الطريقة المتبعه لادراج الشركات بالبورصه منفعه لكبار المتداولين

[FLOOD]

اكيد الاغلبيه كانو مكتتبين باسهم واندرجت هذه الاسهم هل شفتو الطرقه الرجعيه المتخلفه السخيفه المتبعه لبيع اسهم صغار المستثمرين


ياجماعه عندى دوام ......... لازم تحضر البورصه لتبيع اسهمك اذا بتبيع
عندى مكتب وساطه بالانترنت.... لا لازم تبيعهم بشراكات الوساطه الى بالسوق للتنفيع
الدلال تكفه حط امرى ...... يعطيك طاف جنه مو شايفك
الدلال امرى لو سمحت صارلى ساعه واقف ..... بولباس مشغول باوامر اهله وربعه الخاصين
الدلال حط امرى لا اخوى ما حط اوامر كسور ....!!!!!! لو بالسوق احط امرك
الدلال دخيلك السهم بيروح حد ادنى ...... ترفس ومدازز عند مكتب الدلال وقمة الهمجيه وساعات ريحه خايسه بعد المهم
الدلال يالحبيب السهم حد ادنى معروض 20 مليون .... حاول مره اخرى بعد 4-5 ايام حد ادنى علشان تبيع وبعدها يعدل السهم

تدرى ليش بتبيع لانك ماتقدر تحضر البورصه كل يوم بسبب الطريقه الهمجيه المتبعه ولظروف عملك وتدرى ليش مصعبين الامور عليك علشان يضغطون عليك تبيع و مسهلينها لهم يشترون بمكاتبهم ومن شركات الوساطه على النت الى مانعينك تبيع منها بسبب حجة ملكية الاسهم و احقية المطالبه بمجلس الاداره عذر اقبح من ذنب جنه مكاتب الوساطه حاليا مافيها اسهم متداولين اشوفهم ماطلبو كرسى لاى شركه

ممكن الاعيبهم مكشوفه لنا يلم اول السوق كميه وقطها على العرض وعينك ماتشوف الا النور يخلون المتداولين نفسيا يتسابقون بالبيع حق مشروع ان ينزلون السهم او يصعدونه للم لانختلف عليه مومشكله نقدر نتعامل مع هل الامور من باب خبره وسرعة ردة الفعل

بس الى مو حق مشروع انى ابى ابيع و الوسيط مايحط امرى !! تأخير الوسيط او اهماله يأثر على سعر البيع و القمم لاتطول اكثر من ثوانى المشكله ان الكنترول مو بيدك والدلال معطيك اشكل فلهذا السبب



بعض قرارت البورصه التعسفيه هى من الاسباب الرئيسيه لهدر اموال صغار المستثمرين

وللتذكير عبره

 

[Q8 Stock]

مقال جميل

تسلم الانامل اللي سطرتها

مبدع كعادتك

 

[CONTROLLER]

جزاك الله خير . كتبت ما يجول في خاطر الكثيرين وأنا منهم .

 

[وسيط محترف]

وزيد عليهم بعد 000000

1) التسويات للكبار فقط

2) ويحط اولوية حغ اللى يدفع اكثر

3) وبعض الوسطاء للاسف يأخذ عمولة من تحت الطاولة

4) بعض المكاتب تعطى خصومات للعملاء الكبار فقط

5) ادارة الوسطاء تفضل الهوامير على الصغار فى التعامل

6) التعهدات على ناس وناس


وأبى أسأل منو اللى له مصلحة فى تأخير تطبيق قانون هيئة السوق ؟؟؟؟


طبعا الأجابة معروفة00000000بعض الكبار اللى لهم ألعيب فى السوق