اخواني اعضاء المنتدي اخذت 200الف سهم أجل ببتروغلف بتاريج 2/4/2007بسعر 540 فلس لمدة ثلاث شهور وسعر الفسخ 315فلس وابي رأيكم بالسهم وتحليله الفني للايام القادمه وقبل انعقاد الجمعيه العموميه هل انتظر واخذ التوزيعه اللي هي 10%نقدي و20%منحه؟؟ ولاابيع قبل لايتفسخ السهم ؟؟ علما بأن السهم يتداول بين ال500فلس وال530 فلس ورايكم ضروري
اذا جاك ربح اخوى الهامى بيع ولاتتأخر ولا لحظه ،، وطبعا قبل التفسيخ بيع أفضل لك اذا استفدت وطلعت لك رزقه طيبه ،، لأن بعد التفسيخه ماتضمن يرتفع السهم ومتى..؟؟ ويمكن البدر يضغط على أسهمه ليتخلص بأى طريقه من كميات الآجل ... والله يوفقك ويرزقك ،،
ممكن اختلف مع اختىsweet_laila وانا اسف على الاختلاف. وبراي قم بالتجديد لانك راح تدفع 10% من الدفعه الاخيره مضاف اليه 3% كفائده على المبلغ المتبقى, والذى تعتبر مبالغ بسيطه مقارنه مع ما تم دفعه فى بدايه العقد. مضاف اليه تعتبر بتروخلف من الشركات التشغليه وبدايه العقد الجديد لتأجير ابتدأ فى بدايه الربع الرابع من عام 2006 وحسب التصريح الرسمى لشركه اذا انا مو غلطان الربحيه المتوقعه لليوم الواحد تبلغ 30 الف دينار .ان كانو صادقين بالتصريح. النقطه الاخيره لماذا الخساره بمبلغ يعادل 8000 الاف دينار والذى اعتقد ان السهم فيه خير بالمستقبل وانت فى مرحله توزيع الارباح ولا يزال امامك وقت لتفكير بهذا الموضوع . ولك حر الاختيار والقرار
الله يعينك . اقول بيع ودير بالك تجازف بالاجل . نصيحه لوجهه الله . الا اذا انت من الهوامير . وماتخاف . وعندك فلوس وايد . لايبا دربك خضر . .
صارلي اسبوعين احط امر علي ال540 و ال550 بس للاسف تداول السهم كان بين ال500وال530 وحتي التداول علي ال540 كان بصفقات بسيطه لاتتجاوز ال20 الف سهم عموما مشكورين علي ردكم الطيب وجزاكم الله خير
حاول البيع يوم السبت نصف الكميه 540 والنصف الأخر على 550 0000وهذا افضل 000 لان السوق غير مضمون بعد ان تشبع بالارتفاع 00 والقرار لك0000000000 عندي سؤال لك: هل الشراء تم عن طريق البيوع المسقبيليه اثناء السوق00؟ او الشراء بالاجل بعد انتهاء السوق ؟ لان الفرق كبير!!!!!!!!!!!!!
بيع ياعمى بيع عشر افلسوس اطلع اشتبى بالاجل اودوخت الراس انت تدرى اذا نزل السهم عشر افلوس كم ايخسرك 2000 دينار اوعليك الحساب
مساك الله بالخير أخوي الهامي حبيبي و نور عيوني ابعد ابعد ابعد وخر عن هذولي القروبات لا تاخذ آجل في مجموعة مشكوك فيها اذا ودك تاخذ آجل أخذ على سهم موثوق فيه مثل : الهواتف + الصناعات الوطنية + بيت التمويل + الدار لان ملاك هذولي الشركات يحبون يفصخوووون الآجل الله يوفقك يا الهامي و يرزقك
اشكرك اخوي مضارب علي نصيحتك وبالنسبة للشراء تم عن طريق البيوع المستقبليه اثناء السوق ممكن توضح لي شنو الفرق؟؟
