ساعة Sony Ericsson البلوتوث

[mosawi83]

للبيع ساعة سوني أريكسون ..

بلوتوث تشبكها مع التلفون وعن طريقها ممكن إنها تعطيك إسم المتصل

وإسم مرسل الرسالة + ممكن تتحكم بالبرنامج ال mp3 والووكمان..

كفالة البراك..

استعمال جدا خفيف .. كأنها جديدة بالكرتون ..

السعر النهائي 60دينار..

 

[fesalll]

جم سعه mp3

 

[bof10]

40 الحين اشتريها اخوي

 

[السهم الامريكي]

اخوي موسوي ولا عليك امر بخصوص اسم المتصل ومرسل الرساله

طبعا تقصد المرسل اللي يرسل رساله عالتلفون ما تقصد البلوتوث

صح؟

واذا عدل كلامي انا بعد شراي بسعر 40 دينار بشرط النظافه وطبعا

في حال ما تمت البيعة مع اخوي اللي سايمه قبلي بنفس هالسعر

 

[mosawi83]

السلام عليكم

إخواني بالنسبة للساعة استخداماتها كالتالي :

1) اهيه الساعة طبعا من صناعة شركة Fossil واهيه اساساً ساعة ديجيتال وعادية بنفس الوقت.

2) لاستخدام ميزة البلوتوث عليك اول شي تسوي اقتران مع جهاز السوني اريكسون اللي عندك..

3) بعد ماتسوي اقتران اي مكالمة تستلمها رح تهتز الساعة ورح يطلعلك
اسم المتصل وبالنسبة للرسالة رح تهتز الساعة بعد وتعطيك صورة رسالة وهم اسم المرسل..

4) طبعا عن طريق الساعة ممكن انك تسده بويه الشخص المتصل فيك او اذا كان التلفون يرن ممكن تسويه سايلنت..

5) اخر شي ممكن تتحكم بالmp3 مال التلفون فماله علاقة بالمساحة او الحجم..

يعني تقدر تشغل الموسيقى واطفيها وتنتقل من موسيقى لي موسيقى ثانية وثالثة .. كل هذا بجم زر موجودين بالساعة..


والسعر أكرر نهائي

 

[BoooArab]

لوسمحت لي اخوي عندي كذا سؤال

1- الرسائل استقبال فقط
2-الرسائل استقبال عربي
3-كم مدة البطاريه شغاله
4- استطيع الإقتران مع اي نوع من الأجهزه الآخري
5- الساعه الى عندك نفس الى بصوره( سان ستيل)

 

[eissa]

مرحبه اخوي أول شي الساعه تشبك على أي تلفون ولا بس سوني اركسون ؟ والشي الثاني جم سعرها عند الوكيل بعد الخصم طبعا ؟ ثالث شي إذا الساعه تنطبق مع السؤال الاول وسعرها مناسب مع سعر الوكيل انا شراي ب60
يرجى الاتصال على 7301030

 

[Volcano]

أنا شراي بـ 65 د.ك ....

 

[السهم الامريكي]

مرحبه اخوي أول شي الساعه تشبك على أي تلفون ولا بس سوني اركسون ؟ والشي الثاني جم سعرها عند الوكيل بعد الخصم طبعا ؟ ثالث شي إذا الساعه تنطبق مع السؤال الاول وسعرها مناسب مع سعر الوكيل انا شراي ب60
يرجى الاتصال على 7301030

بخصوص سعره عند الوكيل 75 دينار

وما جربت اكاسر بصراحه

 

[saylar]

لوسمحت لي اخوي عندي كذا سؤال

1- الرسائل استقبال فقط
2-الرسائل استقبال عربي
3-كم مدة البطاريه شغاله
4- استطيع الإقتران مع اي نوع من الأجهزه الآخري
5- الساعه الى عندك نفس الى بصوره( سان ستيل)

السلام عليكم

انا عندي نفس الساعة وشاريها من البراك قبل 4 شهور فرع حولي-شارع بن خلدون :

الساعة ماتطلعلك محتوى الرسالة فقط تقولك ان يتلك رسالة وبس

وتعطيك اسم المرسل .. البطارية مالت الساعة أنا الصراحة من أول ماشريتها شحنتها مرة وحدة

لأني استعملتها استعمال خفيف يعني جم مرة بس لكن الظاهر إنها تقريبا تظل معاك اسبوع

كامل من غير شحن..و الساعة اللي عندي نفس اللي بالصور بالضبط واهيه اعتقد نفس اللي الأخ عارضها الي يبيعونها بالكويت..

بالنسبة للسعر ياشباب :

-حاليا مو متوفرة عند الوكيل اللي اهمه البراك لكن أيام ما كانت متوفرة

عندهم كان سعرها 78 دينار

-حاليا متوفرة في محلات Exell و 4u وسعرها عندهم 82 دينار ..

 

[mosawi83]

مشكورين على المرور

الساعة فقط تبين اسم المرسل للرسالة وتعمل على تنبيهك انه قد وصلتلك

رسالة وتظهر اسم المرسل على شاشة الساعة

ونفس الشي بالنسبة للمتصل يعني اللي يتصل فيك يطلعلك اسمه وتهتز

الساعة عشان تنبهك ان في اتصال أو رسالة.

وطبعا اذا مثلا كنت بعيد عن تلفونك ولابس الساعة ومثلا تلفونك بالسيارة

ونزلت مثلا البقالة أو رحت البنك أو أي شي ثاني المسافة معاك تقريبا من

10 إلى 100 متر تقريبا من غير حواجز (يعني طوفة أو أي شي مادي)..

مع العلم إن الاسم اذا بالنجليزي رح يطلع وهم بالعربي رح يطلع لكن

الفرق إن بالعربي رح يطلع الاسم معكوس يعني مخزن اسم (محمد)

رح يطلعلك (دمحم) ..

فأنا كنت أكتب الاسم الاساسي بالتلفون بالمقلوب عشان لما يرن عندي

يطلع الإسم مضبوط 100%

 

[eissa]

اخوي الساعة تشتغل على كل تلفون ولا سوني اركسون فقط؟

 

[mosawi83]

اخوي الساعة تشتغل على كل تلفون ولا سوني اركسون فقط؟

هلا بوعبدالله..

لا والله الساعة شغالة بس على اجهزة سوني اريكسون

 

[mosawi83]

للرفع وين اللي ساموا ماشالله كلهم اختفوا ..

ماقول الا لاحول ولا قوة الا بالله..

 

[السهم الامريكي]

انا موجود موسوي

 

[mosawi83]

هلا أخوي

اسمحلي سومتك ماتوفي معاي ... الجماعة ساموا فوق السعر اللي انا
حاطة لكني مو طماع انا راضي بالسعر اللي انا حاطة 60 دينار مو أقل

شكرا لمرورك السهم الأمريكي

 

[السهم الامريكي]

هلا أخوي

اسمحلي سومتك ماتوفي معاي ... الجماعة ساموا فوق السعر اللي انا
حاطة لكني مو طماع انا راضي بالسعر اللي انا حاطة 60 دينار مو أقل

شكرا لمرورك السهم الأمريكي

عزيز و غالي اخوي موسوي بس حبيت اضيف تره المشكله وايد

من الشباب ماخذين السالفه تسليه لاني اكثر من مره عرضت بعض

الشغلات وتفاجئت انهم يتسلوون وضيعوا علي شراية جادين بالتالي

اذا حصلت سعر مقتنع فيه اعتمده علطول ولا تره بتخسر من الصوبين

وانا يوم اقولك اني موجود وانا داري اني بعيد عن سعرك بس اتغشمر

تره اتغشمر بخصوص اني موجود ولا اذا نزلت لسعري تراني شراي

 

[mosawi83]

والله ياخوي مادري شقولك .. يعني هاللي قاعدين يسومون مايبونه نبيع

خل يقولون لنا احسن .. يا أما يطيحونلك بحظ السلعة أو يعطونك شي

خيالي بس الواحد شيقول الا حسبي الله ونعم الوكيل ..

وياجماعة المشرفين ارجو حذف الموضوع بطلنا البيعة ..

وشاكر للجميع

بوحسن

 

[بو عيد]

مواصفات الساعة روعة

والسعر فوق الممتاز للي بيستعمل

بالتوفيق للبايع والشاري