ممكن تفيدوني!!!!

[ام غمازات]

مرحبا
حبيت اخذ من خبرتكم واستفيد في عالم البورصه
فاذا ممكن اللي يحب يساعدني ويفيدني ويوجهني للطرق الصحيحه للاختيار اكون له شاكره

 

[أوتاد]

اختنا في الله نحييك بتحية الاسلام ..
السلام عليكم ورحمة الله وبركاته ...

وحياك الله ... وان شاءالله تستفيدين منا بجوانب عديده ..

واسال الله العظيم ان يزينك بزينة ((الايمان)) ..

عموما ..لاني احببتك في الله ..توجيهي لكِ سيكون ..

الدين الاسلامي وضع لنا منهج يجب ان نسير عليه ..
ومنها العنايه باختيار الاسماء ..والابتعاد عن الاسماء التي بها نوع
من (الدلع والغنج .والصفات الجماليه)
حتى لايطمع من في قلبه مرض ..!!!

بنت الاسلام والعفاف ... لايرى جمالها الا محارمها ...
وانتِ كذلك ان شاءالله ..
وحياك الله مره اخرى في اسرتنا المحبه لكِ ...

-...-...-...-​

 

[بورصة جمبزه]

حياج الله يا ام غمازات دربالج علي غمازاتج

مرحبا
حبيت اخذ من خبرتكم واستفيد في عالم البورصه
فاذا ممكن اللي يحب يساعدني ويفيدني ويوجهني للطرق الصحيحه للاختيار اكون له شاكره

السلام عليكم ام غمازات شوفي عزيزتي لاحظت مشاركتج وانت يديده بهذا المنتدي وحياج الله بين اخوانج واخواتج ومن شفت مشاركتج تبين تعرفين عن عالم البورصة تذكرت عالم حديقة الحيوان اتغشمر شغله اولي لازم تعرفينه اول شيء واحد عند دخولج الي السوق للشراء او البيع باي سهم لازم تحفظين القاعده الي ابي اقوله لج (( فكري بالخسارة قبل الربح أكرر تفكرين انج تخسرين قبل لا تربحين اذا صارت عندج هذي القناعة بعدها ممكن تمشين علي التحاليل والتي تكون 60 بالميه صحيحه عندي انا ام عندج انتي يبيلج وقت حتي تتأقلمين عموما حياج الله واي استفسار ممكن انا وغيري في المنتدي يردون عليج وهذا المنتدي وضع للجميع موفقه يا ام غمازات (( بيض الخعفق مو نفس فرخ الخعنفق ))

 

[Zero]

والله يا اختى عالم البورصه قذر...

اصحاب شركات خبيثين و نصابين المهم ما علينا , لا بغيتي تشترين سهم شوفي ارباح الشركه و اذا سمعتى خبر عن شركه بتسوى صفقه هم الزين تشترين وسألي الاخوان اهني عن كل سهم تبينه و متى تدخلين عليه ما يقصرون ان شاء الله

 

[بوعدول]

اختي اذا ماعندج خبره بالبورصه كلش ,,, انصحج تابعي البورصه لمدة سنه وتعلمي عدل وخذيلج دوره مبتدئين عشان تعرفين شلون تتجارين بالبورصه

صدقيني ماهي لعبه هذي فلوس انصحج تابعي لمدة سنه على الاقل
وسويلج اشتراك بجريده وقري الاخبار الاقتصاديه وتابعي البورصه عدل وتابعي المنتدى
وذا حسيتي انج فاهمه بالبورصه اشتري
بس نصيحه لا تغامرين بفلوسج
هذي فلوس موووووووووووووووووووووووووووووووو لعبه

 

[فارس العنزي]

مرحبا
حبيت اخذ من خبرتكم واستفيد في عالم البورصه
فاذا ممكن اللي يحب يساعدني ويفيدني ويوجهني للطرق الصحيحه للاختيار اكون له شاكره

حياج الله إختنا في الله
بما إنج وحسب إعتقادي جديده على عالم الأسهم ، نصيحة بشراء الأسهم بغرض الإستثمار ومن خلال المتابعة لسهمج والسوق سوق تأخذين خبره ومع متابعة ما يدور بالمنتديات من نقاشات ومواضيع أخرى عن الأسهم .
وأرشح لكي لللإستثمار :
- بنك بوبيان
- بيت التمويل الخليجي ( سهم أرباحه طيببه وتوزيع الأرباح ممتاز وسعره حاليا مقارنه مع آخر السنة لايعوض 530 فلس )
​

 

[ام غمازات]

اخوي بو عدول انا متابعه البورصه من سنتين وعندي اشتراك بالجرايد واقرا الصفحه الاقتصاديه وادخل موقع البورصه واتابع تحركاتها وودي استفيد اكثر منكم وبنصايحكم ومشكور عالمشاركه

 

[ام غمازات]

شكرا اخوي فارس بس تقدر توضحلي اكثر شلون اقدر استثمر في هالاسهم وربحي يكون على المدى الطويل او القريب ومتى تنصحني اخذهم باي سعر ومتى الهدف للبيع

 

[فارس العنزي]

اخوي بو عدول انا متابعه البورصه من سنتين وعندي اشتراك بالجرايد واقرا الصفحه الاقتصاديه وادخل موقع البورصه واتابع تحركاتها وودي استفيد اكثر منكم وبنصايحكم ومشكور عالمشاركه

إذاً عليج بدورات التحليل الفني ، هي وحدها فقط من تزيدك معرفة وثقه ، والشخص يعرف ماذا يفعل ويعرف وقت الشراء والبيع​

 

[فارس العنزي]

شكرا اخوي فارس بس تقدر توضحلي اكثر شلون اقدر استثمر في هالاسهم وربحي يكون على المدى الطويل او القريب ومتى تنصحني اخذهم باي سعر ومتى الهدف للبيع

اليوم أخذت بيت التمويل الخليجي على سعر 530 فلس ، وناوي أستثمر فيه ، بقولج الأسعار إللي وصله السهم بالأعوام الماضية وإنتي إحكمي وقرار البيع عند تحقيق الأرباح تختلف من شخص لآخر حسب القناعه في شخص يرضى ب 50 دينار وناس 1000 ، يعني قرار البيع راجع لك
العام وصل السهم 790 فلس ( عام 2006 )
أول العام وصل السهم فوق 900 فلس ( عام 2005 )
قبلها وصل السهم فوق الدينار ( عام 2004 )
والسنة هذي الأرباح للربع الأول أكثر بمقدار 26% من العام الماضي
السهم توزيعاته طيبة وسعره حالياً 530 فلس ، إلى آخر السنة ربحانة بإذن الله ( الربح شبة مضمون )​

 

[دكتوراسهم]

منتجعات ويبيله صبر اشوي

 

[ام غمازات]

باي سعر اخذه والهدف كم؟؟ وليش هالسهم نصحتني فيه ؟

 

[بوعدول]

منتجعات ويبيله صبر اشوي

المنتجعات سهم حلو بس يبيله صبر شوي

وصلتني اخبار عنه من فتره طويله ,,, انه ماسك مشاريع بأفريقيا وهي عمل منتجعات وفنادق اهناك تحضيراً لبطولة رياضيه مهمه ،،كأس العالم

واذا غلط اتمنى تصححلي اخوي دكتور اسهم

 

[دكتوراسهم]

بناء على التحليل الفني السهم بين دعم ومقاومه الدعم على 154 والمقاومه على 170

سعر الشراء احتمال يلمس 154 باجر وهو سعر الشراء اذا امكن او 158 والهدف 192 وفيه مقاومه على 170 ان شاء الله يتجاوزها واستوب لوز اى اقفال تحت 150

وعلى ماقلوا الاخوان مره ثانيه جيبي معاج محرم لو سمحتى

 

[بو سليمان1]

المنتجعات سهم حلو بس يبيله صبر شوي

وصلتني اخبار عنه من فتره طويله ,,, انه ماسك مشاريع بأفريقيا وهي عمل منتجعات وفنادق اهناك تحضيراً لبطولة رياضيه مهمه ،،كأس العالم

واذا غلط اتمنى تصححلي اخوي دكتور اسهم

السلام عليكم
اسف على اللقافه
هذا الخبر على ايفا فنادق
كاس العالم فى جنوب افريقيا وعندهم هناك منتجعات وفنادق بمساحات
كبيره جدا

 

[ام غمازات]

بناء على التحليل الفني السهم بين دعم ومقاومه الدعم على 154 والمقاومه على 170

سعر الشراء احتمال يلمس 154 باجر وهو سعر الشراء اذا امكن او 158 والهدف 192 وفيه مقاومه على 170 ان شاء الله يتجاوزها واستوب لوز اى اقفال تحت 150

وعلى ماقلوا الاخوان مره ثانيه جيبي معاج محرم لو سمحتى

شكرا على المعلومه


بس كم اقفاله سهم المنتجعات واعلى فكره اعتقد انه هو تابع لشركه المال والمال اعلنت خسارتها اليوم!! شنو تعليقكم ؟؟

 

[بو سليمان1]

شكرا على المعلومه


بس كم اقفاله سهم المنتجعات واعلى فكره اعتقد انه هو تابع لشركه المال والمال اعلنت خسارتها اليوم!! شنو تعليقكم ؟؟

شلون متابعه السوق من سنتين
اعتقد انها تابعه مجموعه البحر

 

[ALMFJR]

شباب شفيكم عالبنية البنت طلبت النصيحة والمشورة قدموها لها بدون طنازة يعنى حلوة هالطريقة بحق البنت وهى بنت ديرتكم اجل شلون لو وحدة من برة هدوا اللعب شباب بالنسبة لطلبك اختى شوفى السوق تقريبا فية مجاميع مثال اجيليتى تبعها السلطان ووطنية عقارية وبيان والمجموعة الثانية مجموعة المجموعة د ركزى عالاسم المجموعة د اسم لسهم بالسوق ومعاة جراند واصول وبتروغلف و السياحية والخرافى لة جروب المهم ان شفتى مثلا وخاصة اجيليتى جروبها تحرك دخلى عالسهم مثلا السهم بسعر 630 سلطان اطلبى معاهم وشيكى بسرعة مع دلالج ان عطوج اعرضية بنفس اليوم بال 640 او 650 كيفج عاد وترى المجموعة د وجراند محملين بالارباح واجيليتى وسلطان ووظنية اعتقد مانى متأكد والارباح يعنى من تشترين السهم يحق لج فلوس بالسهم غير اللى دفعتية راح يعطيج زود وسلامتجو طبعا اسعارهم كل ما تقرب جمعيتهم كل ماطارت فوق وجمعيتهم يقولون 20/5 وسلامتج اتمنى وضحت الصورة لج وسامحينا عالاستقبال من الشباب بس ترى يحبون يضحكون معاج الظاهر لان ماكو بنات بالمنتدى كثير

 

[bo salem]

مافي شي مضمون بهالدنيا بس لو انا بدور شي احتمال يكون مضمون او على الاقل اذا ما ربحني باجر على الاقل ماراح يخسرني اطلب المجموعة الدولية.395 او قل ------ او اطلب جلوبل .690 من الصبح يعني الساعة 8:50 (اتكلم عن نفسي لا تقولين وهقني)

 

[ALMFJR]

اتمنى انج لاحظتى الشركات اللى اشرت لج عليهم وجم ارتفعوا اليوم وترى الاسبوع الجاى هم راح يرتفعون والله اعلم وبالتوفيق
خاصة المجموعة وجراند