رأيــــــكم يهمـــــني

[الهامي]

اخواني الاعضاء والمحللين
ان شاء الله باجر بأخذ أجل شرايكم اخذ بالمجموعة الدوليه ولا مركز سلطان

 

[yoyo1983]

وخر عن الاجل

 

[***بومحمد***]

ياخوي وخر عن الآجل ومافلع الناس الى الآجل

ومن كبر لقمته قص

بيع وشتر بفلوسك لاطالب ولامطلوب ولايأثر فيك النزول لاسمح الله


​

 

[Nagooshy]

الهامي

عسى ماشر

انا كنت متوقع انك احسن من جذيه

لا تتهور مع الجنيعات

وخلك على السوق الرسمي احسن

من طمع طبع...أسأل امجرب ​

 

[الهامي]

يعطيكم العافيه اخواني بعدين انا موطماع وقنوع والحمدلله واكتفي من السهم بتكه اوتكتين
يعني انا مااحدد سعر معين بمجرد ارتفاع السهم تكته اوتكتين ابيع علي طول ومع الكميه اللي انا ماخذها بعقد الاجل التكه =تعليقه والتكتين =تعليقتين
تقبلوا تحياتي

 

[((بن حسين))]

يعطيكم العافيه اخواني بعدين انا موطماع وقنوع والحمدلله واكتفي من السهم بتكه اوتكتين
يعني انا مااحدد سعر معين بمجرد ارتفاع السهم تكته اوتكتين ابيع علي طول ومع الكميه اللي انا ماخذها بعقد الاجل التكه =تعليقه والتكتين =تعليقتين
تقبلوا تحياتي

ومع هذا ما أنصحك بالآجل

الله يرزقك بواسع رزقه ومن غير آجل

"لو تجري جري الوحوش غير رزقك ما تحوش"​

 

[الهامي]

الحمدلله اخذت اجل اكثر من مره وطلعت فيه برزقه حلوه واللي طلبته منكم اخواني تساعدوني اخذ المجموعه الدوليه او مركز سلطان

 

[***بومحمد***]

الحمدلله اخذت اجل اكثر من مره وطلعت فيه برزقه حلوه واللي طلبته منكم اخواني تساعدوني اخذ المجموعه الدوليه او مركز سلطان

الله يرزقك ويوفقك وين ماتكون والصراحه السهمين الي محددهم ضحاياهم وااااايد ....... وان واحد من ضحايه المجموعه وطلعت منه والصراحه وايد كارهه وما أفكر ادش عليه رغم الكلام الي انكتب عنه بالجريده والوعود الي قاله رئيس مجلس الاداره والسبب انه سبق وإن وهقنه بكلامه...

عموما إذا كان ماشي معاك الاجل فتوكل على الله أولا وخلك حذر ونصيحه لوجه الله وخر عن الأسهم الغير إسلاميه فليس من المنطق والمعقول ان أطلب من الله أن يرزقني وأنا أضع أموالي في شركات ربويه مخالفه لشرع الله.....
والله أعلم


والله يرزق الجميع

 

[أبو فلسين]

خذ الاهليه ودعيلى

 

[NaaaaR]

الحمدلله اخذت اجل اكثر من مره وطلعت فيه برزقه حلوه واللي طلبته منكم اخواني تساعدوني اخذ المجموعه الدوليه او مركز سلطان

اذا انت معزم المجموعه حلوه اذا حصلتها 355 او 360 اتوقع سعرها رخيص بالنسبه لارباحها الربع الاول 20 فلس بس السوق مرتفع ماشوف انه وقت اجل الحين ضارب بالكاش اللى عندك افضل

 

[hamed666]

خذ الاهليه ودعيلى

كلام سليم وانا مع هذا الراي

 

[الهامي]

اشكركم اخواني علي تفاعلكم وردودكم الطيبه وان شاء الله نشوف تداول المجموعه الدوليه ومركز سلطان باجر ونقرر
وجزاكم الله خير وعسي الله يرزقنا وياكم

 

[Al-Marzouq]

wakher 3an el aajel oo markaz sul6an

 

[الهامي]

wakher 3an el aajel oo markaz sul6an

اشكرك اخوي المرزوق بس ما فهمت قصدك
يعني تقصد اخذ مركز سلطان ولا لآ

 

[بووعبدالله]

المجموعة وخر عنها

سلطان تفصخ هم وخر عنه

الوطنية العقارية محملة بالارباح توزيعة طيبة هي الافضل ..