مبروك .... إقرار الزيادة للعاملين بالقطاع النفطي

[Eng_004]

شنو آخر الاخبار؟.....وتقبل الله صيامكم ...

 

[hassankoc]

ليش اهي تشمل غير الكويتيين بعد!!
توني ادري

للأسف تشملهم تناقضات الأداره يقولون نوفر

 

[رمز الصمود]

ليش للأسف تشملهم ..؟؟؟

انا أأيد ان تكون شامله فتكون البركه عامه للجميع .. وهذا اقل مايكون لأن فيهم ناس قداما .. وقدموا اشياء جليله للكويت ..

والمتحدث كويتي ... ابيها تكون عربيه بالأحرى

 

[تويجر]

شباب عندي لكم اخبار عن اجتماع باجر ترى خلااااص اقول او لا شوفوا باجر

قول قول عادي صار عندنا مناعة

 

[تويجر]

شوفو هالمناشدة


http://www.alqabas.com.kw/Final/NewspaperWebsite/NewspaperBackOffice/Issues/25-9-2007/07-Adv.pdf

 

[المهندسة]

وين الرويشد
قولنا شنو الاخبار الي عندك

 

[hassankoc]

انا أأيد ان تكون شامله فتكون البركه عامه للجميع .. وهذا اقل مايكون لأن فيهم ناس قداما .. وقدموا اشياء جليله للكويت ..

والمتحدث كويتي ... ابيها تكون عربيه بالأحرى

ديرتنا واحنا احرار فيها لو في ديرتهم تحصل زياده والله ماتشم الفلس ومنها توفير والمعاش الحين يكفيهم وزياده غير التيلفونات والسيارات والمدارس الخاصه ووووو----الخ خله على الله ولا يصرفون شي يحولونه ديرتهم ولا استفادت الدوله شي

 

[المهندسة]

من جريدة الوطن اليوم

يناقش زيادة الرواتب والمصفاة الرابعة
مجلس البترول الأعلى يعقد اجتماعه اليوم
كتب محمد الهاجري:
يعقد المجلس الاعلى للبترول اليوم اجتماعا لمناقشة قضايا مدرجة على جدول اعماله مقررة منذ اغسطس الماضي، غير انه تأجل اكثر من مرة بسبب ارتباط وزير الكهرباء والماء وزير النفط بالوكالة محمد العليم باجتماعات منظمة الدول المصدرة للنفط «اوبك».
ويناقش الاجتماع زيادة رواتب الموظفين في القطاع النفطي، وكذلك انشاء المصفاة الرابعة والاجراءات اللازمة وكيفية تنفيذ المشروع والسبل الكفيلة باخراجه الى حيز الوجود بالصورة الافضل.
ويبحث المجلس كذلك قضايا ادارية وتنفيذية في القطاع النفطي وسبل تطويرها.

تاريخ النشر: الثلاثاء 25/9/2007

 

[hassankoc]

مناشده بالصحف اليوم

 

[المهندسة]

كادر ولا زيادة ولا الاثنين؟ ان شاء الله الاثنين

من جريدة الوسط:

المحليات




لاري يتعجل إقرار كادر النفط



الثلاثاء, 25 - سبتمبر - 2007






طالب النائب أحمد لاري المجلس الأعلى للبترول بضرورة إقرار كادر المهندسين وغيرهم من العاملين في القطاع النفطي، في اجتماعه الذي سيعقد الثلاثاء المقبل أسوة بزملائهم في القطاعات الحكومية المختلفة، نظرا لما يقوم به العاملون في ذلك القطاع من نشاط حيوي وحساس وذي أهمية، علاوة على أنهم معرضون للخطر في أي وقت، ناهيك عن التلوث البيئي الذي يصاحب عملهم نظرا لقربهم الدائم من المشتقات النفطية.
وأضاف لاري أنه حان الوقت لإقرار الكادر، ولم يعد مقبولا تسويف وتأجيل القضية أكثر مما مضى، مؤكدا أن الكادر حق مكتسب للعاملين في ذلك القطاع، مضيفا أنه ينبغي على المجلس الأعلى للبترول تقدير خيرة الكفاءات الوطنية التي يزخر بها القطاع النفطي.

 

[الواضح]

الله كريم

الى الاخت المهندسه رد بسيط ومختصر

انا طبعا مو متفا ئل ولا انا مصدق خرابيط وتصريحات الاتحادات والنقابات اللي بالصحف .
.
لكن على قدر اهل العزم تاتي العزائم

فهمتي كلامي وقصدي اختي الكريمه

تقبلي تحياتي واحترامي"

 

[المهندسة]

بس اذا صج مافي شي جان مانطرح الموضوع من الاساس

 

[الواضح]

انتي طيبه وايد

منو قال فيه موضوع اصلا عشان تقولين انه ينطرح

 

[المهندسة]

تتوقع ماراح يصير شي باجتماع اليوم؟

 

[الواضح]

تعجبني روحج المتفائله

خايف عليج من الصدمه.منو قال فيه اجتماع اصلا عشان تقولين اتوقع ماراح يصير شير.واذا صار شيء لج مني هديه قيمه وثمينه

 

[المهندسة]

ان شاء الله يصير شي
و الهدية ابي زيادتك مدة سنة كاملة

 

[al-hajri]

أبشرو بالخير ان شاء الله
وان ماحصل شي باجتماع اليوم .. والا حتى لو مافيه اجتماع ان شاء الله جايه الزيادة جايه
والله كريم

 

[الواضح]

تستاهلين

تستاهلين كل خير .بس انا قلتلج لج هديه مو راتب سنه حرام عليج .انتي تبين انا اجن

 

[مهندس البورصة]

ما الهاجري و الله ملينا من الإنتظار الكل يعرف إنها جاية و لكن متى ب 2020 ؟؟

و الله يا ناس أنا حاس إن ماراح يصير كالعادة و إنشاء الله يكون هالإحساس خاطئ و راح يصير شي من 3 :

1- التأجيل
2- عدم إكتمال النصاب
3- لم يسعفهم الوقت لمناقشة الموضوع بشكل كلي و نهائي

و سيبقى القطاع النفطي مظلوم و بيئة طاردة للكفاءات

و أعيدها مرة أخرى إنشاء الله يكون مو هذا إللي راح يصير و لكن هذا تصوري الشخصي

 

[al-hajri]

طولو بالكم وبتجيكم زيادة ودسمة بعد ...
بس لاتحنوووون
وان شاء الله عما قريب ... وممكن ممكن تكون بأثر رجعي
ترى انا وانت يالمهندس والمهندسة والواضح مابيدينا شي .. لكن الله كريم