شركة القرين لصناعة الكيماويات البترولية (القرين)

[سهم استثماري]

يا جماعه اشفيكم كل شوى فاتحيين موضوع جديد شنو اول مره تكتتبون بشركه وتربحون فيها الدبلين لا للبيع ولا للبيع ومناصرة افغانستان ومحاربة اسرائيل وقمع المعتدى وانتهاك حرمة الاراضى .

اذكروا ربكم وقولوا لا اله الا الله احسن من هالسوالف اللى لا تودى ولا تجيب وبعدين وانا اقسم فيها قسم والله لو توخر المحافظ والصناديق عن عملية الشراء ولا تشوف التحذف صار ان تصير انت اول البايعين علينا هالسوالف


مشرفين اللى يفتح موضوع عن القرين منفصل بيعوا له سهمه بالحد الادنى واشطبوا عضويته واصلبوه على بوابة المنتدى​

مع احترامي لك أخوي ..

أنت بس هالشركة لما كتبوا عنها صار عندك هالحماس
وينك عن المواضيع الي مالها داعي وكل يوم نشوفها بالهبل


خل الناس تكتب على كيفها وهالشئ طبيعي كل ما كانت الشركة شعبية والكل عاقد عليها آمال من حقه ينفس ويكتب اللي يبي ... يعني بالعربي القرين وشاكلاتها مستثنين من الإنتقاد لشعبيتهم وبالذات اليوم لأن أغلب المتداولين مصدومين من سعر الإدراج .. فطول بالك وخل صدرك وسيع ولا تقسم بالله كأنك داش تحدي

عندك معلومه تقدر تفيد فيها غيرك اكتبها أو رجاء لا تحتج على غيرك بدون داعي !

 

[جوكوزال]

السلام عليكم
اختلاف الرأي لا يفسد للود قضيه هذا اولا
ثانيا الراي مكفول للجميع وكذلك النقد ولكن التجريح لا ولا ولا
ثالثا اتمنى من جميع الاخوه كتابة ما يؤمن به وليس الكتابه للدفاع عن من تعرف فقط
رابعا الصدر الوسيع نعمه من رب العالمين

ودمتم بود
اخوكم ابو حمود

 

[شجاعي]

يا ريت احد يفيدنا ليش مشاركاتنا ما تطلع بالترتيب؟

 

[السور]

اليوم العملاء طلعوا روحى عجزت وانا اقولهم لا تبيعون حتى عروض ماخليتهم يعرضون اقل من 500 فلس واول ما ابتدى السوق الغت صفقاتهم لان السعر تحت 400فلس يااخى الناس يبون يبيعون بأى سعر

 

[شجاعي]

اقتباس:
المشاركة الأصلية كتبت بواسطة Q8 Stock


طيب والمشرفين بس شغلتهم كل شوي يدمج موضوع ؟
لا ياخوي
الترتيب لازم يكون من الجميع
مو بس من المشرفين

عفوا الموضوع سوف ينقل


الرجال يمدحك يا مشرفنا وكل المشرفين بان لكم نظره والدمج والترك بيدينكم وعلى اللي تشوفونه ويقول لكم حق في الدمج والترك ويطلب من الاخ الكلمة الطيبه والانتقاد الحلوو احسن من اسلوبه الحاد هذا والاجرامي اللي دخل اسرائيل وافغانستان وبالاخير يقول اصلبوه ؟؟؟؟؟



وانا معاكم ان الترتيب يكون من الجميع لكن بالكلمة الطيبه
وبالاخير الراي رايك يا يبا

 

[شجاعي]

ممكن احد يفيدنا ليش مشاركاتنا ما تكون مترتبه في الموضوع الواحد ؟؟؟

تلقى مشاركه جديده تكون بوسط الصفحات والمشاركه اللي فيها اقتباس تبقى مع المقتبس منها بصفحه مخفيه؟؟؟؟

لا حول ولا قوة الا بالله

 

[(واحد من الناس)]

داش عرض

الإعصار القادم من شرق آسيا

هي

الشركة الكويتية الصينية للإستثمار ​

 

[كوستا]

يا جماعة الخير ...كل الامور تقول اسهم فوق ...بس عجيبه اسهم نزل تحت مو معقول هذا السعر ..اناس كلها مستغربه ليش ..انا اقول فيه لعبه يلعبونها...والاكيد مستقصدين هالسعر ..حسبى الله ونعم الوكيل فيكم ...والحجى لج يا جاره
................................
طبعا اوصى الاخوه الكرام ..لا للبيع ..بكرا وبعد بكرا وانشالله نشوفه معدى 500 ومتجه الى 600 بأذن الله
...................
أَخِـلاَّءُ الـرِّجَـالِ هُـمْ كَثِيـرٌ

وَلَكِـنْ فِـي البَـلاَءِ هُـمْ قَلِيـلُ

فَـلاَ تَغْـرُرْكَ خُلَّـةُ مَنْ تُؤَاخِـي

فَمَـا لَكَ عِنْـدَ نَـائِبَـةٍ خَلِيـلُ

وَكُـلُّ أَخٍ يَقُــولُ أَنَـا وَفِـيٌّ

وَلَكِـنْ لَيْـسَ يَفْعَـلُ مَا يَقُـولُ

سِـوَى خِلٍّ لَهُ حَسَـبٌ وَدِيـنٌ

فَذَاكَ لِمَـا يَقُـولُ هُوَ الفَعُـولُ

حسان بن ثابت
................
وَاشْـدُدْ يَدَيْـكَ بِحَبْـلِ اللهِ مُعْتَصِـماً

فَإِنَّـهُ الرُّكْـنُ إِنْ خَـانَتْـكَ أَرْكَـانُ

( أبوالفتح البستي )
.........................
سيعلـم اتجار حيث كانـوا

بأن سهم القرين ليس بـمستباح
(كوستا)

 

[baselko]

انا اليوم حطيت طلب بيع بال650 بس يوم شفت السعر نازل جان اقول حق الدلال اخمط لي على 385 والحمدالله عطوني ..... لاللبيع اقل من 600 فلس

 

[ابو سالم]

صراحة ودك الي باعوا اليوم مايدشون اكتتاب مرة ثانية صابر سنة ونص واخر شي تبيع بفايدة 280 فلس والاكتتاب 105 صج تعبت نفسك يااخوان استثمرو ولو مرة وحدة بسهم طالع عليكم بـ 105 فلوس يعني لازم تشتري سهم بـ 600 فلس وينزل وتتدبس فية وتصير مستثمر غصب عنك بس صراحة مالوم الشركات الي تسوي اكتتاب خاص والحد الادني 100000 الف سهم علشان محد يوطوط ويخسف بالسهم نصيحة اذا كنت مقتنع بسعر بيع بسوق الجت ولا تخرب على غيرك , اخواني الي شفتة اليوم شي غريب ناس تقول لدلال بيع بسعر السوق وهو موعارف شنو سعر السوق يعني لو فاتح بفلسين مثل الاخ الي طالب جان على راسة بس مالوم التجار لاقين صيدتهم وتبون تلومونهم

 

[ولدهم]

السعر مايرضي احد وكثيره اسباب تدني سعر السهم منها بلا شك كبار المستثمرين وعدد التخصيص كبير كل رب اسره يملك نسبه من الاسهم ماهي قليله وكثير باع النص واحتفظ بالباقي واللي صار اليوم درس للي باع سهمه بخساره واستغفال وفرصه ثانيه جت للي يبي يستثمر السعر للشراء والسعر نشوفه انشاءالله بالصفقات او الاستحواذات او الانتخابات اوالارباح وكلها ماهي بعيده فقط الصبر ونعم للدينار ولا عزاء للي مشى ورا الاشاعات وسوق الجت وحلم وبيض وديوانيه لها عروق ونصيحتي بيع ونصيحتي اشتر ولا عزاء للي باع قبل الادراج واللي اشترى قبل الادراج السالفه ماهي محتاجه لو الواحد فكر تفكير شايب يبيع بسعر عالي او مايبيع الا اذا تازم السوق كله مبروك للملاك مسار السهم صار واضح لوين رايح وفالكم الدينار ::d يقولك سعر كرتون البيض بدينار:d

انا عندى 25 الف كرتون بيض ,,, والحمدلله مابعتهم اليوم ,,,, رحت اليوم بدرى ,,,

ولما شفت سعر الإفتتاح !!!!!!!


قلت يااااااااااااااااااااااولد اصبر ليما يفقس البيض وبيع

 

[issa7952]

يا جماعة كلامكم حلووووو وااااايد انا عندي عشرين الف دينار والصراحة علي كلامكم هذا عن القرين خلاني احس ان بعد ست اشهر بصيرون 40 الف دينار بس اخاف اشتري وينزل سعرها ذيج الساع اكيد بتحوشني جلطة لانه تحويشت العمر راحت والله محتار اشرايكم اشتري وتوكل على الله ؟؟؟؟؟

 

[kwt.to.kwt]

حاولت اشتري وما قدرت وسمعت معلومة تقول اللي قاعد يشتري خاصة الصفقات الأخيرة هم مكاتب الوسطاء فهم يعرضون ويشترون بنفس الوقت
حسبي الله عليهم
وين ادارة البورصة عنهم وين الشفافية وين حماية صغار المستثمرين
الظاهر بالسودان مو الكويت
يا اخي شوفو قطر دولة حديثة واصغر من الكويت وشغلهم قمة في التداول الالكتروني
بلا وسطاء وبلا هم وبلا منة المكاتب بالكويت اللي الواحد شايف نفسه على العالم كأنهم يطرون منه ونسى أن المستثمر هو صاحب الفضل عليهم

فلازم وقفة جادة مع هذه المكاتب لأن الصراحة السوق مو ناقص مشاكل خاصة ومستوى السوق حاليا مطمئن .... وللحديث بقية​

 

[من الكويت]

كـــــــــــــــــــــلام حلو وطيب من طيب ................؟؟؟

 

[بدرالعتيبي]

شنو هالسعر المتدني
ارباح الشركة ممتازه جدا
منو تتوقعون روى هاللعبلة هذي ؟
اشوف الناس يبيعون
وقاعد اقول حرام فقاره مساكين طاحوا بدين لكبار
هذيل منو يحميهم من النصب والأحتيال والغش
اين الشفافية ولا بس كلام نسمعه وبس
عالعموم الله يعوض على الناس الي باعت
ويرزق الجميع بما يحبه ويرضاه

والسلام........

 

[bo fawaz]

حذرناكم من هالعبه

صباح الخير للجميع

الله يرزق الى باع والى ماباع الله يرزقه دبل ان شاء الله

وهذا تحذيرى السابق عن اللعبه الى صارت

صباح الخير للجميع

انعيد وانذكر الجميع سهم القرين كنز لاتفرطون فيه ابسهوله

المحافظ تبيه والهوامير تبيه وسواء اتفقوا ولامااتفقوا لاتبيعون

اقل من 700 واذا نزل اقل من 400 اشتروا لانهم بيحاولون

ينزلون الهم 350 وبيلمون على كيفهم وهذا اذا اتفقوا على تقسيم الكيكه

وبطريقه معروفه وطريقتهم يبيعون جزء من الاسهم الى عندهم بسعر

350 عشان صغار المستثمرين يعرضون بسعرهذا وراح يبين فى جدول

المعروض راح تلاقون المعرووض 350 كميه كبيرة وعدد الى بايعين قليل

اذا شفتوا الطريقه هذا اطلبوا ولا تعرضون

اذا صغار المستثمرين عرفوا العبه هذى راح تخرب طريقه المحافظ

وراح يشكون فى بعض ويخرب اتفاقهم وبيرتفع السهم

نصيحه لوجه الله جهزوا افلوسكم واشتروا اذا اقل 400

وبيعوا اذا نزل 700

وعسى الله يرزق الجميع ويعوض صبركم خير

ويغنيكم ابحلاله عن حرامه

وبنسبه للاخوان الى يقولون ان السهم غير شرعى وينهم من زمان

يوم جاء موعد الادراج صار غير شرعى

تراء تعودنا العزف على الوتر الحساس شرعى وغير شرعى قبل

الادراج وهذى من طرق المحافظ

للرفع للتذكير

 

[bo fawaz]

اللعبه الثانيه الى يمكن يلعبون على المساهمين فيها

اذا اتفقوا بكره

اولا يمكن يلقون الطلب ضعيف

عشان الناس تتحسف وتبيع

ثانيا" يمكن يقطون من الاسهم الى خذوها اليوم برخص التراب

بالحد الادنى عشان الناس تخاف وتقط الى عندها
============================

وهذا التحذير الثانى

امسكوا امسكوا ترا الى باع اول السوق اليوم تحسف وقال لو ناطرشوى

ياجماعه صبرتوا سنتين اصبروا خلو صبركم يسوا

تراء السهم فيه خير واكبر دليل الطلب الى صارعليه اليوم

لاتبيعون اقل من 700

واذا ماوصل استثمر لحد يقول مايوصل السهم وراه اخبارطيبه وعقود

بالملايين

وفيه انتخابات مجلس اداره وصراع كراسى

وعسى الله يرزق الجميع الى باع والى صبر

الاهل بلغت اللهم فأشهد

للرفع للتحذير

 

[waleedy 2000]

شباب لايضيق خلقكم نفرض نزل اليوم 520 فلس مثل ماتتمنون شراح يصير 1-يضغطون السهم وأول خمس دقايق حد أدنى (485)
2-اليوم وباكر وعقبه حد أدنى ومحد قادر يبيع السعر يوم الاربعاء (435فلس) وممكن يكمل النزول
3-انشاءالله باكر وعقبه حد أعلى جم سعره الاربعاء (435فلس) يعني ماتغير شي بالعكس الوضع هذا أفضل السهم بالحد الاعلى وعرفنا اهميته وقوته بالمستقبل للمستثمر والله يرزق الجميع انشاءالله وسامحوني طولت عليكم بأول مشاركه.

 

[ثنان]

السلام عليكم ورحمة الله وبركاته

اللي يقدر يصيده على 410 باكر زين وممتاز
والرزق على اللي ميت القشع يحييه​

 

[كويت2]

إدراج مخيب ....لللآمال

يا جماعة الخير .. خلكم واقعيين شويه وبعيد عن الأحلام الوردية ..

السهم محكور بكمية 100 مليون عند السعر 385

شيلمهننننننننننننننننننننننننننننننننن !!!!!

يا ليل ماطولك