خبر عاجل!!!

[بو سعود2003]

جائني خبر من مصدر موثوق
بأن السوق على هبوط حاد بالايام القليلة القادمة
الرجاء أخذ الحذر​

على اي اساس تقول هل خبر ومنو المصدر يعني لو الواحد يبيع وسهمه سصعد منو يتحمل المسئوليه بالسعوديه بالمنتديات قاعدين يكتبون اشاعات من هل نوع وليش السوق بينزل عشان الاسباب اللي ملينه منها بسنه 2005 كل سهم سعره دبل يعني لو تبي تحسب سعر سهم اي شركه حق سنه 2007 تاخذ سهم سعره جم كان بسنه 2005 وتقسمه على 2 ويطلع السهم سعره بسنه 2007
يعني الاسهم رخيصه بالنسبه حق ربحيتها والتصحيح كان بصالح السوق سنه 2006 وعشان يكون انطلاقه المؤشر بسنه 2007


يعني باختصار شديد كون ما عندك مصدر معترف فيه من المصدر
وكون لك سوابق وتقول اسهم البدر بطلع وماصار شيء

انا اقول حق الاخوه المشرفين انهم يسكرون هل موضوع عشان ما يكون تضليل حق صغار المستثمرين او حق قليل الخبره

وعشان محد يتحسف على شيء ويكون بدون دراسه

 

[بوزييز]

والله بالنسبه حق اسهمي انا كلام 100%

 

[wesam707]

السلام عليكم

وهذا الرد شنو نقول عليه ..!!

هذا الرد نقول عليه :
انتوا متعودين على اسهم البدر اذا السوق حمر تلاقونها تزدهر باللون الاخضر
على عكس السوق

 

[fawaz74]

هذا الرد نقول عليه :
انتوا متعودين على اسهم البدر اذا السوق حمر تلاقونها تزدهر باللون الاخضر
على عكس السوق

وسام ترى الناس ملت وحفضت...خبر عاجل...الحذر الحذر...من اليوم وصاعدا انا خارج السوق وقررت ابيع نخي...اتصل فيني صديق ولد عمت سيلانيتهم سايق مدير محفضه وسمعه يقول كيش كل الصناديق امريكا بطق ايران...يعني الناس تبي تسمع شي يدش العقل مني ورايح الله يوفق الجميع

 

[wesam707]

أنا ماني دنبقجي ولا اثير الاشاعة
ومشكووووووووووووووور وااااااااااايد حق اللي قاعد يقط كلمات الاهانه

لكن أنا طلبت الحذر من السوق و "الدين النصيحة" والله لا يخسر أحد

وانا أتحمل أي عقوبة من مشرفنا على هذا الخبر حتى لو ألغى اشتراكي بالمنتدى اللي بالنسبة لي احسن منتدى في منتديات الكويت الاقتصادية واللي اعتبر اعضاءه اكثر من اخوة لي واستفيد دايم من تحليلاتهم الفنية

واذا كنت حذرت من هبوط بناء على كلام مصدر اللي أثق فيه
فهذي وجهات نظر مثل ما أحترم الغير بوجهات نظره ارجو ان يكون المثل
وعدم الاهانه حتى لو بغشمره​

 

[fawaz74]

ما صار الا كل خير بس نبي التوصيات تكون واقعيه اكثر واذا عندك شي على سهم قوله بصفحه السهم...واذا خاص بالمؤشر قوله بصفحه المؤشر ويفضل صاحبك بالمستقبل يعطيك تفاصيل عن الاسباب والشركات واذا في اخبار موثوقه...غير هذا جزاك الله خير بس مصدرك يستحق الردود الي سمعتها

 

[wesam707]

ما صار الا كل خير بس نبي التوصيات تكون واقعيه اكثر واذا عندك شي على سهم قوله بصفحه السهم...واذا خاص بالمؤشر قوله بصفحه المؤشر ويفضل صاحبك بالمستقبل يعطيك تفاصيل عن الاسباب والشركات واذا في اخبار موثوقه...غير هذا جزاك الله خير بس مصدرك يستحق الردود الي سمعتها

عزيز وغالي اخ فواز
والله انا ما أبي الا كل خير للاخوة في المنتدى
وانا ما احب الاشاعة واي مروج لها لان فيها ضرر للجميع
والله لا يضر أحد ومرة ثانية اذا في اي خبر راح ابلغ فيه المشرف على الخاص علشان يتأكد منه ومن ثم نشره علشان ما يغضب الجميع بدون مبرر
مع انه مصدري جدا اثق فيه وبالتداول اليومي قالي بيع ابيع اشتر اشتري
وهذا اللي رفع عني الخساير بعد ما كنت غارق فيها​

 

[fawaz74]

مافي الا كل خير...بس الامور هذي حساسه شوي وانت قلت هبوط حاد يعني ارقام كبيره وهذا يحسب عليك...خصوصا ان كل الاوضاع العامه مستقره والتصحيح قاعد ياخذ حاصله اثناء التداول والدعم قوي والقيمه عاليه...وضيف عليها قتره الاعلانات قربت يعني دافع السوق قوي اذا مو للارتفاع للاستقرار والله اعلم وتاكد ان على مستويات الاسعار هذي بالسوق كثر مافي ناس ودها تطلع في مقابلها ناس تشتري وهذا الي نشوفه بالتدوال

 

[khalid2002]

ممكن نعرف مصدر التوصية من وين عزيزى

 

[nasy]

عدد قياسي اللي قروا الموضوع


يبدو الكل خايف


و من خاف سلم​

 

[قاروه]

هذا الرد نقول عليه :
انتوا متعودين على اسهم البدر اذا السوق حمر تلاقونها تزدهر باللون الاخضر
على عكس السوق

قصدك اسهم البحر

 

[nabeels8]

جائني خبر من مصدر موثوق
بأن السوق على هبوط حاد بالايام القليلة القادمة
الرجاء أخذ الحذر​

نزول اليوم بس سؤال ما عرفت الأيام القادمه متى أكيد أي سوق يصير تصحيح وتوقع بأيام القادمه

 

[الأزدي]

مصدرك ماشي مع التحليل الزمني .......؟

 

[الراقي]

ياشباب لاتكبرون الموضوع ترى حنا بشهر خمسة يعني طبيعي ينزل السوق في الصيف وبعد السوق اخذ حقه في الأرتفاع يعني هذا الشي جدآ طبيعي وكل شخص وضعه غير عن الثاني في واحد مستثمر في الهواتف من 2004 هذا الشخص مايدري عن النزول القوي ولايحاتيه ولكن المضارب غير على طول عنده قلق وتحوشه رجفيه على كل خبر​

 

[Abdullah Alhajeri]

اي والله اي والله

 

[المعوشرجي79]

جائني خبر من مصدر موثوق
بأن السوق على هبوط حاد بالايام القليلة القادمة
الرجاء أخذ الحذر​

كل شي وارد بس اذا شي ( جائني ) والصحيح ( جاءني ) او جاءك المفروض ما تحطه مانشيت بالمنتدى يالحبيب لان كل المؤشرات طيبة على الرغم من ان التصحيح الصحي لابد منه ولكن الاخبار ايجابية منها رفع التحييد ودخول صناديق مجموعة الخرافي بالشراء القوي واعتبار سهم الهواتف هو القائد الاعلى للسوق

 

[أبو فلسين]

شلوووووووووووووون بعت والرجال كاتب موضوعة بعد ما سكر السووووووووق بربع ساعة ههههههههههههه[/QUOT

هلا والله اخوى المفجر اى عدل كلامك شلون جذى
انا من قريت التحذير وانا صارت عندى قناعه تامه انى ابيع وبعت اليوم بس للاسف رديت وشريت وقلت يمكن أشاعه وداعتك والله اشاعه اتشاقه معاك يا صديقى

 

[أبو فلسين]

السلام عليكم

يمكن بو فلسين عنده آجل اللي اعرف الآجل مايسكر 12:30

أعتقد الساعه 1 اذا ماني غلطان فيمديه يبيع مو عدل ولا أنا غلطان

( قاعد أساعدك وأرقع لك بو فلسين اذكرها لي تالي اذا انا توهقت هههه )

والسوق يا جماعه زين لكن ماكو سوق صاعد على طول والتصحيح

شر لا بد منه شئنا أم أبينا لكن الشطاره نطلع بالربح ونشتري بالنازل

موفقين اجمعين يارب

دايم اشوفك بالمواقف الصعبه تطلع حبيب يا ملك
وهديلك اغنيه ام كلثوم مردوده مردوده والله ما اخليها

 

[أبو فلسين]

صادك ماشالله عليك فطين ههههههههههههههههههههههههههههههههههههههههههههههههههههههههههههههههههههههههههه

بوفلسين عنده شويه خنبقه بس دمه خفيف

تسلم اخوى فانيليا مشكلتى لما اقعد من النوم اكتب بدون شعور بس من شفت التحذير خلاص قلت بايع بايع التحذير يخرع ياخوك وبعدين يقولك 90 بالميه نسبه وايد كبيره وتخوف وانت عارف اخوى صاحب المال جدا جبان بس مادرى اليوم تشجعت وبعت ورديت شريت

 

[أبو فلسين]

اخوى صاحب التحذير مشكور على تحذيرك
ويقولك ابونا العود ناصر الخرافى ناوى على السوق يقولون والله يستر من وكالة يقولون انه راح يتخبط بشراء وبيشترى عشوائى وعن قريب بيعلن افلاسه أذا صدق المصدر معنا مصدرى مو تكانه ويعانى من أنفصام وبتوفيق للجميع