الولايات المتحدة تخفض الدولار عمدا ...و ليس الموضوع مرتبط بكارثة اقتصادية...بل لتجنب كارثة اقتصادية. طبعا بدون ادنى اعتبار للدول المرتبطة عملتها بالدولار او الدول المنتجة للنفط و التي يحدد سعر برميلها الدولار.
الاسباب الرئيسية لتعمد خفض سعر الدولار:
1- مواجهة ارتفاع سعر برميل النفط. اذا سعر البرميل و راضي ينزل...انزل العملة اللي يتعاملون فيها!
2- مواجهة العجز في الميزان التجاري مع اكبر الاقتصادات في العالم مثل الصين. لما انزل عملتي و ايي اشتري من الصين البضاعة بتطلع علي اغلى من قبل...فأقلل من الاستيراد من بره...و ارد اشغل مصانعي داخل الديرة اللي تصكرت بسبب ارتفاع سعر الانتاج مقابل البضائع المستوردة...اما الحين تقريبا نفس الشي او قل بكثير من قبل.
3- لما تشتغل المصانع..و بترد الوظائف تزيد و بتقل نسبة البطالة.
4- بيقل معدل التضخم بسبب ان الفلوس تدور داخل الديرة اكثر من قبل...ايام اغلب البضائع مستوردة.
طبعا هل الخطوات لازم تتبعها خطوة تقليل سعر الفائدة على الدولار
عشان التجار و اصحاب رئوس الاموال تشغل فلوسها بالسوق (البورصة(بانت اثارها مبكرا ..الداو قمة تاريخية) - العقار- المصانع اللي صار الجو تنافسي لها بعد الاسباب اعلاه- الخ).
اما بالنسبة لنا احنا...فلنا الله...ركضة رحنا ربطنا بالدولار....كلمن طق طبله قال انا قبله...
كان خطأ من الاول بس كانوا يقولون عشان العملة الخليجية و مش عارف اييش..لا شفنا العملة الموحدة ولا راح نشوفها..
الفائدة راح تنزل ولا لأ؟
في سلبيات و في ايجابيات
بالنسبة للمديونيين..و للبورصة طبعا ايجابية.... لان الودائع بتقل و بيتجة جزء منها للبورصة .
و جزء آخر راح يتجه للعقار..و اهنية النقطة السلبية...راح ترتفع اسعار العقارات...الا اذا فعلوا قانون الضريبة على الاراضي الفضاء....و زادوا النسبة عليها..بحيث تطلع على اللي مفكر يحتكر الأراضي اغلا من بيع السوق اذا فكر يشتري اراضي و يحتكرها لوقت و يفرض سعرها بعد فترة.
و الموضوع متشعب و طويل...
الزبدة...لحد يفكر ان المحافظ او اي راس بالبلد يفكرون بالناس و مصالح الناس..
الله يكون بالعون..
و الله اعلم و السلام
بالنسبة للعقار و
