استشاااااره يا شباب

الموضوع في 'السوق الكويتي للأوراق الماليه' بواسطة sa3od29, بتاريخ ‏20 يونيو 2007.

  1. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    صبحكم الله بالخير :)

    انا عندي استشاره يا شباب....انا اتابع السوق الكويتي ومخي ضرب منه لانه ما يعتمد لا على مؤشر ولا يعتمد على ارقام...اكتشفت للاسف انه يعتمد على اخبار بس....يعني مو مثل السوق الامريكي......وانا الي حد الان مادخلت السوق الكويتي وودي ادخله....بس انا بستشيركم في شي للي عنده خبره....انا ولد عمي شغال بالسوق يعني موظف بالبورصه وعندهم هم صاحبي شغال بالبورصه....هل ينفعوني بنظركم انتو اذا اخذت منهم عن سهم معين او من الكلام هذا.....ولو قالولي اشتر بالسهم هذا هل اشتري واله لا....لان بصراحه كلمت صاحبي وقالي تشتري بس مو على كفالتي انا ما اعطيك القرنتي يعني حتى اهوا متخوف من السوق..وانا افكر فيه مضاربه يوميه..فياليت تدلوني على الشي الزين داخل السوق ومشكورين
     
  2. salem.srsr

    salem.srsr عضو جديد

    التسجيل:
    ‏12 يوليو 2006
    المشاركات:
    1,826
    عدد الإعجابات:
    0
    مكان الإقامة:
    KUWEIT
    حبيبي مافي احد يعطيك القرنتي على سهم معين

    واذا تبي نصيحتي لا تدش السوق الحين

    الان السوق صاعد من فترة

    وتقدر بالفترة هذي تتابع بعض الاسهم من خلال

    منتدانا والشباب مايقصرون باي استفسار

    وانت صاحب القرار الاول والاخير
     
  3. خبير النفط

    خبير النفط عضو نشط

    التسجيل:
    ‏15 يناير 2007
    المشاركات:
    4,638
    عدد الإعجابات:
    54
    السوق كله مبنى على الاخبار واعاده بث الاخبار والاشاعات وكل يوظف المعلومه لصالحه الى يبى يشترى يخوف الناس والى يبى يبيع يخدع الناس .....الخ لاكن المعلومات الداخليه من اهم ادوات النجاح خاصه للى يمكنه الاطلاع على بواطن الامور وعنده معلومه بتوجهات صناع السوق من الحيتان الى الهوامير هذا على طول شبعان مثل الطبيجى الى تشوفه دائما تحت اليريور اذا صاحبك او ولد عمك طبيجيه توكل على الله والرزق من رب العالمين
     
  4. alemperator

    alemperator بو عبدالعزيز

    التسجيل:
    ‏25 يوليو 2004
    المشاركات:
    1,347
    عدد الإعجابات:
    218
    اخذ الاثنين معا
    كلمة صاحبك وطلتك باجتهادك على التحليل الفنى فان صابت فانت الربحان وان خابت ماراح تلحقك حسوفه لانك حللت وبنفس اللحظه تمت توصيتك .
     
  5. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    مشكورييين كلكم وجزاكم الله خير...بعدين انا ولد عمي مو طبيجي على قولتك حبيبي...الرجل مطوع ولا راضي يقولي شي علشان لا يدش بذمته شي بس يوصيني....ثانيا انا مستغرب انه ليش السوق ماياخذ على المؤشرات ويكون في شفافيه بالتعامل...انا بصراحه استغرب انه البيع والشراء يصير على الاخبار...والمشكله الكبيره انه اغلب الاخبار مضروبه وموصحيحه يعني نقول حجي جرايد وصور يعني شوفونا ترى احنا نسوي...بس بالواقع يطلع شي ثاني....انا اقول لو نوصل الكلام هذا للمسؤولين يكون افضل على الاقل يلتفتون للاشياء هذه ويحاولون يعدلون ولو شي بسيط.....وهم مشكورين :)