتكرر او تنموا بقوه فى الميزانيات القادمه النصف او الى بعده لان المشاريع صار عندها كاش كثير وما اعتقد تقدر تستثمره كله وبلتالى راح يكون ودائع فى البنوك. والحذر كل الحذر من الشركات ذات الارباح الاستثنائيه والتاريخ مليان من شركات طقت اسعارها السماء وبعد التوزيعات راحق رو-واسى على نافوخها .

 

[mar022]

من صجك انت 700 فلس !! على شنو

ربح الربع الاول معروف ليش...

ما اعتقد ربحية سنة 2007 راح تتجاوز 450 فلس...هذا انا مبالغ

إسمحولي يا أخوان أفضل مشاركه لأن معروفه أرباح المشاريع كل عام ،
وهالربع الأرباح أستثنائيه لاتتوقع إنه ربحية سهم المشاريع تكون مرتفعه بالشكل إلي تتصوره .
رأس مال الشركه كبير والأسهم أكبر وهالشئ إستثنائي والربع القادم راح يأكد هالشئ

 

[ChuCky]

بتشوفون هالسهم فوق ال 1.500 بالنازل

 

[أبو فلسين]

على فكرة ترا المشاريع ما عودتنا على توزيعه دسمه؟؟؟ حطوها بالحسبان

 

[بوحسين11]

الفتوح للاستثمار المالك شنو يخطط العود هذا الكلام نهائي

 

[Trend Hunter]

( بعد تداول اليوم لا تتاملون شي بيصير فيها نفس صناعات متحده لان الصناديق مو اغباء الارباح استثنائيه وقبل نهايه العام بيشترون فيها شي او مشاريع ويمكن يقترضون من البنوك لان الهدف هو التوسع ويمكن بعد التوزيعه لسنة 2007 اقل من 2006 مع العلم اني املك بالسهم وشاريه ب840 فلس واتمنا انه يصعد واربح بس هذا الواقع مو قادر اقص علي نفسي واغيره

 

[NewYork Broker]

يا جماعة الأرباح هذى استثنائية لبيع الوطنية لللإتصالات، و صراحة أتوقع راح تقل ربحية المشاريع بشكل واضح بالأرباع الأخيرة و السبب استثمار مبالغ الربحية المحققة من الصفقة المبيوعة في مشاريع ثانية

 

[قاروه]

المشاريع راكده تصعد على سنع وتنزل على سنع


والله لو هالارباح عند البدر لتشوف السهم ليومك حد اعلى !


المقصد ان المشاريع صانع سهمها عاقل

 

[بوحسين11]

( بعد تداول اليوم لا تتاملون شي بيصير فيها نفس صناعات متحده لان الصناديق مو اغباء الارباح استثنائيه وقبل نهايه العام بيشترون فيها شي او مشاريع ويمكن يقترضون من البنوك لان الهدف هو التوسع ويمكن بعد التوزيعه لسنة 2007 اقل من 2006 مع العلم اني املك بالسهم وشاريه ب840 فلس واتمنا انه يصعد واربح بس هذا الواقع مو قادر اقص علي نفسي واغيره

استثنائية او غير استثنائيه مكرره او غير مكرره الاهم والمهم

هو ان تعلن الشركة عن الارباح رسميا مو مثل باقي الشركات عقود بالملايين كل شهر 30 و20 مليون دينار ولا يبين شي بالارباح

 

[بو سعود2003]

باختصار كان الكل متوقع انه مشاريع بروح حد اعلا وفي ناس بتبيع بالعالي وفي ناس ما راح تبيع الا بدينار ودينارين السؤال الحين جم واحد من هذول الناس نزل وباع وغير وجهة نظره وطبعا المحافظ يشترون منهم يعني يا جماعه السهم ما راح يطلعونه على ظهورهم عشان يفيدون الناس لا بينطرون الكل لي باع ويعمعو الكميه اللي في البال بطلعون السهم

وبالنسنه حق الارباح الخياليه يقولون ما راح تتكرر وتاريخيه

بس نسيتو انه راس مال قوي وانه هل مبلغ بافتراض يخلونه وديعه كم راح يعطيهم بالسنه ارباح

انزيل لو استثمرت الشركه هل مبلغ بفنيتها وطرقها وكون خبرتها واسعه بالاستثمار

انا مو قاعد اطبل حق السهم او عندي سهم واحد فيه بس اقول الصج اللي بعض الناس ما يدرون عنه

واتمني اني وفيت وكفيت بخصوص اللي صار على السهم اليوم ومحد علق السهم وموفقين وعن قريب راح تشوف الدينار

 

[أبو باسل]

السهم القادم بقوة

حتى لو كانت أرباحها استثنائية أنا أعتقد ان توزيعتهم بتكون وايد قوية .
وأنا سمعت انهم باعو حصتهم بالوطنية علشان داشين على شركة الإتصالات الثالثة وهذا من صالحهم وصالح المساهمين.
أرباحم لو حطوها وديعة وما شغلوها بالإستثمار هم بعد بتطلعهم أقل شي 5% .
يعني إذا وصل ربحيتهم بآخر السنة بأقل تقدير 400 فلس .... كم تتوقعون يوزعون؟؟!!
10 ولا 20 ولا حتى 50 فلس !!! أنا أتوقع أقل شي 100 فلس و100 % منحة... هذا على أقل تقدير.أو 300 فلس كاش.
ولا شبيسون بالأرباح هذي ؟؟!!! بحطوهم بالبنك وبينامو عليهم؟؟!!
وأنا أفضل السهم الي يطلع بثبات أحسن من الي يطلع مرة وحدة ويبط بعدين.
أنا أشوف سعر المشاريع بآخر السنه دينارين والله أعلم.

بوباسل

 

[صقرالبحر]

الربع الاول عرفنا ليش ارباحه عاليه

اعتقد الربع الثاني 11فلس الارباح عادي


تحياتي

 

[ستوك]

ممكن ننظر للموضوع من زاوية ثانية ،

القيمة الدفترية الحالية للمشاريع تبلغ 225 فلس ..

وبإضافة 370 فلس تصبح قيمتها الدفترية تقريبا 600 فلس ..

هذا يدل على أن المشاريع دخلت إلى مصاف شركات النخبة من حيث القيمة الدفترية

مقارنة بقطاع الاستثمار الدار قيمتها الدفترية 442 وسعرها فوق الدينار
الاستثمارات الوطنية قيمتها الدفترية 337 وسعرها 820
جلوبل قيمتها الدفترية 355 وسعرها 700
كامكو قيمتها الدفترية 346 وسعرها 710

يعني مضاعف قيمة سوقية/ قيمة دفترية = 2 على الأقل

يعني المشاريع احتمال كبير بتشوف ال 1200 إن آجلا أم عاجلا

 

[المناور]

الأرباح استثنائيه ليست تشغيليه

ولا يمكن ان تتكرر وصانع السوق

لايمكن ان يغامر فى رفع السهم الى سعر دينارين

لأن ذلك سوف يسبب كارثه على السهم فى السنه القادمه

بسبب الفرق الشاسع فى الأرباح

 

[ashahri]

مو كل سهم عنده ربحية قوية لازم يرتفع لانه المستثمرين مقتنعيين ان ربحية المشاريع لن توزع بس سيستفاد منها بمشاريع عملاقة !!!!!!!!


واتمني من اخواني عدم الانجراف وراء ربحية المشاريع عشان مايكونون صيد سهل !!!



الله يوفق ملاكه