الصيف قادم احموا بيتوكم من الحر

[Master-Leo]

الصيف بلش عندنا والحر قام يزيد الله يعين انا كاتب هالموضوع عشان أنبهكم ياجماعه

حطوا بالكم احتمال يصير قطع مبرمج للكهرباء والماء فاللي مايقدر يعيش بدونهم ( منو فينا يقدر بهالحر )

يشتري مولد كهرباء قبل لاتغلى أسعارهم بالأزمه المتوقعة

على الأقل لو يشغل لكم وحدة تكييف وثلاجات وتلفزيون يونسكم

وحتى خزانات المياه اذا بس عندكم واحد اشتروا واحد ثاني

الشركات اللي المفروض يقومون بدور الصيانه و الطوارىء لمحطات الكهرباء

لصيف 2007 مختلفين أعتقد مع الحكومه أو لجنة المناقصات ووحدة منهم

شركة بتك اعتقد اللجنه طالبه منهم مبالغ تأمين والشركات مو راضية

ملاحظة : ترى ماعندي شركة تبيع مولدات كهرباء مو دعايه لا لي ولا لهم

بس الاحتياط واجب عشان لا أحد يتفاجأ اذا صارت أزمه والأسعار تشعلل

 

[فراموش]

انزين اذا شريت مولد كهرباء

شلون استفيد منه ؟

وحق شنو مثلا ,, يشغل التكيف هو !!

ترى انا ما عنده فكره لمثل هذه الامور

وشكرا

 

[al7bebe]

لوتدري عن الماء الذي تشرب منه كل يوم ؟

احد الشركات في الكويت عملت امامي اختبار لجهاز متخصص في التحلية لماء الشرب وخلال 2 دقايق داخل كوب الماء تلوث الماء كأنه لون مياه المجاري بل اكثر من ذلك.
ونسبه الملوحه اكثر من 450%
--
وان بيابات المياه التي تخرج من محطة التقدير مضى عليها اكثر من 50عام ولم تجدد .
--
والغريب والادهى من ذلك انهم يريدون رفع الاسعار لمياه ملوثه لاتصلح للريء او الشرب.
--
ودمتم سالمين.

 

[Master-Leo]

يعتمد على قوة مولد الكهرباء

كلما زادت قوته طبعا ممكن يشغل لك أكبر عدد ممكن

من الأجهزة الكهربائية شوف قياس الوات وقت الشراء

واسأل اللي يبيعون شنو تقدر تشغل بالضبط بهالمولد

بعض المولدات أسعارهم غاليه بين 500 - 1000 دينار

وفي بعضهم على 200- 300 دينار حسب الاحتياج

وفي بعد مولدات مستعمله اذا تبي شي أرخص

اختر المولد وقوته حسب احتياجك ماله داعي تقط فلوس زياده

على شي ماراح تحتاجه يكفي يشغل لك وحدة تكييف وثلاجه وتلفزيون

والقطع اعتقد اذا بصير ساعات محدده يعني مو طول اليوم

 

[Master-Leo]

احد الشركات في الكويت عملت امامي اختبار لجهاز متخصص في التحلية لماء الشرب وخلال 2 دقايق داخل كوب الماء تلوث الماء كأنه لون مياه المجاري بل اكثر من ذلك.
ونسبه الملوحه اكثر من 450%
--
وان بيابات المياه التي تخرج من محطة التقدير مضى عليها اكثر من 50عام ولم تجدد .
--
والغريب والادهى من ذلك انهم يريدون رفع الاسعار لمياه ملوثه لاتصلح للريء او الشرب.
--
ودمتم سالمين.

اشوف أجدادنا وآبائنا شربوا ليما قالوا بس ماصار فيهم شي

بس احنا مادري شفينا اللهم ياكافي من الواحد يصير عمره 30

تسكرب وسبة الأكل والشرب اللي عندنا

والواحد شسوي من وين يشرب اذا شربنا مياه معدنيه قالوا تسوي

فيكم حصى بالكلى واذا شربنا ماي بحرنا قالوا فيه تلوث من وين

انييب الماي يعني

 

[قلم حر]

احد الشركات في الكويت عملت امامي اختبار لجهاز متخصص في التحلية لماء الشرب وخلال 2 دقايق داخل كوب الماء تلوث الماء كأنه لون مياه المجاري بل اكثر من ذلك.
ونسبه الملوحه اكثر من 450%
--
وان بيابات المياه التي تخرج من محطة التقدير مضى عليها اكثر من 50عام ولم تجدد .
--
والغريب والادهى من ذلك انهم يريدون رفع الاسعار لمياه ملوثه لاتصلح للريء او الشرب.
--
ودمتم سالمين.

كذابين اصحاب هذي الشركات وركبنا عندهم فلتر يخلي الماي
صحي على قولتهم
وحضر مندوب الشركه عند صديقي ليعمل عنده التجربه اللي
تطلع ماينا ماي مجاري وكله طحالب واعطيت صديقي كوب ماي
من الفلتر اللي مركبينه عندهم ولكن دون علم المندوب النصاب
ليعمل عليه التجربه واخبر صديقي المندوب ان هذا الماي من
برادتهم
النتيجه ان الماي طلع ماي مجاري وكله طحالب وغير صالح للشرب
ولما اخبرنا المندوب ان الماي هو من الفلتر الخاص بشركتهم اعاد
التجربه وطلع الماي نظيف يسرسح
يعني النظافه والطحالب هي خاصه بجهاز الاختبار اللي عنده بكيف
المندوب يبيه نظيف يطلع نظيف يبيه مجاري يطلع مجاري

وهذا للتوضيح وشكرا للجميع

 

[مكتتب]

انا افضل لو كل واحد يشتري جنريتر بالاقصاد علشان ما يحس لمن تنطفي الكهربا نفس المستشفيات
شرايكم

 

[انطلق2]

ولهنا على نومه السطح...

 

[aziz777]

انا افضل لو كل واحد يشتري جنريتر بالاقصاد علشان ما يحس لمن تنطفي الكهربا نفس المستشفيات
شرايكم

والله لو اخوي اتوضحلي اشلون صاير وجم سعره وحجمهبعد

 

[Master-Leo]

ولهنا على نومه السطح...

نومة السطح ونومة الحوش كانت أحلى نومه أيام الجاهليه قبل

25 سنه بس وقتها الجو كان حلو على الأقل مو حر مثل الحين

والله لو اخوي اتوضحلي اشلون صاير وجم سعره وحجمهبعد

اي والله أضم صوتي لك انا ماعندي خبره وايد بمولدات الكهرباء

شنو احسن ماركات انا سامع عن هوندا وسوزوكي بس مادري

جم أسعارهم وشنو أنسب واحد لنا اذا نبي نشغل وحده تكييف

وتلفزيون وثلاجه وجم لمبه طبعا

 

[الوسيط1]

والله جدانا كانوا يشربوون ماي هماج وعاشوا فوق 90 سنة ويموتون موته طبيعيه..بس الحين الواحد يافشل كلوي..ياسكري يا التهاب كبد...يبه اقوولكم على شئ.
قولوا كما اخبركم نبي الله صلى الله عليه وسلم ..بسم الله قبل الشرب والاكل..وحافظوا على الصلاة بوقتها وادعية الصباح والمساء..والله تصح ابدانكم وتطول اعماركم..
وشكراااا

 

[Master-Leo]

برفع الموضوع للتذكره ياجماعه ، قطع الماء الظاهر بدأ

لأن أمس ولد عمي في سلوى قالي قطعوا الماي عندهم

لفتره مادري اذا ردوها اليوم ولا لأ فأخذوا احتياطكم اللي

يبي يترس ماي ولا يشوف له صرفه لا حول ولا قوة الا بالله

الله يعينا على باجي شهور الصيف

 

[TheDark]

يعطيك العافيه

 

[وسع صدرك]

السلام عليكم
تذكرون الوزير بورقبة اللي قال الكويت بعد كم سنة ستمر بازمة ماء وكهرباء الظاهر ابلغ الحكومة وما ردوا عليه اعلنها بالجرايد
الحل هالايام البعض من الناس يحطون مكينة كهرباء "مولد"ويغيرون الديبي مال الكهرباء ويحطون واحد نوعه بوسكينه بحيث لو طفت الكهرباء ينزل السكين تشتغل المكينه وتغذي المنزل بالكهرباء
القوه حسب طلبك طبعا كم مكيف بتشغل وكم ثلاجه ؟ كل ما زاد العدد زاد حجم المولد وسعره
الله يعينكم ويانا " لاحظ دوله فيها فائض ولم تسقط القروض على المواطن ولم تعطي زيادة في اساسي الراتب للعسكريين "اساسي ضعيف" والمدنيين
ولديها ازمة كهرباء!!!!!!!!!!!!!!!!!!!!!!!!
ما هي الاسباب يا ترى؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[سهم مرتاح]

قولوا كما اخبركم نبي الله صلى الله عليه وسلم ..بسم الله قبل الشرب والاكل..وحافظوا على الصلاة بوقتها وادعية الصباح والمساء..والله تصح ابدانكم وتطول اعماركم..

ياسلام عليييييك...كلامك 100%