قصيدة وعرس واحد خسران في الاسهم

الموضوع في 'إستراحة المنتدى' بواسطة الهامي, بتاريخ ‏24 مايو 2007.

  1. الهامي

    الهامي موقوف

    التسجيل:
    ‏19 أغسطس 2006
    المشاركات:
    862
    عدد الإعجابات:
    0
    [​IMG]
    وهذه قصيدة واحد خسران في الاسهم


    [بين الأمـل والرغبـه الذاتيّـه

    واحلام كانت من قبـل ورديّـه

    قرّرت ابيع اللي وراي ودونـي

    وافتح بها لي محفظـه بنكيّـه

    أبيع فيها واشتـري فالأسهـم

    واحقّق ابْهـا كـلّ حلـمٍ ليّـه

    ويصير لي عقب الرصيد الخالي

    أكثر من المليون لـو بشويّـه

    مبلغ بسيط اعدّل ابْه اوضاعـي

    واحسّن ابْه اوضاعـي الماليّـه

    واشريبه أطلق فلّةٍ فـي مكّـه

    على شـوارع اربعـه مبينيّـه

    واليا لمحني واحـدٍ فالشـارع

    سلّـم ومـدّ يديـه يـمّ ايديّـه

    وقال انت شيخ البورْصَه امْحمّد

    إسمك يردّد بيـن ذيـك وذيّـه

    وانا بلهجة واثـقٍ مـن نفسـه

    أردّد ايـه وعاشـت الحـريّـه

    هذا بفضل الله ثـم مجهـودي

    وهذي نتاج الخطّـه الخمسيّـه

    وهذي ترا ماجاتلـي بالساهـل

    تبْغا دراسات وخطـط علميّـه

    وعلى العموم احلام لوّ احْسِبْها

    يبْغالـي انظـم لجلهـا الفيّـه

    مِنْ أجل هذا بَرْجع لْموضوعـي

    والقصّه اللـي بيّحـتْ خافيّـه

    قصّه بدايتها جمعـت فلوسـي

    اللي سلَفْ واللي وصَلْ عانيّـه

    مِن لابتي ربعي عصابة راسـي

    أهل الفخـر والعـز والجاهيّـه

    واخذت انا المبلغ بوجه السرعه

    للراجحـي وتسوقنـي رجليّـه

    ومِنْ يوم جيت البنك فيّه رحّـب

    وقال استريح وحاجتك مقضيّـه

    ولاطَلَعْـت الاّ وانـا محفظتـي

    مِعْطيني الها ارْقامـي السريـه

    واخذت امارس شغلتي في بيتي

    على سلـوم العالـم العصريّـه

    وقمت اتصيّد كلّْ سهـمٍ هابـط

    واشري منه بالـوزن والكميّـه

    غشامةٍ منّـي وِنُصْـح غشيّـم

    ورّطنـي بْوصفاتـه الطبـيّـه

    طِعْتـه والا ياليتنـي ماطِعتـه

    ولاسلكـت دروبـه الملـويّـه

    لكنّ طِعْته والنتيجـه وشْ هـي

    عقب الرفاعه طِحْت في دهويّـه

    واوّل رداة الحظ فصل الهاتـف

    وقّف جميـع اعمالـي النتيّـه

    قِلْت الْحَق الصالات قَبْل تقفّـل

    مستعجل ومسكتنـي الدوريّـه

    قال انت قاطع للاشاره مِسْـرِع

    وسجّل علـيّ مْخالفـه فوريّـه

    ولولاه قدّرْني وشاف بوجهـي

    ملامح العاقـل وحسْـنَ النيّـه

    يِمديه ودّاني علـى التخشيبـه

    حَسْب النّظـام ولائحـه أمنيّـه

    مير المهم انّي نِفَـذْت بْجلـدي

    وساعة وِصلْت الصاله السهميّه

    لقيت ناسٍ وضعهـم متذبـذب

    وعيونهم فالشاشـه الضوئيّـه

    هذاك ظغطه مرتفـع ومْكشّـر

    وهـذاك جاتـه حالـةٍ نفسيّـه

    وهذاك يضحك مِسْفهلّ حجاجـه

    ربحان والمكسب مِيَـه فالميّـه

    وانا على ماقيل سارح ضـاوي

    ولاسْتفـدت بروحتـي والجيّـه

    غير العنا والبهذلـه والضيقـه

    ومْوشّـرٍ مايَعْـرِف الحنـيّـه

    اليا لمحتـه هابـطٍ هبّـط بـي

    كنّه يحـوّل بـي مـع القدّيّـه

    ومايوم شِفْته صاعدٍ ومْخضّـر

    الاّ احمـرٍ دايـم مشيّـب فيّـه

    نسّاني اسمي واسم ابوي وجدّي

    واحْترْت في اوضاعي الصحيّـه

    ومن كُثْر ماهومشغلٍ تفكيـري

    أشغالي الأخرى غـدت منْسيّـه

    حتّى مديـر المدرسـه نادانـي

    وقلّي عليك مْخالفـات . وهيّـه

    مافيه حصّه كاملـه تَحْضرْهـا

    وعقب العَشر ماتنوجد في ذيّـه

    أُمّا اعتدل والا ترى بارفع بـك

    واعطيك حسميّه ورى حسميّـه

    وان كان شفت الحسم ماهو نافع

    باحيل وضعك للجهه الرسميّـه

    وانا برغم اللي حصلّـي كلّـه

    أطرد ورى صفقاتـي الوهميّـه

    حتّى بـدا للبنـك فِيّـه نَظْـرَه

    وارسل علـيّ رْسالـةٍ خطيّـه

    فيها قرار بوقف كـلّ انشطتـي

    لَـنّ النتايـج كلّهـا سلبـيّـه

    وهذي نهايـة واحـدٍ متهـوّر

    يطرد سراب احلامـه الورديّـه

    والحظ دايم واقفٍ مـن دونـه

    لاجـاب هـاذيّـه ولاهـاذيّـه

    ومِنْ عقب ماهو مستريح وسالي

    دار الزمان وطاح فـي دهويّـه

    منقول
     
  2. العايش

    العايش عضو جديد

    التسجيل:
    ‏25 فبراير 2005
    المشاركات:
    145
    عدد الإعجابات:
    0
    التجا رة الرا بحه

    ياباغى التجارةتزيداضعاف +عليك بتقوى الله ميه بميه

    هذى تجارتن لم تخسر + و ربحها مضمون ميه بميه

    و تراء القناعه كنزن لم يفناء + وقنع برزق الله حتى لو هو شوية

    انته جئت لدنيا من غير ثوب + وكيد ما تا خذ منها شئيه

    مشاركة بسيطه ارجو ان تحوز على رضاء الجميع و الله المستعان
     
  3. أبو فلسين

    أبو فلسين عضو نشط

    التسجيل:
    ‏9 مارس 2007
    المشاركات:
    4,113
    عدد الإعجابات:
    535
    صح الله السانكم على هالقصايد :)
     
  4. العايش

    العايش عضو جديد

    التسجيل:
    ‏25 فبراير 2005
    المشاركات:
    145
    عدد الإعجابات:
    0

    صح بدنك و جز اك الله خيرا :) :)