سلسلة مطاعم فـرح بالكويت تبيع لحم القطط وجبات للزبائن

[Pivotrend]

هل صحيح هالكلام
أصحاب المطاعم يقولون هالكلام
و يقولون أنه كتبوا عنها بالجريدة قبل فترة ؟

نورونا

 

[الفهلوي]

هل صحيح هالكلام
أصحاب المطاعم يقولون هالكلام
و يقولون أنه كتبوا عنها بالجريدة قبل فترة ؟

نورونا

حسب مابلغني

ان الموضوع تم تزييفه

التجارة اغلقت مطعم فرح الموجود في الجهراء بسبب نقص في وزن الكباب

حيث طلب الموظف كيلو كباب وبعد وزنه وجدوا انه اقل من الكيلو فتم عمل مخالفة وتم اغلاق المطعم ووضع ملصق مطبوع عليه ( المحل مغلق من قبل وزارة التجارة ل ........ )

طبعا النقط هي مكان فارغ تكتب فيه نوع المخالفه الا انهم لم يكتبوا عليها اي شيء

وبعد انصرافهم قام بعض الشباب الطائش بكتابة ( بيع لحم القطط ) مكان النقط

وطبعا جريدة الرأي العام ما صدقت خبر وانشرته كما هي عادتها في سوالف الفضائح .
هذه هي القصه .



الفهلوي​

 

[دلوووعة ابوها]

انا والله اعلنت مقاطعته نهائيا ولإي سبب
يا بابا العمر مش بعزقة -----> حلوه ها

 

[ابوبدر33]

والله انا سألت واحد من الربع مفتش تجاره بالجهراء قالي كلام فاضي السالفه ومافيها لحم مجمد ويدعون انه طازج هذي كل مافي الأمر اما سالفة القطاوه موصحيحه والله اعلم

 

[مغامرجي]

يا اخوان كل مافي الموضوع ان صاحب المجمع الي مستأجر فرح منه يبي يرفع الايجار على مطعم فرح لان الايجارات ارتفعت ولان مدة العقد خمس سنوات وما كملت هالمدة فقام فبرك موضوع له عشان يسكرة عن طريق نفوذ له بالبلدية

وهذا الاخبار سمعتها والله العالم

 

[salem.srsr]

عدل كلام اخوي الفهلوي ... نفس الكلام اللي قالة لي احد الاصدقاء وهو موظف في البلدية .. وهو نقص في وزن الحم.... وحسب كلامة ( الموظف )
ان اغلاق المطعم مؤقت وسوف يدفع غرامة 3500 دك .. واللة اعلم​

 

[المنصف]

السالفه ومافيها لحم مجمد ويدعون انه طازج هذي كل مافي الأمر اما سالفة القطاوه موصحيحه والله اعلم

100%

 

[jeme_E]

سمعت مره ان مصري سأل كويتي
انتوا في مطابخ في بيوتكم
قاله ليش
ردالمصري قال اغلب وجباتكم مطاعم


واعتقد انه نوعا ما صحيح فأغلب البيوت تلقاهم ياكلون وجبه على الاقل باليوم من مطعم اذا مو اكثر

مثال
شنو الغدى عيش وسمك
اوه ما احب السمك ابي مطعم

او شنو العشى
ومطعم

او بالدوانيه مطاعم
او او او

ماري ليش نروح الجمعيه كل جم يوم
وهل كلام لي قبل لايكون لكم

 

[ابو غانم]

ياجماعه لو صج لحم قطاوة أكيد راح يخسر صاحب المطعم .

لان القطوه صغيره وماتشبع . يعني كم يبيله قطوه باليوم للزباين .

وبعدين القطوه سريعه ماتنصاد

 

[yoyo1983]

ابو غانم
بفريجنا بس مليون قطوه

 

[كويتى وبس]

يجماعة حرام تقطعون أرزاق الناس يجب التأكد من الخبر

 

[KUWAITI MAN]

شاورما قطط

محشي قطط

لسانات قطط



وبعدها الكل راح يقول مياااوو

 

[yoyo1983]

Kuwaiti Man
حلوه منك ميااااو

 

[ناصر فيصل]

حدث العاقل بما يعقل
سالت صاحب مطعم منافس فقال ان المطاعم تبني ثقتها بسنوات طويله فمن الصعب مطعم معروف يظيع سمعته بسهوله خاصة ان القطة ليس بها لحم يسوى و كم قطه راح تكفي هالعالم و قال حتى الحمار اعزكم الله سعره 150 دك يعني اغلى من اربع خرفان فاكيد الخبر اشاعة حساد .

 

[KUWAITI MAN]

حدث العاقل بما يعقل
سالت صاحب مطعم منافس فقال ان المطاعم تبني ثقتها بسنوات طويله فمن الصعب مطعم معروف يظيع سمعته بسهوله خاصة ان القطة ليس بها لحم يسوى و كم قطه راح تكفي هالعالم و قال حتى الحمار اعزكم الله سعره 150 دك يعني اغلى من اربع خرفان فاكيد الخبر اشاعة حساد .

كلامك عدل 100%

تدري ديرة اشاعات وحسد وشطار حق البلبلة

يعني سيارات المطعم توصل الطلبات وبردتها تصيد قطاوة

 

[bo3ali]

ههههههههههههههههه

مستحيل هالحجي يصير

قطاوه هذا درب الزلق مومطعم فرح

 

[sa3od29]

بصراحه انا قريت الموضوع الصبح بالجرايد ولاعت جبدي مع العلم كنت افكر افتح مطعم كباب وأش ايراني.....لكن تبين لي بعدها بجم يوم ان الكلام هذا كله مدبر بخصوص القطاوه اما المخالفه فهو ان نقص في الوزن.....ومعلومه للجميع ان القطو مافيه لحم كله غضاريف جسمه وجلده متروس...طبعا هذا الي درسته.....وتدرون ان في الصين واليابان السوبرماركت عندهم مجابيس لحم قطاوه وجلاب مطبوخه معبينهم بقواطي جاهزه للاكل السريع...وتعتبر من الاكلات الشعبيه عندهم


مياااااااااااااااااااووووووووووووووووووووو بااااااط جبدي عتوي بعين وحده بشارعنا مايخاف...واذا مشي يمشي مشيت الاسد وواثق من نفسه..ولا ينط الطوفه يدش من الباب ويخز بعد.....حتى القطاوه قوت عينها بالديره

 

[salem.srsr]

بصراحه انا قريت الموضوع الصبح بالجرايد ولاعت جبدي مع العلم كنت افكر افتح مطعم كباب وأش ايراني.....لكن تبين لي بعدها بجم يوم ان الكلام هذا كله مدبر بخصوص القطاوه اما المخالفه فهو ان نقص في الوزن.....ومعلومه للجميع ان القطو مافيه لحم كله غضاريف جسمه وجلده متروس...طبعا هذا الي درسته.....وتدرون ان في الصين واليابان السوبرماركت عندهم مجابيس لحم قطاوه وجلاب مطبوخه معبينهم بقواطي جاهزه للاكل السريع...وتعتبر من الاكلات الشعبيه عندهم


مياااااااااااااااااااووووووووووووووووووووو بااااااط جبدي عتوي بعين وحده بشارعنا مايخاف...واذا مشي يمشي مشيت الاسد وواثق من نفسه..ولا ينط الطوفه يدش من الباب ويخز بعد.....حتى القطاوه قوت عينها بالديره

كخخخخخخ حلوة

 

[MAFLO3]

كلام جرايد الكلام الصج ان نقص في كيلو الكباب بس الناس تحب الحكي والحسد

 

[صحفي]

شخباري المطاعم اكو احد ياكل بالمطاعم اليوم 99% منهم وسخين وقذاره