ألحقوني يا جماعة أبي حل ؟؟؟

[على طريق المال]

ياأخون الحقوني ابي حل مستعجل ياأهل البورصة والخبراء

أنا أكتتبت(القرين ) بأسم أخوي القاصر وتوفي أبوي الله يرحمة

وانا ألحين توهقت شلون أقدر أبيع ولاتقولولي رح شئون القصر

لأنهم راح ياخذونها الحل ياأهل الحل بلييييز ؟؟؟​

 

[العايش]

حول اسهمك و اسهم اخوك باسم امك اذا موجودة و خلها


تبيعهم باسمها و هذا احسن حل :d

والله المستعان

 

[Sniper Stock]

بعد اذنك اخوي العايش..

تحول اسهم اخوك الى امك وبعدها تحولها لأسمك...

الصبح التحويل..عند نقل الملكية بسوق الكويت للأوراق الماليه..

الطلبات....

صورة بطاقة اخوك + صورة بطاقة امك + صورة بطاقتك + شهادات الاسهم + صورة من شهادة الميلاد لأخوك ..عشان تثبت انها امكم + رسوم التحويل 2,5 دينارين ونص.

 

[العايش]

بعد اذنك اخوي العايش..

تحول اسهم اخوك الى امك وبعدها تحولها لأسمك...

الصبح التحويل..عند نقل الملكية بسوق الكويت للأوراق الماليه..

الطلبات....

صورة بطاقة اخوك + صورة بطاقة امك + صورة بطاقتك + شهادات الاسهم + صورة من شهادة الميلاد لأخوك ..عشان تثبت انها امكم + رسوم التحويل 2,5 دينارين ونص.

هذا صحيح و يعطيك العا فيه يا سوالف بورصوية

 

[بو سليمان]

الحل قول الحمدلله راحت عند اخوك مو عند واحد غريب و كلها وسخ ايدين

اقولك حاجة انا اعرف شخص يشتري بطاقات شاري من مجموعة ناس و من ضمن هؤلاء شخصين ثقات و اخوان
المهم العام الماضي بالصيف الا واحد منهم حاشه ضغط ما طولها عليك توفي و ما كان من صاحبنا الا ان ذهب الي العزاء و اليوم الرابع جاء و معه ورقة شهادة الاكتتاب و سلمها الي اهل المتوفي و قال لهم اللهم اني بايح حلال زلال لعيالة

بعد شهرين او 45 الا و اخو الشخص المتوفي هم جائه ضغط و توفي و ما كان من صاحبنا الي مكرر نفس العمل الاول

مع العلم ان صاحبنا هذا لحد الان متعلق باللبنانية شاريها 1060فلس و اعرف حالة خسارة بس دائما مبتسم و عدد البطاقات اللي راحت عليه 14 بطاقة

 

[Sniper Stock]

اعتقد ان الام اذا عايشه تقدر تحولهم باسمها ليش معصب


اهيه تكون الوصي بعد الابوووو واذا ممنوع وكل شئ جايز..مثل ماقال اخوي بو سليمان..احمد ربك

 

[kuwait_17]

اعتقد اذا الاب توفا والابناء قصر محد يقدر يحول اي شي من اسمائهم إلا بموافقة شؤن القصر .. وانا من رأي عطهم لخوك والله يبارك له فيهم ​

 

[فهد الفهود]

حول اسهمك و اسهم اخوك باسم امك اذا موجودة و خلها


تبيعهم باسمها و هذا احسن حل :d

والله المستعان

ما شاء الله عليك

 

[خبير النفط]

مثل ماقال الاخوان حولها باسم الوالده وبعدين كيفك تخليها باسم الوالده او تحولهم باسمك
واذا تبى تحول باسمك لازم الوالده تروح معاك البورصه عند نقل الملكيه او تعمل اعتماد توقيع من البنك على ورقه نقل الملكيه اذا ماتبى الوالده تروح البورصه ما ادرى عن البنوك الاخرى لاكن بيت التمويل ياخذ خمس دنانير علشان يعتمد صحه توقيع الوالده
بعدين اذا انت شارى الاسهم انشاء الله انهم حلالك وما فى داعى تاخذ شهاده الوفاة لانها غير مطلوبه ولا تقول ان الوالد متوفى

 

[* مواطن *]

اخى العزيز مراح أحد يتصرف بالاسهم الا شؤون القصر حتى اذا حولتها الى والدتك ومن ثم اليك أعتقد البورصه عندها خبر بان اسهم القاصر تابعه للقصر .عند توفى رب الاسره وعنده قصر تقوم الهيئه برعايتهم وسوف تخاطب جميع الوزاراة والبنوك وغيرها وبينى وبينك خلها لخوك وهذا رزقه من والدك الله يرحمه ويرحم اموات المسلمين مجرد راى ولك من التحيه

 

[على طريق المال]

أشكر الأخوان على المرور والمشاركة

لكن حتى الوالدة ماتقدر تحولها بسمها للأن الوصي عليهم شئون القصر؟؟

بالنسبة للفلوس أدري انها بأمان عند أخوي لكن المشكلة اخوي يبيلة

ست سنوات على مايكمل وماندري شيبيصير للشركة فيها ؟؟؟​

 

[خبير النفط]

يعتمد على تاريخ الوفاة يبا هذى الكويت صلى على النبى اشدعوه من حلاة السيستم ولا صدقتوا سالفه الحكومه الالكترونيه اذا ما تبلغهم ما يسوون شىء الا عقب فتره طويله
جرب تحول واذا قالوا ما يصير يحلها الحلال

 

[بو سعود2003]

انا اقول اذا السهم شاريه بفلوسك بيعه اخوك براس ماله 100 فلس او عطهم اخوك يفيدونه لزمن ولاتخاف الشركه ماعليها خوف


هذا مجرد راي

 

[NBK]

امرك بسيط وانا اخوك
تدمج الاسهم باسم الوالده وشئون القصر مالهم شغل
حالتك احسن من حالتي
انا اكتتبت باسهم الاولى وقود لجد عيال اختي وتوفى ( الله يرحمه )
وماني قادر اسوي شي تقدر تقول راحت فلوسي
(عليهم بالعافيه)
فالامور سهاله والدنيا بخير
طول بالك اخي

 

[waleedy 2000]

أشكر الأخوان على المرور والمشاركة

لكن حتى الوالدة ماتقدر تحولها بسمها للأن الوصي عليهم شئون القصر؟؟

بالنسبة للفلوس أدري انها بأمان عند أخوي لكن المشكلة اخوي يبيلة

ست سنوات على مايكمل وماندري شيبيصير للشركة فيها ؟؟؟​

أخوي اذا وكيل القاصر شؤون القصر أنسى الموضوع........

وإذا غير جذيه ممكن..........وآنا مع راي أخونا17_kuwait خلهم حق أخوك أبرك لك وله

 

[NBK]

اذا الاكتتاب تم عن طريقك قبل وفاة الوالد ما لهم حق شئون القصر

واذا الاكتتاب تم عن طريق شئون القصر في هالحاله ما تقدر تتصرف

 

[waleedy 2000]

اذا الاكتتاب تم عن طريقك قبل وفاة الوالد ما لهم حق شئون القصر

واذا الاكتتاب تم عن طريق شئون القصر في هالحاله ما تقدر تتصرف

أخوي أرجو المعذره..... كل شي بأسم القاصر يصبح تحت تصرف شؤون القصر


ممكن اذا راجع شؤون القصر ومعه اللي يثبت بان الأسهم ملكه لكن باسم أخوه والاثبات مثل الشهود ممكن مو أكيد بعد.

 

[على طريق المال]

أشكركم أخواني على الردود وشكلي بخليها لين يكمل أخوي بلا عوار راس

مع شئون القصر وبلاويهم ؟؟؟ظ

 

[العايش]

ما شاء الله عليك

اشكرك يا بو الفهود ما عليك زود