عاجل: إستقالة وزير المواصلات الكويتي

[almoress]

الآن على العربية خبر عاجل بإستقالة


وزير المواصلات الكويتي شريدة المعوشرجي


على أثر إستجواب وزير النفط​

 

[kobr]

احسن خلهم يردون معصوره حق التلفونات

 

[MOHAMMED11]

هذي سالفة
سمير غانم

بعدل الأميص ضرب البنطلون










الحين هذاك اللي مستجوبينه
شكو هذا مستقيل

 

[Cha3bar]

إذا شريدة المعوشرجي محسوب على السلفية إذا هو بين نارين

السؤال الآن إذا تم قبول إستقالته وين راح يروح .. علام الكندري ما صدق يدش المجلس

 

[الفهلوي]

صراحة وزارة مقروده


اربع وزراء خلال سنه والخامس في الطريق
احمدالعبدالله
اسماعيل الشطي
معصومة المبارك
شريده المعوشرجي
الخامس ؟؟؟؟؟


سلملي على التنمية



الفهلوي

 

[خبير النفط]

يبا الشخص متى ماصار وزير خلاص وصل الحين راح يصير وزير سابق يمشيله تقاعد وزير احسن من تقاعد وكيل مساعد رتبته فى المجلس والله اعلم قبل ما يصير وزير
السؤال ليش استقال استقال لما شاف ولدهم باعوه رخيص اشلون ولد الناس قب احسن وخل عنك السياسه وريح البال وخل يقعد يكتب ازهيريات وايد ابرك

 

[yoyo1983]

الله يستر على ديرتنا قولو آمين

 

[alashum]

ايو الله سلملي على التنميه( بس شريده لو يقول لعيال عمه ينزلون ماكدونالد اكتتاب يا جماعه وربي دخنا بين الحكومه و المجلس اللهم أحفظ هالديره

 

[خبير النفط]

السؤال منوا الى قاظب الخيوط و يحرك الاراكوز

 

[BMW2007]

انااا عن نفسي بسقر جهاازي هل اليومين
(دربالكم ترا بيدقون عليكم الحكوومه)
سقرواا الاجهزه

 

[Analyst]

محلل سياسي ؟

من تحليلي السياسي اذا صح خبر استقالته ( طبعا طلب منه ذلك) بسبب موقف التجمع السلفي من الأستجواب وطرح الثقة لآنهم ما حطوه لسواد عيونه بل السياسة تقول (There is NO free lunch )

ودمتم سالمين

 

[alashum]

:d أنا عن نفسي بفتح موبايلي و أجهز بشتي الله كريم

 

[مانشستراوي]

اتوقع استقالة الحكومه على اثر الاستجواب الله يستر على ديرتنا

 

[ميثاق]

مانقول الا حسبي الله ونعم الوكيل.......

 

[alashum]

مصخت السالفه( بس خلونا نشوف رزقنا و رزق عيالنا و الله كريم و عظيم

 

[BMW2007]

اي والله صدقت موغريبه علا حكومتنااا الرشيده يوصونه علا ترشيد المااء والكهربااااء
وهم مسرفين في وزراااءهم
(وين من حبنا لهاا بنوفر لهاا)

 

[بوجاسم2]

لا حووول

ما صدقنا السوق يتعدل اليوم شوي هههه

عاد توني محلل اسهم حلوه ، عيل خلني اروح اعدل فيهم لا يخسرون الربع ويقطون اللوم براسي هههههه

 

[جمبازي]

وهناك اشاعه (اشااااااااااااااااااااعه) تقول ..


بان وزير النفط قدم استقالته ..وتضامن معه .وزير العدل المعتوق بالاستقاله


.....اشاعه مالى شغل ..


واشاعه ثانيه تقول ...لا مانى قايل ...اخااااااف تطلع حتى الثانيه


مو صج .وابتلش ..كافى وحده .ان طلعت موصج ..تطوفون لى

 

[السور]

مسخرة

الذيب خرع النعجة الصخلة طاحت غشيانة !!

شكو هذا قدم استقالته ؟؟... من درى عنك ؟؟... اكيد حن حغ شغلته قبل ولة انت منو معترف انك وزير اصلا الخرافى شافك تنادى اسامى قال خلنى احطه وزير وبعدين عسى ما نحفظ اسم وزير للمواصلات ولة باجر مغيرينه !!

 

[المحاسب1]

يا خبر بفلوس بكره ببلاش