سوق الكسور وشركات الوساطه

[malek]

ارجوا منكم الأفادة وبأسرع وقت ممكن من فضلكم ...........
حيث أنني أعاني كثيرا من عملية الأتصال بالوسيط للبيع او الشراءفي سوق الكسور خاصة والوسيط يتأخر كثيرا لما يرد على التلفون سواء النقال او المكتب وساعات يسوي لنا طاف ، وغيرت الشخص اللذي اتعامل معاه ولكن للأسف ضاعت على فرص كثيرة سواء للبيع أو الشراء وأكثر من مرة وحصل معاي موقف سيئ للأسف وهو أني بغيت ابيع كسور وعطيته امر وعشان ترفع السعر لازم تتصل بعد 5 دقائق عشان يرد عليك وفي هذه الأثناء تفاجأت بأن سعر السهم بالسوق العادي أرتفع وقعدت أكثر من نصف ساعه الى أن رد على الوسيط وطبعا الكسور راحت وبسعر بخس جدا والله وانقهرت .
المهم أرجوا أن تفيدونني عن كيفية التعامل مع سوق الكسور و مع أي شركة أو أي بنك للتداول ، ابي الطريقة اللي اقدر ابيع وأشتري دون الحاجة الى الوسيط خير شر .
وبارك الله فيكم

 

[NBK]

غير مكتب الوساطه

 

[STocK^IndeX]

بيتك للتداول ..تداول بالرسمي والكسور ..وادخال الاوامر سهل

 

[holding]

اخوي الموضوع مو بس بنسبه لك والحالات الي مثلك فل أب
الدلال يعطي الاولويه للي جدامه بالكاونتر ثم صاحب التلفون والسالفه تأكد مافيها أي مصلحه أو تطنيش لأنهم مراقبون صوت وصوره يعني حتي طلبك بالتلفون مسجل ومحاسب عليه .
أما أذا تبي طريقه أسهل تطلب من المكتب نفسه خدمه التداول وما عليك سوي تجهز جهازك من عندهم ويصبح صالح بدون وسيط
وللعلم كل نظام التداول بدون وسيط سواء
شرق الاوسط -تداول-كمفيك وغيرها يحصل لها أعطال وماتقدر تبيع وتشتري بالوقت الي تبيه.
أنت والمكتوب تحصله والرزق عالله ودمتم.:d

 

[خبير النفط]

مو دعايه بس انا صار لى سنين مع الاهليه ونفس الوسيط ما تبدل الا مره وحده يوم سافر وتوفى فى ديرته الاولى حولت لغيره والخمدلله ماكو مشاكل بس اذا السوق حامى لازم تتوقع التأخير مهما كان ما يلحقون على كل طلب

 

[malek]

مشكورين على الردود الطيبة ، لكن انا ابحث عن شركة مثل ماقال الأخ بيتك للتداول أو غيره

 

[Bo_NaJeM]

ليش ما تتداول بشركات اللي اتوفر لك التدوال عن طريق النت

عندك الاوسط ( بس على ما اعتقد انه بس امر بيع انا شراا الغوووه )

ووعندك كميفك ( انا استخدمه ووشغل عدل صراحه )

عندك الوطني ( يستخدم نفس برنامج كميفك )


* ملاحظه الامر بالكسور اول الامر اتحطه بسر السووق تنتظر 5 دقايق علشان اتغير سعر الامر اللي انته حطييته



بالختام سلام