شيطان يقود شفرولية تاهو 2007 بشوارع الكويت

[Speed90]

اليوم شفت شاب يقود سيارة تاهو 2007
و الجامه الخلفيه مكتوب عليها I'M THE DEVIL يعني ( أنا الشيطان ) و بخط كبير و عريض و واضح من مسافه بعيده

مافي قانون يمنع هالشغلات ؟

يعني اذا شرطي شاف شغله مثل هاذي هل يستطيع اقتياد هذا الشخص للمخفر ؟

نحن نعرف انه راح يطلع بواسطه , هذا شيء لا يقبل النقاش و معروف مافي شك

و لكن هل يحق للشرطي اقتياده للمخفر

 

[yoyo1983]

الله يهديه واعين اهله عليه

 

[Nagooshy]

ههههههه

كبر عقلك

وجنك ما شفت شي​

 

[bug]

اليوم شفت شاب يقود سيارة تاهو 2007
و الجامه الخلفيه مكتوب عليها I'M THE DEVIL يعني ( أنا الشيطان ) و بخط كبير و عريض و واضح من مسافه بعيده

مافي قانون يمنع هالشغلات ؟

يعني اذا شرطي شاف شغله مثل هاذي هل يستطيع اقتياد هذا الشخص للمخفر ؟

نحن نعرف انه راح يطلع بواسطه , هذا شيء لا يقبل النقاش و معروف مافي شك
و لكن هل يحق للشرطي اقتياده للمخفر

يعني الحين هذا الموضوع؟ شنو فيها الواحد يكتب اللي يبي على سيارته؟ اهو غلط عليك؟ و لا سبك؟ ليش متضايق؟ ياخي خل يكتب اللي يبيه طالما ما غلط على احد او كسر العرف او القانون ... ليش متضايق؟؟؟؟ وبعدين احنا وين عايشين؟ المانيا النازيه عشان ياخذون واحد المخفر و يحجزونه بسبة شي كاتبه على سيارته؟ الحمد لله ان الناس اللي نفسك مو اصحاب قرار ولا على الديره السلام. بسكم تفاهه.

 

[Speed90]

أخ bug
شكرا على مشاركتك يا حشره


يقول المتنبي:-

يخاطبني السفيه بكل قبح ... و أكره أن أكون له مجيبا
يزيد سفاهة و أزيـد حلمـا ... كعود زاده الإحراق طيبــا

 

[فراموش]

في قانون يمنع اللصقات على السياره

وعلى ما اعتقد اذا انتبه عليه احد افراد وزارة الداخلية

اكيد راح يخالفه

 

[Speed90]

في قانون يمنع اللصقات على السياره

وعلى ما اعتقد اذا انتبه عليه احد افراد وزارة الداخلية

اكيد راح يخالفه

صحيح بس يمكن الأخ bug حشره ما يدري

 

[KUWAITI MAN]

والله لو كاتب على سيارته I'm راعي نخي وباجلة جان احسن

 

[salem.srsr]

يامعود هذا فية الهون ... لكن المشكلة اللي يستعرض ( يقحص )

داخل تقاطع الاشارة ومعطل السير ... هذا شنهو تسويلة ؟

خلها على اللة​

 

[abu yousef]

احب اضيف حق الاخوان انه الى حاط ملصقات وتحس انها من عبدة الشيطان ما عليك الا انك تاخذ رقم سيارته وتعطينى اياه لانه فى حمله عليهم كبيره ومشكورين

 

[صحفي]

اذا عرف السبب بطل العجب

شرطتنا ما يقرون عربي تبيهم يعرفون اجنبي شعرفهم متوسطة وانجز

 

[تلميذ المؤشر]

والله يا اخوان الموضوع هذا ليس بالسهل....وليست حرية مطلقة لان حريتك تنتهي حيث تبدا حرية الاخرين....والاخ الذي يقول خله يحط الي يحطه...لو حط لك سب للديرة (الله لا يقولها) اشراح انسوي ...مو راح تاخذنا الوطنية والحمية...انزين والدين..!!!؟؟؟...واخلاق النشء والناس لمن يشوفون هذه المناظر....لمن واحد يقولك انا شيطان والثاني يقول انا جنس ثالث ..يكرم القاري..وانت ماشي....ما يصير اخي...لازم يكون فيه شي اسمه حدود والصالح العام...ولا ترى الفوضى الي ما وراها الا الدمار

الله المستعان

 

[Speed90]

والله يا اخوان الموضوع هذا ليس بالسهل....وليست حرية مطلقة لان حريتك تنتهي حيث تبدا حرية الاخرين

مثل انجليزي freedom comes with responsibility
الحريه معاها مسؤوليه
الي ماعليه مسؤوليه باحترام الاخرين ليس له الحق بالحريه

 

[Speed90]

يامعود هذا فية الهون ... لكن المشكلة اللي يستعرض ( يقحص )

داخل تقاطع الاشارة ومعطل السير ... هذا شنهو تسويلة ؟

خلها على اللة​

تحدث في الجهراء كثيرا
بالاشاره بين تقاطع الكوريات و العيون و تيماء
و ربما تستغرب لو عرفت ان هذا الشخص الي يقحص بنص الاشاره شرطي

 

[almoress]

الله المستعان


المشكله أن مثل هذه الأمور أصبحت عند البعض أمور عاديه


شبابنا أصبح لا يكترث لا بإخلاق ولا تقاليد ولا بدين والعياذ بالله


لدرجة أن البعض أصبح يراها عاديه جدا جدا بل ويدافع عن من


يعملها وكأن البلد بلد غير مسلم والعياذ بالله


يجب إحترام مشاعر الآخرين وإلا فلن يحترمك الآخرون


مشكور يا خوي على هالموضوع المشابه لكثير من الأمور


المتداوله بين شبابنا حاليا نسأل الله لهم الهداية


لكم ودي

 

[bo_walid]

لاحول ولاقوة الا بالله

جزاك الله خير يا بويوسف دام راح تسون حمله عليهـم

 

[arabvb]

يعني الحين هذا الموضوع؟ شنو فيها الواحد يكتب اللي يبي على سيارته؟ اهو غلط عليك؟ و لا سبك؟ ليش متضايق؟ ياخي خل يكتب اللي يبيه طالما ما غلط على احد او كسر العرف او القانون ... ليش متضايق؟؟؟؟ وبعدين احنا وين عايشين؟ المانيا النازيه عشان ياخذون واحد المخفر و يحجزونه بسبة شي كاتبه على سيارته؟ الحمد لله ان الناس اللي نفسك مو اصحاب قرار ولا على الديره السلام. بسكم تفاهه.

احنا ما ضيعنا الا انت واشكالك اللى كل شى عندهم عادي
يا اخي خاف الله الشيطان والعياذ بالله منه ياتي المسلم بالتدريج اذا لم يستطع عليه

 

[مغامرجي]

الي حاط على سيارتة " انا شيطان " هذا مخطئ ولكن هو مراهق ويمكن تقول يكبر ويعقل , لكن المشكلة الي حاط صور لشخصيات سياسية او دينية لدول اخرى , على سبيل المثال صور لشعار حزب الله او صور حسن نصر الله

النائب محمد الخليفة طرح اقتراح بقانون في مجلس الامة ضد اي شخص يعلق صور لشخصيات سياسية بالاستثناء صورة سمو الامير او ولى العهد

فعلا اقتراح جيد

 

[q8_chamber]

الله يهديه ان شاء الله ​

 

[ابوبدر33]

يعني الحين هذا الموضوع؟ شنو فيها الواحد يكتب اللي يبي على سيارته؟ اهو غلط عليك؟ و لا سبك؟ ليش متضايق؟ ياخي خل يكتب اللي يبيه طالما ما غلط على احد او كسر العرف او القانون ... ليش متضايق؟؟؟؟ وبعدين احنا وين عايشين؟ المانيا النازيه عشان ياخذون واحد المخفر و يحجزونه بسبة شي كاتبه على سيارته؟ الحمد لله ان الناس اللي نفسك مو اصحاب قرار ولا على الديره السلام. بسكم تفاهه.

والله انت التافه وماعندك غيره علي دينك وبلدك وشبابك
تصدق عاد انت الي الحمدالله موصاحب قرار

خاف ربك فيما تقول