سرقة الاموال عن طريق بطاقة السحب مزوره ((( تحذييييييرررر )))

[بورصراتي]

سلام عليكم

حبيت اكتب هالموضوع للانتباه وامام الله
ياجاعة الخير في واحد يسوي كوبي على بطاقة السحب الآلي بالكويت ويقول بسرقة الارصدة من الحساب وحتى لو بطاقتك موجوده عندك والى الآن بالكويت 3 حالات 2 بالبنك الوطني و واحده في بنك برقان
وتم سرقة من ال3 اشخاص ما يقارب 16 الف دينار

اللي يقول كلامي مو صج ولا هذا يجذب كلموا بنك الوطني الاخ خالد المتروك اللي يقول لا الشخص عنده بطاقة اصلية مو كوبي ولما طلعوا 2 غيره قام يبلع ريجة ويرقع حق البنك
شلون بطاقاتنا اصلية ويصير عليها كوبي وننباق هل يجوز يا شباب احنا مأمنين فلوسنا وننطر واحد يبوقنا ؟؟؟؟؟؟؟؟؟؟؟؟؟؟ ولما نرجع للبنك يقولون نشوف الموضوع
القضية عند المباحث حق اللي يبي يتأكد

 

[قاروه]

طيب شلون يسوي كوبي ؟ هل هو موظف بالبنك او بايع في احد المحلات التجاريه ؟

وجزاك الله خير على التنبيه وفعلا هالمواضيع كثرت هالايام مع تطورات
التكنولوجيا








بورصراتي ادا ما تبي البنك عطني فلوسك انا اخشهم لك احسن واضمن من البنك :d :d

 

[بورصراتي]

والله السالفة مو صايره معاي
مع واحد قريب مني

انت تسحب بالكي نت وفي جهاز يم الكي نت مو الكل يثبت عليه يحطونه يسوي كوبي للبطاقة مثل يصورها وفي فوقك كاميرا يصيد رقمك السري

اهو مو معروف الى الآن بس الصور موجوده

 

[jemee]

1

الله يستر هذا اللي كان ناقصنا

 

[Bo_NaJeM]

خبري فييييهم انه جنهم صادوووه اللي يبووووق

 

[Nagooshy]

انا عندي خوش فكرة

احول افلوسي كلها للأوسط

ومتى ما احتجت فلوس ..حولت على احسابي بالوطني

الي غايه ما يصيدون الي قاعد يبوق ​

 

[BO-MUBARAK]

انا عندي خوش فكرة

احول افلوسي كلها للأوسط

ومتى ما احتجت فلوس ..حولت على احسابي بالوطني

الي غايه ما يصيدون الي قاعد يبوق ​

ههههههههههههههه والله انك عجيييييب خوووووش فكرة

 

[nabeels8]

والله السالفة مو صايره معاي
مع واحد قريب مني

انت تسحب بالكي نت وفي جهاز يم الكي نت مو الكل يثبت عليه يحطونه يسوي كوبي للبطاقة مثل يصورها وفي فوقك كاميرا يصيد رقمك السري

اهو مو معروف الى الآن بس الصور موجوده

مساء الخير

صحيح أخوي وهذا منتشر بدول شرق أسيا وإذا عندك حساب بأي بنك

بريطاني ويعطونك أي بطاقات من الفيزااا يحذرونك من دول أسيا​

 

[وسيط محترف]

ومنا الى اسد حولى0000000000000!!!!!!

 

[بورصراتي]

مساء الخير

صحيح أخوي وهذا منتشر بدول شرق أسيا وإذا عندك حساب بأي بنك

بريطاني ويعطونك أي بطاقات من الفيزااا يحذرونك من دول أسيا​

اخوي مو الفيزا جان زين الفيزا جان رد المسكين فلوسه من زمان المشكله بطاقة A T M هذي المصيبة شلون هالبطاقة تتزور

 

[slack]

هذا يعتمد على نظام التشفير لدي البنوك .
هالنوع من الكروت اردى الانواع وسهل لعمل كوبي , مثل سهولة نسخ الافلام واشرطة" الكاسيت" ,
و ازيدك من الشعر بيت مو شرط اخذ الكرت واسوي عليه كوبي ,
مجرد اني اعرف الارقام الي عليه , اقدر اسوي كرت مطابق للي عندك واتسخدمه ,

افضل نظام التشفير , الي يتبعه بيت التمويل الكروت الي عليهم Chip
هذي الكروت الي مستخدمينها حاليا في الدول المتقدمة ,

 

[بو هادي.]

أنا أعرف واحد من الأشخاص المسروقين بهذه الطريقة لكن المصيبة إن البنك الوطني الي يملك مليارات مو راضي يرد الفلوس حق الرجال معنها م وايد 3 آلاف إذا ماني غلطان.

 

[راعي الطويله]

ومنا الى اسد حولى0000000000000!!!!!!

يقولون الاسد في بيات شتوي ومخثل شوي ..عشان جذي كثرانه الحراميه والله مسوي زحمه هالمسلم الله يستر عليه

 

[قاروه]

الله ستر ولا جان باقوووك يا قارووه

اخوي مو الفيزا جان زين الفيزا جان رد المسكين فلوسه من زمان المشكله بطاقة A T M هذي المصيبة شلون هالبطاقة تتزور

السلام عليكم ...

صارلي كذا يوم احاول اسحب من بطاقتي ال A T M المكينه تقول لا يمكن اتمام معاملتك !

توقعت ان البنك يسوي اب ديت للسستم وقلت عادي وعقبها حاولت اسحب نفس الشي !!!!!!

اتصلت على البنك وشرحت لهم المشكله ..

رد علي الموظف قالي بطاقتك موقفينها

قاروه: شلون يعني موقفينها

موظف البنك : في احد نسخ بطاقتك و حاول يسحب من حسابك ووقفناها

قاروه: شلون يعني ؟؟ من اي محل اكون بدفع من البطاقه يصورها مثلا

موظف البنك : لا ...من اي مكينه سحب آلي تنسخ بيانات البطاقه عن طريق الشريط الاسود الي بظهر البطاقه والعمليه هذي منتشره في الدول العربيه وتم ايقاف بطاقات كثيره للعملاء

قاروه : طيب والحل ؟!!!

موظف البنك: طلعنالك بطاقه جديده (مجانيه) وتقدر تستلمها من فرعك باي وقت


قاروه: يعطيك العافيه


ملاحظه : السالفة صارتلي باحد الدول العربيه

 

[بوعلي11]

لاحول ولا قوة الا بالله

 

[NAIZAK]

مشكورين على التنبيه
احنا مونا قصتنا خساير البورصه ولطراقات من التجار والمحافظ
تطلع لنا بوقات من الأحساب عيني عينك
المعاش اول ماينزل نصه البنك ياخذه اقصاد والباجي اجار البيت واغراض الجمعيه (عمي حرامي اذا بتبوقني تكفه بعد تاريخ 28 من الشهر تحصل الرصيد 000000 )
لاطبنى ولاغدى الشر​

 

[kobr]

رحنا فيها ماكو الا اسحب الراتب كله اول ماينزل احسن.

 

[قاروه]

up up up

كل واحد يجيك على حسابه اول باول

ونصيحه للي بيسافر يكون معاه اكثر من بطاقه بنكيه

 

[albostan]

مشكور مشرفنا قاروه ونسأل الله أن يجزيك عنا كل خير

 

[NaaaaR]

هذي سالفه الكوبي منتشره بدول شرق اسيا والظاهر انهم بدو يسونها عندنا الله يستر