السوق اخضر وسهمك احمر !!

الموضوع في 'السوق الكويتي للأوراق الماليه' بواسطة boalons, بتاريخ ‏18 مايو 2007.

  1. boalons

    boalons عضو محترف

    التسجيل:
    ‏17 سبتمبر 2003
    المشاركات:
    4,058
    عدد الإعجابات:
    0
    مكان الإقامة:
    KUWAIT
    من اكبر الاخطاء باعنقادي والي كثير جدا من المتداولين يقعون فيها توقيت الشراء الخاطئ وعدم وقف الخساره في حال نزول السهم
    وبعد ماكان يتأمل المسكين بربح 10 او 20 بالميه يشوف نفسه خسران اضعاف الي كان يفكر يربحه
    وتمر الايام والاشهر والسنين !! والسهم اما بنزول او بمكانه والمتداول المسكين يمني النفس براس المال بس وتوبه منك ياسوق

    السؤال المهم شنوا السبب الي يخليك متمسك بالسهم ومتأكد انه راح يرجع لاسعاره القديمه ؟

    اذا كان اداء الشركة ممتاز وارباحها تشغيليه وبنموا متزايد ومكرر ارباحها منخفض فيمكن يكون نزول السهم غير مبرر و يحقلك انك تحتفض فيه على اساس انه يرجع لاسعاره القديمه وقيمته العادله

    لكن اذا الشركه وضعها سيئ او ارباحها بانخفاض او عندها مشاكل او ماشابه , ليش تحتفظ بالسهم !! وليش تتوقع ان يرجع لاسعاره القديمه في هذا الوضع السيئ ؟

    اذا كنت من النوع الاول وسهمك ممتاز يمكن يحقلك انك تحتفظ فيه
    لكن اذا كنت من النوع الثاني وسهمك سيئ الافضل انك تبيعه وتشوفلك سهم ثاني وضعه ممتاز وتخطط انك ناخذ منه ربح يعوضك خسارتك او حتى جزء منها

    المشكله الي يواجها اغلب الي انصحهم بتغيير مراكزهم هي خوفهم من صعود سهمهم بعد مايبيعونه !!
    بهذي الاشياء الواحد لازم يكون حازم وماينجر وراء عواطفه حتى لو صعد سهمك لاتندم لانك سويت الشي الصح

    والله يبعدنا عن الخساير
     
  2. قاروه

    قاروه بوعبدالعزيز

    التسجيل:
    ‏22 نوفمبر 2005
    المشاركات:
    7,976
    عدد الإعجابات:
    3,656
    والله ياخوي كلامك عدل
    واضيف عليه ان راس المال جبان
    والواحد من يشوف سهمه نزل يعيش بوهم ان باجر بيصعد وباجر ينزل ويقول الي عقبه الخ لين ما يكون نص راس المال طار تحت بند خساره غير محققه (ويقولك صرت مستثمر)
    الاهم والاهم والاهم تطبيق مبدأ وقف الخساره وعدم التعاطف معه ضرب الستوب لوز شوووته والله يعوض بغيره
    وتحديد اتجاه المتداول نفسه ادا كان مضارب او مستثمر من قبل الدخول للسوق
    ومعرفه اساسيات التداول والتعامل معها
    والشراء عند الدعم والبيع عند المقاومه
     
  3. osamaism

    osamaism عضو نشط

    التسجيل:
    ‏14 يناير 2006
    المشاركات:
    456
    عدد الإعجابات:
    0
    اى والله كلامكم عين الصواب
    والحمد لله ، بعد ما صرت اطبق هذى النصايح ، رجعت راس مالى والحين قاعد احقق ارباح
    بس اهم شىء هو القناعه ، والرضى بما يرزق الله
     
  4. خبير النفط

    خبير النفط عضو نشط

    التسجيل:
    ‏15 يناير 2007
    المشاركات:
    4,638
    عدد الإعجابات:
    54
    احسن حكمه استفدتها من احد الاخوان الذى سبقنى فى التعامل فى الاسهم تقول ( تتحسف ربحان ولا تتحسف خسران ) والرزق فى النهايه من رب العالمين
     
  5. alshammery

    alshammery عضو نشط

    التسجيل:
    ‏7 نوفمبر 2004
    المشاركات:
    891
    عدد الإعجابات:
    20
    انا اشوف ان المفروض نستخدم قاعدة وقف الخسارة فى حالة هبوط السعر بشكل مخيف بحيث تكون الطلبات الشرائية ضعيفة والبيع قوى كمثال بعض المستثمرين اللى اعرفهم شارى المشروعات م د بكل ما يملك وباسعار فوق ال700 فلس والسهم صار لة سنة تحت ال200 فلس ولاارباح للتوزيع ولاهم يحزنون السعر الحالى134 فلس كان اللة بعونة .. انا نظامى فى البورصة اذا شقت النزول مع قلة الطلبات وكثرة العروض ابيعة براس مالة اوخسارة بسيطة افضل من انى اتدبس بسهم يكمل نزول واشوف حلالى يتاكل ولاحول ولاقوة واروح لسهم ثانى يكون متماسك واخبارة طيبة مع مجلس ادارة تصريحاتة مضبوطة وصحيحة ويهمهم مصلحة المساهمين شوفوا الشركات اللى ارباحها قليلة وتوزيعاتها ممتازة وبعد التفسيخة مافى شهر وترجع لاسعارها القديمة وفوق................
     
  6. بوجاسم2

    بوجاسم2 عضو جديد

    التسجيل:
    ‏17 ديسمبر 2006
    المشاركات:
    500
    عدد الإعجابات:
    0
    السلام عليكم

    يعطيك العافية اخوي boalons على موضوعك

    للأسف إن الكثير من صغار المضاربين، ما يتابعون السهم لمدة كافية قبل ما يدشون عليه.

    فالمضارب قبل ما يدش عالسهم، لازم بالأولى يشوف شارته على مدى سنة وأكثر، مع لحاظ حال السوق في كل فترة من فترات صعوده ونزوله على الشارت.

    ويشوف أيضا نقاط الدعم والمقاومة جيدا.

    ويقعد يتابع السهم من غير ما يشتري ويشوف اشلون يصعد واشلون ينزل ... الخ.

    فهذه نقاط مهمة حتى الواحد يكون في السيف سايد.

    ونقطة ثانية ... وهي نصيحة، ان الواحد ما يدش على السهم اذا صار عليه حجي وايد وصار الكل يبي يدش عليه ويشتري.

    السهم اللي مثل هذا يخوف حيل، فوخروا عنه ، والأمثل كثيرة عندنا في البورصة وآخرها البنك التجاري.

    الله يوفج الجميع

    تحياتي :)
     
  7. امبركو

    امبركو عضو نشط

    التسجيل:
    ‏11 فبراير 2006
    المشاركات:
    6,214
    عدد الإعجابات:
    10,478
    كلامك عين العقل أخوى أبو الأنس ،،
    وهذا اللى قاعد يصير لنا بالضبط ،، التأمل برجعة السهم الى سعره
    وآخرتها الخسار تتراكم مع ضياع الوقت والفرص بأسهم ثانيه تعوض رأس المال او جزء منه أفضل من الانتظار بالسهم نفسه..
     
  8. Chess

    Chess عضو نشط

    التسجيل:
    ‏19 أكتوبر 2005
    المشاركات:
    429
    عدد الإعجابات:
    3
    طيب سهم أرباحة خيالية بالنسبة لسعرة لكنة مظغوط بشكل غير طبيعي
    حتى بالتحليل الفني يخلية يحتار ليش أقفل على هذا السعر ما يلاقيلة عذروب ولا حتى عذر ... وبعدين الأخبار و الأشاعات اتحوم حوالية حوم لكن سعرة في تدهور ....

    عرفتوة ؟!
     
  9. متداول_1

    متداول_1 عضو نشط

    التسجيل:
    ‏16 ابريل 2007
    المشاركات:
    782
    عدد الإعجابات:
    8
    احسنت وبارك الله فيك
     
  10. FLOOD

    FLOOD عضو مميز

    التسجيل:
    ‏23 يناير 2006
    المشاركات:
    2,472
    عدد الإعجابات:
    1


    خلاصة خلاصة فنيات التداول بارك الله فيك
     
  11. بوعلي11

    بوعلي11 عضو جديد

    التسجيل:
    ‏20 ابريل 2007
    المشاركات:
    240
    عدد الإعجابات:
    0
    كلامك عين العدل
     
  12. dawood

    dawood عضو مميز

    التسجيل:
    ‏12 أغسطس 2006
    المشاركات:
    986
    عدد الإعجابات:
    0
    مكان الإقامة:
    الكويت
    في طريقة للاخوان الخسرانيين والي اسهمهم نازله .... باتباع طريقة البيع والشراء البطيء للسهم الخسران فيه ، وذلك حسب موجات الرسم البياني .... فيبيع في اعلى الموجه قدر الامكان ويشتري بادنى الموجه قدر الامكان .... اشوي اشوي لما يعوض بعض خسايرة

    بس لازم يشترك في الرسوم البيانية المتجدة بالدقائق وليس بالايام.
    وان شاء الله محد يخسر
     
  13. بومشاري

    بومشاري عضو جديد

    التسجيل:
    ‏20 أغسطس 2005
    المشاركات:
    2,011
    عدد الإعجابات:
    0
    مكان الإقامة:
    الـكــــــــــــو يـــت

    كلامك عدل وجزاك الله خير
    فيه أحد الاخوان نصحني في حاله نزول السهم
    بيع قبل لا تصل الخسارة 30% من سعر الشراء
    للامانه حاولت أطبقها لكن أحيان أتأمل بالصعود
    اكر شكري لك
     
  14. بومشاري

    بومشاري عضو جديد

    التسجيل:
    ‏20 أغسطس 2005
    المشاركات:
    2,011
    عدد الإعجابات:
    0
    مكان الإقامة:
    الـكــــــــــــو يـــت
    أخوي داوود
    شلون نشترك بالرسوم البيانيه المتجددة اذا ممكن
    مع الشكر
     
  15. dawood

    dawood عضو مميز

    التسجيل:
    ‏12 أغسطس 2006
    المشاركات:
    986
    عدد الإعجابات:
    0
    مكان الإقامة:
    الكويت
    في وايد شركات بس اعتقد ارخصهم ...... http://***********.com
     
  16. بومشاري

    بومشاري عضو جديد

    التسجيل:
    ‏20 أغسطس 2005
    المشاركات:
    2,011
    عدد الإعجابات:
    0
    مكان الإقامة:
    الـكــــــــــــو يـــت

    مشكور طال عمرك