شركة لؤلؤة الكويت العقارية ( لؤلؤة ) ... 2

[رابح رابح]

عين العقل. كلام منطقي.
يلومون هيئة أسواق المال على تشددها في الرقابة على التسريبات
و المعلومات الداخليه ..و تكسب مجالس إدارات شركات فاشله من على
ظهور صغار المساهمين المغلوبين على أمرهم.

الصراحة الله يعين هيئة سوق المال والضحايا من صغار المساهمين
والكلام غير مقبول لان شركة عقارية تبرر خسائرها بتشدد هيئة سوق المال .. هذا الكلام يعتبر اعتراف بان الشركة معتمده على المضاربات
وبعدين انا مستغرب وين راحت الاصول العقاريه والابراج معقوله تقييمها اقل من 20 % من راس المال بعد التخفيض

 

[debtor]

بس يا جماعة منو كان يشتري ويدري انه الشركة بتنسحب
بيفتر راسي!

 

[BOAHMAD]

بس يا جماعة منو كان يشتري ويدري انه الشركة بتنسحب
بيفتر راسي!

لايفتر راسك ولاتحتار
اعتبر نفسك انت عندك مجموعة اسماء من اهلك وتتداول لهم
تشتري باسم ولدك وتبيع على بنتك وتشتري باسم زوجتك وتبيع على نفسك
وعلى هالحاله

 

[لاعب بورصة]

ههههه ابو احمد اختصرت الموضوع بكل البورصة اصلا

 

[BOAHMAD]

ههههه ابو احمد اختصرت الموضوع بكل البورصة اصلا

تقصد ان البورصه كلها ماشيه چذي ؟؟؟
يعني الاستثمارات تبيع وتشري بين صناديقها ؟؟
المركز المالي يبيع ويشتري بين صناديقه ؟؟
وانا وانت ندخل معاهم ونتوهّق ؟؟؟

جايز ليش لا

 

[لاعب بورصة]

ابو أحمد انظر الى الأسماء بالشركات تلقا اقربائهم في البنوك واخوانهم وعيالهم بالوسطاء والصناديق الاستثمارية يتبعون بعضهم منذ بدأت البورصة بالكويت لأن البورصة محلية مغلقة !!

وكل مجموعة حايشة حولها شبك والرجعان منذ زمن يساعد الشركات ومن يحبهم وهيئة الاستثمار تحوفهم فاللعب شلون صاير يا اخوي ووضحت بالأزمة وصلعوا وقامو يطلبون من الحكومة مساعدات واستقرار مالي ووصلت الى الطرارة علني او يروحون وللمحاكم واغلبهم عنده أصول ولا يبي يبيع ويحاولون جدولة ديون كثر مايقدرون حتى ربع غرفة التجارة اللي أسمائهم في بعض الشركات ومنها أعيان للأجارة ضبطو الجدولة تعتقد هالتجار ماعندهم كاش وقروش يسددها بالكامل وكل شوي تنزل صورهم من اغنياء العالم ؟؟

 

[لاعب بورصة]

وعلى فكرة راعي السحي مايشق خيط بأبرة الى مع حمد قلم قايله ويشتغل عنده ربعنا يحبون يشتغلون بالتجارة ولازم بالكويت undercover عن الحسد والعين وصداع الراس $_$

 

[الحزين1]

ياجماعه محمود حيدر وشركاته مايخفون من الله مايقولون ان الناس تعبانه على فلوسهم وحاطينها بسهم علشان يربحون ويعدلون حياتهم الاجتماعيه ويوفرون حق اعيالهم عيشه طيبه بس الله موجود احنا ناس على قد حالنا مالنا الا الدعاء على هولاء اللي قاعدين يلعبون بفلوسنه حسبي الله ونعم الوكيل

 

[BOAHMAD]

ابو أحمد انظر الى الأسماء بالشركات تلقا اقربائهم في البنوك واخوانهم وعيالهم بالوسطاء والصناديق الاستثمارية يتبعون بعضهم منذ بدأت البورصة بالكويت لأن البورصة محلية مغلقة !!

وكل مجموعة حايشة حولها شبك والرجعان منذ زمن يساعد الشركات ومن يحبهم وهيئة الاستثمار تحوفهم فاللعب شلون صاير يا اخوي ووضحت بالأزمة وصلعوا وقامو يطلبون من الحكومة مساعدات واستقرار مالي ووصلت الى الطرارة علني او يروحون وللمحاكم واغلبهم عنده أصول ولا يبي يبيع ويحاولون جدولة ديون كثر مايقدرون حتى ربع غرفة التجارة اللي أسمائهم في بعض الشركات ومنها أعيان للأجارة ضبطو الجدولة تعتقد هالتجار ماعندهم كاش وقروش يسددها بالكامل وكل شوي تنزل صورهم من اغنياء العالم ؟؟

كلامك صحيح
والكاش لعلمك شي مخشوش وشي مهربينه مستحيل يشتغلون فيه
هذي طريقة الاغلبيه يخش الكاش ويشتغل بالقروض
صار ماصار انحاش بالكاش والبنوك تدبّرها الحكومه
اكبرها واسمنها من الاسامي اللامعه بمجال العقار عقاراتهم مرهونه للبنوك ماخذينها اجاره

 

[لاعب بورصة]

لاحظ البورصات الخليجية شراء اجانب للاسهم عن طريق مبادلة او محفظة بنكية او صندوق استثماري وهنا يلعب دور الموازنة والحركة لذلك تلاحظ ان تشتري سهم بالخليج خلال 5 سنوات كل سنة بتصاعد حتى قبل 6 شهور يعطيك اكثر من 3 سنوات سابقة

لكن الكويت التي تتعامل بالوحدات القديمة ومابغو يعدلونها والانظمة القديمة اللي يبون يطولونها على ماتتغير تعرف مثل مكاتب التجار القديمة تلفون مدور وصبي جاي ويتكلم بسيجار لأن عقليته مايبون التطور باعتقادهم انه راح ينهي حفلاتهم الماجنه بالبورصة والاستحواذ على المناقصات وبذلك الوضع الحالي تمام له ومناقصات الكويت يضعها باستثماراته خارج الدولة منذ الأزل !!!!!!!!!!!!!!!!!!!!!!!!!!! شي في مسقط و الامارات و البحرين و مصر والمغرب حتى وصلوا الى البنوك السويسرية التي تضخمت بحسابات من موظفين لدى الحكومة مثل الرجعان ؟؟؟؟؟؟؟؟؟؟؟؟؟؟؟؟؟؟؟ رسالة من بنك سويسري للخارجية الكويتية ان هذا الشخص غير مهيأ لأدخال مليارات بحسابة وعلى الكويت ان تبحث امره تنفيذا لامور غسيل الاموال وانظمة بازل 1 و 2 و 3 العالمية - كلهم منتفعين مع بعض فما بالك بالتاجر الكويتي السمين

 

[السعد محمد]

كلامك صحيح
والكاش لعلمك شي مخشوش وشي مهربينه مستحيل يشتغلون فيه
هذي طريقة الاغلبيه يخش الكاش ويشتغل بالقروض
صار ماصار انحاش بالكاش والبنوك تدبّرها الحكومه
اكبرها واسمنها من الاسامي اللامعه بمجال العقار عقاراتهم مرهونه للبنوك ماخذينها اجاره

الكاش والقرض كله كاش

 

[صقر2010]

شالجديد ؟؟!

 

[سهمى خضر]

الجديدفي هذه الشركه غامض جداً وعليك ان تتخذ قرارك الحسم، سواء بيع او شراء!
وكما ترى يوجد عورض وطلبات
وسوق الكويت بالذات غريب الاطوار بجميع المقايس
دمت بود ورب العالمين يستجيب دعوة المضلوم
ولو بعد حين

 

[أبو عمر]

السلام عليكم
السهم مع الأسف رايح 20.5
والله اعلم

 

[سهمى خضر]

اوووووف
الله يعين مالنا غير الله سبحانه
مشكور بوعمر لاهنت

 

[debtor]

السلام عليكم
السهم مع الأسف رايح 20.5
والله اعلم

مساك الله بالخير وعساك عالقوة ....لفت انتباهي تحليلك للسهم وما شاء الله عليك
وأنا بعد متابع تحليلك للسوق عامة انه في نزول الى حين
شرايك فنيا بارك الله فيك
السهم راح 20.5 و 20 فلس
بس مو اغلاق
تفرق؟
وين ممكن نصيده

ودمت بخير وكرامة وجعل الله قلبك عامرا بطاعته وجزاك الفردوس في الاخرة

 

[صقر2010]

السلام عليكم
السهم مع الأسف رايح 20.5
والله اعلم

اليوم بردت ع كميتي واطلبه ب20.5
ويعطيني ويعطي ال20 ثلاث مرات
وطلبت ب21.5 وماعطاني لآخر السوق


اعتقد والله اعلم
هذا آخر نزوله

 

[Albaghdadi]

هذي الشركه مو بتنسحب من السوق ؟

 

[debtor]

هذي الشركه مو بتنسحب من السوق ؟

مساك الله بالخير أبوأحمد
هذا الكلام صحيح بتنسحب من السوق
بس تو الناس على الانسحاب

 

[أبو عمر]

مساك الله بالخير وعساك عالقوة ....لفت انتباهي تحليلك للسهم وما شاء الله عليك
وأنا بعد متابع تحليلك للسوق عامة انه في نزول الى حين
شرايك فنيا بارك الله فيك
السهم راح 20.5 و 20 فلس
بس مو اغلاق
تفرق؟
وين ممكن نصيده

ودمت بخير وكرامة وجعل الله قلبك عامرا بطاعته وجزاك الفردوس في الاخرة

اليوم بردت ع كميتي واطلبه ب20.5
ويعطيني ويعطي ال20 ثلاث مرات
وطلبت ب21.5 وماعطاني لآخر السوق


اعتقد والله اعلم
هذا آخر نزوله

السلا عليكم
يا اخوان ما حد يقدر يحلل سهم كون قاع جديد الحين بالاضافه الى موضوع انسحابه من البورصه
اي ارتداد سيكون مضاربى
والله أعلم
اعذروني